II Sam 5:9 - Sơ̆p Hlabơar Nơ̆r 'Bok Kei-Dei

⁹ Đawit oei lăm kơđông anăn kơđông pơlei Đawit. Sư man dur puăn pah đơ̆ng groi Milô năm tơ gah lăm.

II Sam 5:9 Iomraidhean Croise

II Sam 5:7

Mă-lei Đawit kư̆m blah iŏk kơđông Siôn, đe krao plei Đawit.

II Sam 5:8

Kơplah noh, Đawit khan: “Dah bơngai bu wă blah bơngai Jêbus, athei mơ̆t rok trong đing đak, blah lu bơngai jơ̆ng jo măt tol lu bơngai mă ayăt hăm Đawit.” Đei nơ̆r khan: “Lu bơngai măt tol jơ̆ng jo ưh kơ gơh mơ̆t tơ hnam pơtao âu.”

II Sam 6:10

Thoi noh Đawit ưh kơ wă lê̆ Hom pơgơ̆p Kră Yang tơ hnam sư tơ pơlei Đawit, na athei anhăk ba hloi tơ hnam Ôbêt Eđôm, bơngai Gitit.

I Pot 11:27

'Nâu tơdrong yua kơ kiơ mă sư iung blah pơtao: Sôlômôn man tơiung dur găn păng hơmet ming dur mă hlôh pơchah lăm pơlei Đawit 'bă sư.

I Pot 2:10

Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.

I Pot 9:15

'Nâu tơdrong Sôlômôn chă ra đơ̆ng đĭ-đăng bơngai wă pơm Hnam akŭm Kră Yang păng hnam pơtao sư, pơm milô, păng dur pơlei Jêrusalem, Hasor, pơlei Mêgiđô păng Geser.

I Pot 9:24

Lăp kon drŏ-kăn pơtao Pharaôn năm đơ̆ng pơlei Đawit năm tơ hnam pơtao sư kơdih, mă hnam Sôlômôn pơm ăn kơ sư; pơtao kư̆m pơm dur wă găn lu ayăt.

II Pot 12:20

Lu đĭch đam Jôas iung blơ̆ lê̆ sư, pơlôch sư tơ Bet Milô, 'bơ̆t trong jur tơ Pơlei Sila.

II Pot 12:21

Jôsaka, kon drŏ-nglo Simêat păng Jêhôsabat, kon drŏ-nglo Sômer, bre sư noh đĭch đam Jôas, bre sư pơlôch Jôas. Đe 'bŭ sư hơdai hăm lu 'bok kơdră sư tơ Pơlei Đawit; đơ̆ng noh Amasia, kon drŏ-nglo sư pơtrơp pơgơ̆r tơplih sư.

I Ho 11:8

Sư pơm pơlei jum dăr, đơ̆ng Milô; na Jôap sư pơm pơkeh lu pơlei tam mă pơm.

II Ho 32:5

Sư adrin, man tơiung ming dur mă đĭ păk hơlih lap gleh tơpă; hăm man lu hnam thôt kơpal noh! Sư kư̆m man minh tăl dur plơ̆ng tơ đaih kơ pơlei noh. Sư kư̆m man ming kơjăp Milô pơlei Đawit păng tuh hơjơ̆m lơ khêl đao tơmam tơblah.

Ne 3:15

Sallum kon drŏ-nglo Kôlhôse pơgơ̆r tơring Mispa, hơmet 'măng jang đak Hơlŭng sư man bơbŭng đei tơnang 'măng păng chơkăl kư̆m man dur dơnâu Sêlô jê̆ pơgar pơkao pơtao păng truh tơ jơ̆ng kung jur đơ̆ng pơlei Đawit.

Horiso 122:3

Jêrusalem đei man thoi pơlei tih. Đei man pơkăp băl kơjăp.

Êsai 29:1

Răm-'băm dêh kơ pơlei Ariêl, pơlei Ariêl jơ̆ pơlei Đawit pơm anih sư oei, sơnăm âu truh kơ sơnăm nai thim dơ̆ng. Ăn kơ tơdrong iĕm akŭm tih đei dăr wơwĭr hơnơ̆ng.

Lu 9:20

mă-lei dah ưh, ăn kơ ŭnh đơ̆ng Abimêlek soh sa đĭ lu bơngai lăm pơlei Sichem hăm kon pơlei 'Bet Milơ; păng apinh ŭnh lĕch đơ̆ng lu bơngai pơlei Sichem hăm pơlei Bêt Milô soh Abimêlek.

Lu 9:6

Đĭ-đăng bơngai lăm pơlei Sichem păng Bêt Milô, pơgơ̆p hơdai băl 'bơ̆t tơnơm 'long kôih păng gơ̆ng tơmo tơ pơlei Sichem, na pơk ăn kơ Abimêlek pơm pơtao.