II Tes 2:10 - Sơ̆p Hlabơar Nơ̆r 'Bok Kei-Dei

¹⁰ Kơlih kơ sư bơngai kơnê̆ tơpă sư chă hơlĕnh kơ bơngai mă ưh tam mă lui kiơ̆ kơ 'Bok Kei-Dei, lu bơngai mă gô răm ning-mônh. Lu sư gô răm kơlih kơ lu sư ưh kơ wă lui kơ nơ̆r 'Bok Kei-Dei; lu sư ưh kơ 'mêm kơ tơdrong 'Bok Kei-Dei na lu sư ưh kơ gơh klaih đơ̆ng tơdrong yoch.

II Tes 2:10 Iomraidhean Croise

Tơdrông Pơđơk 1:7

Hli yom kơ Kră Yang jing tơm tơdrong hlôh wao. Lu bơngai kơtul areh kơ tơdrong gơh hơgei păng nơ̆r bơtho pơhrăm.

Tơdrông Pơđơk 8:17

Inh 'mêm kơ lu bơngai 'mêm kơ Inh. Bơngai bu adrin chă Inh gô tơ'bơ̆p Inh.

Mathiơ 13:11

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Sư ưh kơ ăn kơ lu bơngai tơpôl noh băt ôh.

Yo 3:17

'Bok Kei-Dei wơh Kon Sư jur tơ ala teh âu wă pơklaih kon bơngai đơ̆ng tơdrong yoch, ưh kơ sĭ wă phak kon bơngai ôh.

Yo 5:34

Mă-lei Inh ưh kơ kăl kon bơngai pơma bơ̆ng Inh ôh. Inh khan kơ iĕm thoi âu: Yôhan bơtho tơpăt, wă kơ iĕm lui kơ nơ̆r Sư bơtho, na 'Bok Kei-Dei pơklaih yoch iĕm.

Rom 10:1

Ơ lu 'nhŏng oh, inh wă tơpă kơ lu bơngai Isơrael klaih đơ̆ng tơdrong yoch. Inh krao khan kơ 'Bok Kei-Dei apinh tơdrong noh ling-lang.

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

Rom 6:17

Sơ̆ iĕm đĭch gah tơdrong yoch ră, mă-lei bơnê kơ 'Bok Kei-Dei pơklaih iĕm rơngei boih yua kơ iĕm lui kơ tơdrong đe bơtho hăm đĭ jơhngơ̆m klơm klak.

I Kor 1:18

Lu bơngai wă hiong răm, lu sư lăng tơdrong bơ̆n bơtho gah tơdrong Yêsu Krist lôch tơ 'long pơglang, lu sư lăng dang tơdrong kơtul đĕch. Mă-lei gah bơ̆n, bơ̆n băt tơpă tơdrong Yêsu lôch tơ 'long pơglang kăl dêh, noh tơdrong mơsêh mơyang 'Bok Kei-Dei pơklaih bơ̆n.

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

II Kor 11:13

Iĕm ngêh kơ lu bơngai noh pơm jơ̆ng 'bang Yêsu Krist tơpă hă? Ưh ôh. Lu sư hơlĕnh dêh ưh kơ đei layơ tơpăt, chă pôk pơang pơ'brơh kơ akâu kơdih đĕch khan pơm jơ̆ng 'bang Yêsu Krist.

II Kor 11:15

Na mă jơ̆ng 'bang sư chă pơpơm thoi bơngai 'lơ̆ng, iĕm 'nĕ lăng hlĭch tơdrong kiơ; yua kơ dôm tơdrong lu sư pơm kơnê̆ noh, lu sư ưh kơ klaih đơ̆ng tơdrong hiong răm.

II Kor 2:15

Nhôn bơtho đe dang lĕ tơmam 'bâu phu Yêsu Krist soh pơyơ̆r kơ 'Bok Kei-Dei, wă kơ đĭ rim 'nu bơngai mă 'Bok Kei-Dei wă iŏk, hăm lu bơngai mă wă hiong răm 'bâu tôm.

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

Êphêsô 4:14

Thoi noh na bơ̆n ưh pă gơh kiơ̆ thoi lu bơngai hơ'lơ̆p lui kơ đe bơtho tơdrong kư̆ kă boih, pơtih gia đe hơlĕnh kơ bơ̆n, dah pơhlŭ bơ̆n, wă kơ bơ̆n hơwơ̆l jing jrok kư̆ kă.

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.

II Tes 2:12

Thoi noh 'Bok Kei-Dei gô phak đĭ-đăng lu sư, kơlih kơ lu sư ưh kơ lui kơ tơdrong 'Bok Kei-Dei, lu sư lăp đon kơ pơm tơdrong kơnê̆ đĕch.

II Tes 2:13

Ơ lu 'nhŏng oh, gah iĕm Kră Yang Yêsu Krist 'mêm mơnat kơ iĕm tơpă. 'Bok Kei-Dei wă kơ nhôn ling-lang krao khan bơnê kơ Sư kơlih kơ Sư rơih iŏk iĕm đơ̆ng blŭng-a sơ̆ wă kơ iĕm klaih đơ̆ng tơdrong yoch păng wă kơ Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă jang tơdrong Sư; păng Sư ăn kơ iĕm lui kơ tơdrong Kră Yang Yêsu Krist.

I Tim 2:4

Păng Sư wă kơ đĭ-đăng bơngai gơh klaih đơ̆ng pơm yoch păng wă kơ lu sư băt tơdrong 'Bok Kei-Dei:

Hêbrơ 3:13

Kơplah ahrei brei drâu oei tam mơ̆n, na rim năr iĕm athei pơlung dih băl, wă kơ đĭ-đăng kơ iĕm huay kơ lui kơ đe pơhlŭ pơlung iĕm pơm yoch jing arăng kơ̆l.

II Pet 2:12

Lu bơngai noh, lu sư thoi sem brem mă ưh kơ gơh tơchĕng, sư hơ̆r kơ wă pơm kiơ sư pơm hloi. Mĕ 'bă sem brem noh pơjing sư sơ̆ lăp pơjing ăn kơ đe rôp 'buh sa đĕch. Lu bơngai mă pơma kơnê̆ kơ đe kư̆m thoi noh, lu sư ưh kơ hlôh na lu sư gô răm thoi sem brem noh tơpă.

II Pet 2:18

Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.