II Sam 7:18 - Sơ̆p Hlabơar Nơ̆r 'Bok Kei-Dei

¹⁸ Đơ̆ng noh Pơtao Đawit năm hloi lăm bơsŭn 'bơ̆t anăp Kră Yang păng khan: “Kơkuh kơ ih Kră Yang inh, inh âu bu, hnam dơnŏ inh kiơ mă Ih đei ba inh truh tơ tơdrong jang 'nâu?

II Sam 7:18 Iomraidhean Croise

Bl 32:10

Inh âu ưh kơ rơ-a na ưh kơ hơnhŏ gơh đei pŭn hiôk păng dôm tơdrong 'lơ̆ng tơpăt Ih mă đei pơm boih kơ đĭch đam Ih adrol sơ̆. Wă tŏk găn đak Krong Jôrđăn inh đei lăp minh pôm 'long jra đĕch, kơna dang ei inh đei 'bar khŭl bơngai âu.

Bl 32:11

Thoi noh apinh Kră Yang 'Bok Kei-Dei pơklaih inh đơ̆ng ti Êsâu, 'nhŏng inh, kơnh hli kơ sư blah inh păng đe kon drŏ-kăn inh hai dơ̆ng.

II Sam 23:5

Kră Yang 'Bok Kei-Dei sĭt gô tuh ăn tơdrong pŭn hiôk kơ adrĕch adrung inh thoi noh! Yua kơ Sư đei pơjing boih hăm inh tơdrong pơgơ̆p khŏm khŏm. Tơdrong đei pơkă tôm, ưh kơ đei tơplih dôm tơdrong inh hơpơi, sư gô ăn tơdrong noh bluh chăt.

II Sam 7:17

Nathan bơngai khan lê̆ adrol năm roi ăn kơ Đawit dôm nơ̆r Kră Yang pơma lăm tơdrong tơ'bôh kơ sư.

I Ho 17:16

Na pơtao Đawit mơ̆t păng hơ-oei 'bơ̆t anăp Kră Yang păng khan: “Ơ Kră Yang 'Bok Kei-Dei inh âu bu păng hnam dơnŏ inh liơ na Ih mah ba inh truh tơ âu?

I Ho 29:14

Mă-lei inh bu, păng kon pơlei inh kiơ, na mă gơh đei jơhngơ̆m pơyơ̆r thoi noh? Đĭ-đăng dôm tơmam tă kơ đơ̆ng Ih ăn ngăl păng dôm tơmam mă lu nhôn pơyơ̆r ăn kơ Ih noh tă kơ lĕch đơ̆ng ti Ih ngăl.

Horiso 8:4

Kon bơngai noh kiơ na Ih mah tơchĕng 'blŏk? Kon bơngai noh kiơ, na Ih mah wei wêr sư.

Le 3:11

Môis sư tơl khan: Inh âu bu, mă pơ̆n năm truh tơ Pharaôn wă chông kon pơlei Isơrael lĕch đơ̆ng dêh Êyiptơ?

Êsai 37:14

Hesekia đei iŏk kơthơ đơ̆ng ti lu bơngai năm roi păng đŏk lăng, Na sư năm tơ hnam Kră Yang, pơih kơthơ noh 'bơ̆t anăp Kră Yang;

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Lu 6:15

Giđêôn tơl: Mă-lei Ơ Kră Yang, liơ inh gơh dong pơklaih bơngai Isơrael? Adrĕch adrung nhôn iĕ đĕch lăm adrĕch Manase; na lăm adrĕch Inh âu boih bơngai iĕ hloh.

Ru 2:10

Rut kŭp kơ̆l drap bon 'bơ̆t anăp sư, khan. Yua kơ kiơ inh mah đei tơdrong mơnat 'bơ̆t anăp ih, dĭng ih mah lăng inh, mă khan inh bơngai tơmoi ră?

I Sam 15:17

Samuel roi khan: Ih adrĕch iĕ ưh kơ hơnhŏ pơm kơ̆l kơ adrĕch adrung bơngai Isơrael dah kiơ? Kră Yang tuh đak rơmă ăn kơ ih pơm pơtao lu bơngai Isơrael.

I Sam 18:18

Đawit tơl khan: Ơ pơtao Inh âu bu? Adrĕch adrung inh bu, krung kơtum 'bă inh noh kiơ lăm bơngai Isơrael kiơ na pơk inh pơm ŏng pơtao?

I Sam 9:21

Sôl drơ̆ng: Inh jĭ minh 'nu adrĕch bơngai Bênjamin minh adrĕch iĕ hloh kơ đĭ-đăng lăm Isơrael; hnam dơnŏ inh jĭ hnam dơnŏ iĕ hloh lăm hnam dơnŏ adrĕch Bênjamin. Liơ ih pơma hăm inh khan thoi ei lĕ?