II Tes 2:7 - Sơ̆p Hlabơar Nơ̆r 'Bok Kei-Dei

⁷ 'Bok Kei-Dei ăn kơ bơ̆n băt gah tơdrong bơngai kơnê̆ ayăt kơ Sư ning-mônh ei. Dang ei kư̆m đei lu bơngai wă pơm kơnê̆ thoi bơngai mă kơnê̆ ei ning-mônh mơ̆n. Na 'bok yŏng lu sư, wă khan 'bok mă pơm kơnê̆ tam mă truh ei, gô đe achăng tơdrong pơgăn sư 'mơ̆i na sư truh.

II Tes 2:7 Iomraidhean Croise

Jang 20:29

Inh băt đơ̆ng rŏng kơ inh tơklah đơ̆ng lu iĕm, lu bơngai kơnê̆ pă jor wă năm tơ iĕm, wă pơhlŭ lu bơngai lui achăng lê̆ Kră Yang Yêsu. Lu sư thoi lĕ kŏ-so wă rôp sa triu.

II Tes 2:6

Bơngai kơnê̆ ei tam mă truh ôh dang ei kơlih kơ đe oei pơgăn sư. Iĕm kư̆m băt mơ̆n tơdrong pơgăn noh. Trŏ jơ bơngai kơnê̆ ei truh, sĭt sư gô truh tơpă.

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

I Yo 2:18

Ơ lu kon hơ'lơ̆p, năr tôch wă jê̆ truh boih. Iĕm kơtơ̆ng đơ̆ng sơ̆ boih gah tơdrong bơngai ayăt kơ Yêsu Krist gô truh. Na dang ei đei lơ bơngai ayăt kơ Yêsu Krist truh boih, thoi noh bơih bơ̆n băt kơ năr tôch wă jê̆ truh.

I Yo 4:3

Bơngai bu khan Yêsu Krist ưh kơ jur jing bơngai, bơngai 'noh ưh kơ đei Yang Bơhngol 'Lơ̆ng đơ̆ng 'Bok Kei-Dei ôh. Bơngai bu khan thoi noh, sư 'noh ayăt kơ Yêsu Krist. Iĕm kơtơ̆ng boih sơ̆ lu bơngai ayăt kơ Yêsu Krist khan gô truh, na dang ei lu sư truh tơ âu tơpă boih.

Tơdrông Tơ'bôh 17:5

Klĕng bơngai drŏ-kăn noh đe chih anăn sư, mă đe chih tơwer hrĕp. Đe chih thoi âu: “Pơlei Babilôn pơlei tih dêh mĕ kơ lu drŏ-kăn đi, tơ'bôh kơ đe tơdrong 'mê̆ jơ̆p kơ teh đak.”

Tơdrông Tơ'bôh 17:7

Na linh jang 'lơ̆ng ei khan kơ inh: “Yua kơ kiơ ih ưh kơ hlôh? Lê̆ inh tơblang ăn kơ ih tơdrong hrĕp bơngai drŏ-kăn noh păng tơdrong sem mă đei tơpơh tŏ kơ̆l, mơjĭt tŏ ake, mă bơngai drŏ-kăn noh hao.