II Sam 7:9 - Sơ̆p Hlabơar Nơ̆r 'Bok Kei-Dei

⁹ Inh đei oei hơdai hăm ih, lăm rim anih ih năm pơrăm lê̆ lu ayăt kơ ih đơ̆ng anăp ih; Inh gô ăn kơ anăn ih đe ư-ang tih kư̆m thoi anăn bơngai yŏng mơng lăm teh đak.

II Sam 7:9 Iomraidhean Croise

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

II Sam 22:1

Pơtao Đawit pơyơ̆r kơ Kră Yang lu nơ̆r hơri 'nâu, đơ̆ng rŏng kơ Kră Yang dŏng pơklaih sư đơ̆ng ti bơngai ayăt păng đơ̆ng ti pơtao Sôl.

II Sam 22:30

Hăm jơhngơ̆m pran Ih inh blah drŭt lu ayăt, gơnang kơ Kră Yang 'Bok Kei-Dei inh plŏng hlôi kơ dur pơlei.

II Sam 22:43

Inh teh pơhĕch lu sư thoi 'mui teh, Inh pơjuă păng juă bơhlơ̆r lu sư hĕch thoi teh rơpŭk rok trong.

II Sam 23:1

'Nâu boih lu nơ̆r pơtao Đawit pơma tuch-luch: Nơ̆r Đawit kon Jese nơ̆r mă bơngai đe pôk atŏk kơjung, mă Kră Yang 'Bok Kei-Dei Jakôp tuh đak pơgang 'bâu phu pôk ăn tơdrong jang; sư chă nơ̆r lu tơdrong hơri đei kon pơlei Isơrael lăp đon.

II Sam 5:10

Đawit rai đunh rai pran kơtang yua kơ Kră Yang 'Bok Kei-Dei Tih Hloh oei hơdai sư.

II Sam 8:13

Đơ̆ng rŏng kơ brŏk đơ̆ng tơblah Siri jei sư, Đawit đe pôk pơư anăn sư, yua kơ sư tơblah pơlôch mơjĭt-tơhngam rơbâu linh Eđôm lăm Thŭng 'Boh.

II Sam 8:14

Sư pơm kơđông pơgơ̆r jơ̆p kơ dêh Eđôm, păng đĭ kon pơlei Eđôm bơ̆jang kơ Đawit. Kră Yang ăn kơ Đawit kĕ jei tơ rim anih mă sư tơblah.

II Sam 8:6

Pơtao Đawit pơm kơđông lăm pơlei Đamas, kon pơlei Siri jing bơngai bơ̆jang ăn kơ Đawit, păng ăn thuê̆ kơ Đawit; Kră Yang ăn kơ Đawit kĕ jei tơ rim anih sư tơblah.

I Ho 17:8

Inh đei oei hơdai hăm ih boih tơ rim anih ih năm păng Inh pơlôch đĭ-đăng lu ayăt 'bơ̆t anăp ih; păng Inh gô ăn anăn ih ư-ang nhen thoi anăn lu bơngai pơm tih hloh lăm teh đak,

Horiso 21:6

Ih ăn kơ sư pŭn hiôk ling-lang, Pơm ăn kơ sư chơt hiôk 'bơ̆t anăp Ih.a

Horiso 89:23

Inh gô blah tơhuŏng lu ayăt kơ sư 'bơ̆t anăp sư. Păng kư̆m teh pơrăm lu bơngai hil areh kơ sư.

Luka 1:52

Sư tơjur tŭk đĭ lu bơngai mă pơm tih sơ̆, na atŏk dơ̆ng lu bơngai mă pơm iĕ hloh kơ đe.

Jôsuê 6:27

Kră Yang oei hơdai Jôsuê, đe ư-ang anăn sư jơ̆p-jang lăm char sư.

I Sam 18:14

Đawit năm tơblah mă tơ yơ yơ kư̆m jei sư ngăl yua kơ Kră Yang oei hơdai hăm sư.

I Sam 18:30

Rim wơ̆t lu kră pơgơ̆r kon pơlei Philistin ngăl năm tơblah, hăm bơngai Isơrael na Đawit tơblah hloh kơ đĭ-đăng lu đĭch đam Sôl; thoi noh, anăn sư đe ư-ang rai dêh.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

I Sam 31:6

Thoi noh lăm năr noh pêng 'nu kon drŏ-nglo Sôl, bơngai mă chĕp tơmam tơblah Sôl păng đĭ-đăng lu bơngai kiơ̆ sư kư̆m wăng lôch hơdai.

I Sam 5:10

Na, lu sư wơh đe tung ba Hom Pơgơ̆p Kră Yang 'Bok Kei-Dei tơ pơlei Ekrôn, wă Hom Pơgơ̆p noh truh tơ pơlei Ekrôn kon pơlei Ekrôn ôr krao: Đe tung ba Hom Pơgơ̆p Kră Yang 'Bok Kei-Dei đe Isơrael truh tơ bơ̆n wă pơlôch bơ̆n păng kon pơlei pơla lu bơ̆n!