II Tes 2:8 - Sơ̆p Hlabơar Nơ̆r 'Bok Kei-Dei

⁸ Lăp Kră Yang Yêsu Krist jur đơ̆ng plĕnh ning-mônh, Sư yua tơdrong mơsêh mơyang Sư pơrăm bơngai kơnê̆ ei. Hăm 'bơ̆r Sư dơhlu hơyuh, na bơngai pơm kơnê̆ ei lôch hloi.

II Tes 2:8 Iomraidhean Croise

II Sam 23:7

Bơngai bu hơtŭt 'bơm lu sư, athei đei tơmam hăm bơsei, dah 'long, tơju. Ŭnh sa lu sư lek hach kơtă anih noh hloi.

Jop 4:9

Hơyuh kial dui jơhngơ̆m Kră Yang 'Bok Kei-Dei pơrăm lu sư. Tơdrong Kră Yang 'Bok Kei-Dei hil mĭl na lu sư hiong răm.

Horiso 18:15

Ơ Kră Yang, đơ̆ng nơ̆r Ih chrih, Kial lĕch đơ̆ng trôm muh Ih, na kơđĕl đak dơsĭ 'bôh hơnă teh đak kư̆m 'bôh bang.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 30:28

Hơyuh Sư dui jơhngơ̆m thoi glung lơ̆p blai truh tơ ako, Sư wă um pơliĕng rim teh đak hăm tơdrong pơrăm păng sư yua dam pơhơ̆p tơ kon pơlei păng ba lu sư năm trong jrok.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Da 7:25

Pơtao noh sư gô blah pơma kơnê̆ kơ Kră Yang 'Bok Kei-Dei Tih hloh, pơm kơ lu bơngai 'lơ̆ng rơgoh Kră Yang Tih Hloh rơdu rơmơ̆n păng sư pơkă wă tơplih khôi juăt, tơplih tơdrong pơgơ̆r, kơplah noh đe gô pơjao lu bơngai 'lơ̆ng rơgoh lăm ti sư minh sơnăm, 'bar sơnăm, minh puăt sơnăm.

Da 7:26

Mă-lei tơdrong sek tơlang gô truh păng đe gô iŏk lê̆ tơdrong pơgơ̆r đơ̆ng sư, wă pơrăm tơhiong tôch đĭ hloi.

Da 8:25

Sư đei tơdrong gơh pơm hơlĕnh pơdăr sư đei jơnei tih. Lăm jơhngơ̆m sư kơdih pơm kơ sư jing tih păng kơplah lu kon pơlei oei hiôk-hian, sư gô pơlôch lơ bơngai; sư iung blah lu pơtao kơ lu pơtao, mă-lei đe gô pơrăm lê̆ sư ưh kơ trŏ đơ̆ng ti kon bơngai pơrăm.

Hôsia 6:5

Yua kơ thoi noh na Inh đei ăn boih lu bơngai khan lê̆ adrol pơbral lu iĕm, Inh pơlôch boih lu iĕm hăm nơ̆r pơma đơ̆ng 'bơ̆r Inh. Tơdrong Inh sek tơlang lĕch thoi hơdah măt 'năr lĕch.

Mathiơ 13:19

Lu bơngai mơ̆ng đe bơtho tơdrong 'Bok Kei-Dei wă pơgơ̆r bơ̆n, lu mơ'nah ưh kơ hlôh, lu sư thoi lĕ găr 'ba đe rei huŏng 'bơ̆t trong. Na yang kơnê̆ Satan năm tơbeh lê̆ kuă ăn iŏk nơ̆r đe bơtho 'noh.

Mathiơ 13:38

Mir noh wă khan jơ̆p-jang kơ teh đak. Adrĕch 'ba 'lơ̆ng noh wă khan lu bơngai mă ăn kơ 'Bok Kei-Dei pơgơ̆r sư. 'Nhĕt noh wă khan bơngai kiơ̆ yang kơnê̆.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

I Kor 1:28

păng 'Bok Kei-Dei rơih iŏk boih lu bơngai mă pă jing jat pă-tat tơdrong wă pơthuơ lu bơngai pơm tih pơm yŏng.

II Tes 2:3

Bơngai ei sư khan năr tôch wă jê̆ truh boih sơmă iĕm 'nĕ kơ lui kơ sư hŏ. Kơlih kơ ning-mônh gô đei lơ bơngai akŭm wă pơtơm blah 'Bok Kei-Dei păng gô đei minh 'nu bơngai kơnê̆ tơpă tơ ala teh âu. 'Bok Kei-Dei wă phak sư tơpă ning-mônh. Mă tơpă, hơdrol kơ bơngai kơnê̆ ei truh, năr tôch ưh tam mă truh tơpă ôh.

II Tim 1:10

Na dang ei Sư wơh Kon Sư Yêsu Krist dŏng pơklaih bơ̆n boih, na bơ̆n băt Sư 'mêm mơnat kơ bơ̆n tơpă. Yêsu Krist ăn kơ bơ̆n arih ling-lang. Bơ̆n huay kơ lôch răm ôh. 'Bok Kei-Dei tơbăt ăn kơ bơ̆n tơdrong arih ling-lang lăm tơdrong 'nao 'lơ̆ng Sư.

II Tim 4:1

Năr tôch kơnh Kră Yang Yêsu Krist gô jur tơ ala teh wă pơgơ̆r păng sek tơlang đĭ-đăng bơngai, mă bơngai lôch, mă bơngai arih. Kră Yang 'Bok Kei-Dei păng Kră Yang Yêsu Krist 'bôh bơ̆n ling-lang na ih athei kơchăng, athei bơtho tơdrong Sư ling-lang; mă đe mơ̆ng mă đe ưh, ih kư̆ bơtho đĕch. Ih athei khă đe 'nĕ pă pơm tơdrong yoch păng bơtho đe lui mă kơjăp, bơtho pơlung sư adar adeh.

II Tim 4:8

Pơtih gia lu bơngai kơdâu pơjei, dah jei bu đe apah agăl pơkao. Kră Yang Yêsu Krist sek tơlang tơpăt, thoi noh na ning-mônh Sư wă jur tơ ala teh pă 'măng dơ̆ng na Sư wă ăn apah kơ inh. Tơdrong apah ei Sư wă ăn kơ đĭ-đăng bơngai 'lơ̆ng tơpăt, dôm lu bơngai 'mêm kơ Sư păng chang gô Sư wă jur dơ̆ng tơ teh.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

Hêbrơ 10:27

pôm chang gô tơdrong 'Bok Kei-Dei sek tơlang wă phak lăm ŭnh kơdơ̆r tih đĕch, hli dêh. Ŭnh noh wă soh pơmat lu bơngai mă ayăt kơ 'Bok Kei-Dei.

I Yo 2:13

Ơ lu mih ma duch nă, inh chih kơ iĕm kơthơ âu kơlih kơ iĕm băt kơ Yêsu Krist mă oei arih đơ̆ng blŭng-a sơ̆. Ơ lu adruh tơdăm, inh chih kơ iĕm kơthơ âu kơlih kơ yang Satan thuơ kơ iĕm boih.

I Yo 3:12

Bơ̆n ưh kơ gơh pơm thoi Kain ôh. Kain sư kiơ̆ yang Satan, sư pơlôch oh sư pôm mĕ 'bă. Kơlih kơ kiơ Kain pơlôch oh sư? Kơlih kơ sư pơm tơdrong kơnê̆ ling-lang, gah oh sư pơm tơdrong 'lơ̆ng tơpăt.

I Yo 5:18

Bơ̆n băt boih dôm lu bơ̆n kon 'Bok Kei-Dei ưh kơ gơh pơm yoch khŏm khŏm ôh kơlih kơ Yêsu Kon 'Bok Kei-Dei, Sư wei-lăng bơ̆n, na yang Satan ưh kơ gơh pơrăm lu bơ̆n ôh.

Tơdrông Tơ'bôh 1:16

Tơpang ti Sư gah 'ma, Sư chĕp tơpơh tŏ sơnglŏng. Đei minh hlak đao han dêh, đao noh đei 'bar pah măt, lĕch đơ̆ng 'bơ̆r Sư pơma. Muh măt Sư rang hơdah dang măt 'năr pơchrang tŏk-bŏk 'năr dơ̆ng.

Tơdrông Tơ'bôh 13:5

Na yă-grai ei ăn kơ sem 'noh pơma pơang akâu kơdih păng pơma blông kơ 'Bok Kei-Dei. Sư gơh pơgơ̆r kơplah puăn-jĭt 'bar khei đĕch.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.

Tơdrông Tơ'bôh 2:16

Na dang ei iĕm athei tơbral kơdih tơdrong yoch. Tơ̆ng iĕm ưh kơ tơbral, lei Inh ưh kơ anat ôh, Inh năm blah hloi dôm lu iĕm mă lui kơ tơdrong Nikôlat noh. Inh blah păng đao mă lĕch đơ̆ng 'bơ̆r Inh noh.’

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.