II Tes 1:1 - Sơ̆p Hlabơar Nơ̆r 'Bok Kei-Dei

¹ Nhôn pêng 'nu, Pôl, Silas, Timôthê, chih hơpong kơ lu bơngai lui tơ Pơlei Têsalônik. 'Bă tơm bơ̆n 'Bok Kei-Dei păng Kră Yang bơ̆n Yêsu Krist wei-lăng iĕm ling-lang.

II Tes 1:1 Iomraidhean Croise

Jang 15:22

Đơ̆ng noh lu jơ̆ng 'bang Yêsu, lu kră wei-lăng bơngai lui păng đĭ-đăng bơngai lui mơ̆n, lu sư wă rơih lu bơngai năm tơ Pơlei Antiôs hơdai bre Pôl păng 'Barna'ba. Lu sư rơih minh 'nu bơngai đei 'bar anăn, Juđa 'Barsa'ba păng minh 'nu dơ̆ng, Silas. Bre sư ei lu bơngai lui lăp đon 'biơ̆ lăm lu bơngai lui.

Jang 16:1

Đơ̆ng noh bre Pôl păng Silas năm tơ Pơlei Dibơ păng năm tơ Pơlei Litrơ. Tơ Pơlei Litrơ ei đei lơ bơngai lui păng đei minh 'nu bơngai anăn sư Timôthê. Mĕ sư bơngai Juđê kư̆m lui mơ̆n, 'bă sư bơngai Grĕk.

Jang 17:1

Bre Pôl păng Silas năm drong tơ Pơlei Amphi păng Pơlei Apơlê, na truh tơ Pơlei Têsalônik. Tơ ei đei hnam akŭm đe Juđê.

II Kor 1:19

Yêsu Krist Kon 'Bok Kei-Dei, mă nhôn đe Silas, Timôthê năm bơtho tơ tŏk-bŏk iĕm sơ̆, Sư pơkă wă tơgŭm bơ̆n ưh kơ sĭ phŏ 'blep phŏ ưh. Ưh ôh. Sư pơkă ling-lang 'blep ngăl.