II Tes 1:3 - Sơ̆p Hlabơar Nơ̆r 'Bok Kei-Dei

³ Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

II Tes 1:3 Iomraidhean Croise

Jop 17:9

Bơngai 'lơ̆ng tơpăt wei kơjăp trong sư kơdih, Bơngai đei tơpang ti rơgoh 'lơ̆ng rai pran kơtang.

Horiso 84:7

Lu sư yak năm tơ anăp lu sư rai pran kơtang dêh, Dĭng truh 'bơ̆t anăp Kră Yang 'Bok Kei-Dei tơ Siôn.

Horiso 92:13

Đe pơtăm lu sư lăm hnam Kră Yang. Wơ̆ tih tơ lăm cham Kră Yang 'Bok Kei-Dei lu bơ̆n.

Tơdrông Pơđơk 4:18

Mă-lei trong lu bơngai tơpăt thoi hơdah pơchrang, Pơchrang hơdah truh tơ 'năr dơ̆ng.

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Luka 17:5

Lu jơ̆ng 'bang Kră Yang Yêsu khan kơ Sư: “Apinh Ih tơgŭm nhôn lui kơ 'Bok Kei-Dei kơjăp.”

Yo 15:2

Na dôm lu bơngai lui kơ Inh thoi lĕ dơng, tơ'bla, sơdrai mă chăt đơ̆ng Inh. Dơng mơ'nah ưh kơ đei plei, 'Bă Inh chre tŭk. Đei dơng mơ'nah plei mơ̆n, mă ưh kơ trem, Sư sơleh tŭk lu tơ'bla iĕ, wă kơ sư plei trem păng plei tih.

Rom 1:8

Hơdrol kơ inh wă pơma, inh đei tơdrong bơnê kơ 'Bok Kei-Dei hơdrol 'mơ̆i. Yua kơ Yêsu Krist lôch tang bơ̆n na bơ̆n băt krao khan bơnê kơ 'Bok Kei-Dei. Inh bơnê kơ Sư yua kơ Sư ăn kơ iĕm lui kơjăp. Đĭ kơ bơngai lui jơ̆p kơ teh đak kư̆m băt kơ iĕm lui kơjăp tơpă.

I Kor 1:4

Inh ling-lang bơnê kơ 'Bok Kei-Dei 'mêm kơ iĕm, Sư tơgŭm iĕm, yua kơ Sư mơnat đơ̆ng iĕm lui kơ Yêsu Krist.

II Kor 10:15

Dôm lu bơngai khŭl nai lui kơjăp đơ̆ng đe bơtho, nhôn ưh kơ đei pơma khan đơ̆ng nhôn bơtho ôh. Mă iĕm âu đơ̆ng anăp nhôn bơtho tơpă, na nhôn chang iĕm jah lui kơjăp, wă kơ iĕm jah tơgŭm nhôn bơtho jơ̆p kơ tơring iĕm.

Êphêsô 5:20

Bơ̆n athei băt bơnê kơ 'Bă tơm bơ̆n 'Bok Kei-Dei lăm tôm tơdrong păng bơ̆n athei krao chă Yŏng bơ̆n Yêsu Krist na bơ̆n gơh krao khan bơnê kơ 'Bok Kei-Dei.

Philip 1:7

Đon inh tơchĕng kơ iĕm ling-lang trŏ mơ̆n, yua kơ inh 'mêm kơ iĕm dêh. Inh 'mêm kơ iĕm yua kơ iĕm tơgŭm inh lăm tơdrong jang 'Bok Kei-Dei kơplah đe oei phak inh hăm kơplah inh oei pơjah pơjăng hăm đe gah tơdrong 'nao 'lơ̆ng.

Philip 1:9

Inh krao khan apinh 'Bok Kei-Dei ăn kơ iĕm rai đunh rai băt 'mêm mơnat dih băl păng hlôh tôm tơdrong Sư, wă kơ iĕm băt kơ tơdrong trŏ iĕm sŏ iŏk, tơdrong glăi iĕm săi tŭk. Thoi noh na iĕm jing bơngai 'lơ̆ng tơpăt, huay kơ đei tơdrong yoch kơplah Yêsu Krist jur ning-mônh.

I Tes 3:12

Păng nhôn apinh Sư tơgŭm iĕm rai đunh rai gơh 'mêm mơnat dih băl lăm tơduă lu iĕm păng bôl buăl nai mơ̆n kư̆m thoi nhôn 'mêm mơnat kơ iĕm.

I Tes 3:6

Na dang ei Timôthê đơ̆ng iĕm brŏk tơ nhôn boih, sư roi kơ nhôn tơdrong iĕm oei lui kơjăp, băt 'mêm kơ 'Bok Kei-Dei hăm bôl buăl. Thoi noh na nhôn chhơp kơ jơhngơ̆m păng 'nă hal dêh. Sư roi kơ nhôn tơdrong iĕm 'mêm mơnat rơnguơ̆ kơ nhôn păng wă kơ tơ'bơ̆p nhôn dơ̆ng. 'Noh kư̆m lei-lăi thoi nhôn wă kơ tơ'bơ̆p iĕm dơ̆ng mơ̆n.

I Tes 3:9

Yua kơ iĕm na nhôn bơnê kơ 'Bok Kei-Dei tơpă. Nhôn bơnê kơ Sư yua kơ Sư ăn kơ iĕm lui kơjăp. Na nhôn chhơp kơ jơhngơ̆m 'nă hal dêh.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

II Tes 2:1

Ơ 'nhŏng oh, inh pơma gah tơdrong Kră Yang Yêsu Krist jur tơ ala teh ning-mônh, lu bơ̆n năm akŭm tơ Sư.

II Tes 2:13

Ơ lu 'nhŏng oh, gah iĕm Kră Yang Yêsu Krist 'mêm mơnat kơ iĕm tơpă. 'Bok Kei-Dei wă kơ nhôn ling-lang krao khan bơnê kơ Sư kơlih kơ Sư rơih iŏk iĕm đơ̆ng blŭng-a sơ̆ wă kơ iĕm klaih đơ̆ng tơdrong yoch păng wă kơ Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă jang tơdrong Sư; păng Sư ăn kơ iĕm lui kơ tơdrong Kră Yang Yêsu Krist.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

II Pet 1:13

Inh arih tơ ala teh âu dang yơ, inh bơtho tơ'blŏk kơ iĕm dang noh,

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.