II Tes 1:9 - Sơ̆p Hlabơar Nơ̆r 'Bok Kei-Dei

⁹ Đơ̆ng rŏng kơ sek tơlang, 'Bok Kei-Dei wă phak lu sư ling-lang. Lu sư ưh kơ layơ gơh oei hơdai hăm Kră Yang Yêsu Krist ôh păng lu sư ưh kơ layơ gơh 'bôh Kră Yang Yêsu Krist mă 'lơ̆ng rŏ mơsêh mơyang tơpă.

II Tes 1:9 Iomraidhean Croise

Bl 3:8

Hiưp 'năr glơh, kơtơ̆ng Kră Yang 'Bok Kei-Dei yak năm lăm pơgar. Ađam păng akăn sư ôn akâu bre sư tŏk-bŏk hơmŭl 'long, wă weh đơ̆ng muh măt Kră Yang 'Bok Kei-Dei.

Bl 4:16

Na Kain kơdŭn weh đơ̆ng Kră Yang păng oei tơ dêh Not, gah hơlĕch kơ pơgar Êđen.

Jop 21:14

Lu sư pơma hăm Kră Yang 'Bok Kei-Dei khan: “Weh ataih kơ lu nhôn, lu nhôn ưh kơ wă băt trong gơlong Ih.

Jop 22:17

Lu sư khan kơ Kră Yang 'Bok Kei-Dei khan: “Ih athei weh ataih đơ̆ng lu nhôn bĕ; Kră Yang Tih Hloh gơh pơm kiơ kơ lu nhôn?”

Horiso 16:11

Ih gô tơ'bôh ăn kơ inh trong tơdrong arih; 'Bơ̆t anăp Ih 'bĕnh hăm tơdrong chhôk hal. Gah 'ma kơ Kră Yang đei tơdrong chơt hiôk ling-lang khŏm khŏm.

Horiso 51:11

Apinh 'nĕ puh lê̆ inh đơ̆ng anăp Ih. Kŭm 'nĕ kơ iŏk lê̆ Yang Bơhngol 'lơ̆ng Ih đơ̆ng inh.

Êsai 1:28

Mă-lei lu bơngai blơ̆ blĕch păng lu bơngai yoch lu sư gô lôch hiong lu đe bu mă achăng tŭk Kră Yang lu sư gô hiong răm.

Êsai 2:10

Iĕm mơ̆t bĕ lăm hơgơp tơmo, ôn bĕ akâu iĕm lăm teh, wă weh đơ̆ng anăp tơdrong đei krưp Kră Yang păng tơdrong ư-ang mơsêh mơyang Sư.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Êsai 2:21

Sư gô mơ̆t ôn tơ lăm trôm tơmo păng hơgơp tơmo, wă kơ weh đơ̆ng anăp tơdrong hli krưp păng tơdrong mơsêh mơyang Kră Yang. Kơplah Sư iung pơm kơ teh tơdrŏ pơpơ̆.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsai 66:24

Wă lu sư lĕch năm 'bôh akâu lu bơngai mă ayăt hăm Inh lôch; yua kơ hrai sa lu sư ưh kơ đei layơ lôch, ŭnh sa lu sư kư̆m ưh kơ đei layơ păt, lu sư gô jing tơdrong krưp kơnê̆ pơm ăn kơ rim kon bơngai.”

Da 12:2

Lơ bơngai tep lăm teh gô iung hơđơ̆r, lu mơ'nah đei tơdrong arih ling-lang, lu mơ'nah gô pŭ iŏk tơdrong mơlâu păng pơmat-tat ling-lang.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 22:13

Na 'bok pơtao athei lu bơngai jang kơ sư chô̆ jơ̆ng ti bơngai noh tơlơ̆ tŭk tơ anih măng mu lê̆ sư nhơ̆m hmoi tơkăp sơnĕnh tơ noh.”

Mathiơ 24:30

Kơplah noh đĭ-đăng kon bơngai ala teh âu nhơ̆m hmoi yua kơ lu sư 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Mathiơ 26:24

Inh Kon Bơngai gô lôch 'blep trŏ thoi đe chih roi lê̆ hơdrol lăm sơ̆p hla bơar 'Bok Kei-Dei. Mă-lei mơnat kơ bơngai mă plơ̆ plĕch Inh noh đĕch pŭ tơdrong pơmat, 'lơ̆ng hloh đe dah lê̆ kơ tơpŭ kơ sư sơ̆.”

Mathiơ 7:23

Mă-lei năr 'noh kơnh Inh gô khan kơ lu sư thoi âu: ‘Inh ưh kơ băt kơ lu iĕm âu ôh. Weh tơ nai năm, iĕm bơngai kơnê̆ ngăl.’

Luka 13:27

Na Inh tơl tơwih dơ̆ng: ‘Inh khan kơ iĕm tơpă, Inh ưh kơ băt kơ lu iĕm ôh. Weh tơ nai năm, iĕm bơngai kơnê̆ ngăl.’

Yo 5:14

Đơ̆ng rŏng kơ noh Yêsu 'bôh bơngai Sư pơklaih noh tơ lăm hnam akŭm 'Bok Kei-Dei tơm na Yêsu khan kơ sư thoi âu: “Dang ei ih klaih boih, ih 'nĕ pă pơm yoch dơ̆ng, kơnh ih pŭ tơdrong trăp hloh kơ noh.”

Both 33:2

Sư khan: Kră Yang truh đơ̆ng kông Sinai. Pơchrang hơdah kơpal lu bơ̆n đơ̆ng Seirơ, păng rang mơnhal đơ̆ng Kông Paran; Sư truh hăm lơ rơbâu hơngan linh jang, Rang hơdah kơmlat lĕch đơ̆ng ti 'ma Sư.

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

II Tes 2:8

Lăp Kră Yang Yêsu Krist jur đơ̆ng plĕnh ning-mônh, Sư yua tơdrong mơsêh mơyang Sư pơrăm bơngai kơnê̆ ei. Hăm 'bơ̆r Sư dơhlu hơyuh, na bơngai pơm kơnê̆ ei lôch hloi.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

Hêbrơ 10:29

Tơpă, iĕm tơchĕng lăng tơdrong lu bơngai mă pơjuă kơtĭt Kon pôm 'Bok Kei-Dei păng lăng pham Kon Sư đêl pơm kơ sư rơgoh, mă sư pơm pơhơi thoi ưh kơ yua. Păng Yang Bơhngol 'Lơ̆ng bơtho tơgŭm bơ̆n tôm tơdrong 'lơ̆ng mă sư pơjăm ngôi. Iĕm tơchĕng lăng bơngai noh hăm trŏ kơ phak? Phak tih tơpă ưh kơ băt tih dang yơ.

II Pet 2:17

Lu bơngai noh dang ei jing ưh kơ yua, thoi lĕ kơ đak ưh pă ro đơ̆ng tu sư boih; lu sư thoi hơmơ̆l păr tơ rơwơ̆ng kial dơhlu jơ̆p-jang. Thoi noh 'Bok Kei-Dei wă phak lu sư, ăn kơ lu sư oei tơ anih măng mu, yua kơ lu sư jing bơngai ưh pă yua boih.

II Pet 3:7

Mă dang ei Sư kư̆m pơkă khan wă pơrăm plĕnh pơrăm teh đak wă soh păng ŭnh. Truh năr Sư sek tơlang ning-mônh Sư pơrăm tơpă mơ̆n păng phak dôm lu bơngai mă ưh kơ lui kơ Sư lăm noh.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Tơdrông Tơ'bôh 20:14

Đơ̆ng noh dêh atâu păng yŏng pơgơ̆r tơdrong lôch kư̆m trŏ kơ tơlơ̆ sư tơ dơnâu ŭnh mơ̆n. 'Noh tơdrong lôch mă 'bar.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.