II Sam 5:11 - Sơ̆p Hlabơar Nơ̆r 'Bok Kei-Dei

¹¹ Hiram pơtao pơlei Tirơ, wơh bơngai năm tơ Đawit, chĕp ba 'long hơngo, chông ba thơ̆ jang 'long, thơ̆ teh tơmo wă man hnam pơtao kơ Đawit.

II Sam 5:11 Iomraidhean Croise

II Sam 5:12

Kơplah noh pơtao Đawit băt boih kơ Kră Yang pôk sư pơm pơtao Isơrael, păng ăn kơ teh đak sư pơgơ̆r đe pơyom yua kơ đei lơi yua kơ kon pơlei Isơrael Sư.

II Sam 7:1

Kơplah pơtao oei lăm hnam pơtao sư, păng Kră Yang ăn kơ sư pơdơh hiôk huay pă đei ayăt jum dăr kơ sư,

II Sam 7:2

na pơtao khan kơ Nathan bơngai khan lê̆ adrol: “Lăng deh inh oei lăm hnam pơm păng 'long hơngo, gah Hom pơgơ̆p Kră Yang 'Bok Kei-Dei oei lăm bơsŭn pơm hăm che.”

I Pot 5:15

Pơtao Sôlômôn đei tơpơh-jĭt rơbâu 'nu bơngai tung tôi, păng tơhngam-rơbâu 'nu bơngai teh tơmo kơpal kông.

I Pot 5:18

Lu bơngai thơ̆ jang kơ pơtao Sôlômôn păng pơtao Hiram, hăm lu bơngai Gêbal, lu sư teh tơmo păng kăl 'long wă pơm tơiung Hnam Akŭm.

I Ho 14:1

Hiram, pơtao Tirơ, wơh bơngai năm tơ pơtao Đawit, hăm gơih ăn kơ sư 'long hơngo, bơngai man, bơngai jang 'long, wă pơm hnam pơtao ăn kơ sư.

Esơra 3:7

Lu sư asong ăn jên kơ lu bơngai gơh blah tơmo man păng lu bơngai gơh jang 'long păng ăn lu tơmam sa, đak nhă păng đak rơmă ăn kơ kon pơlei Siđôn păng kon pơlei Tirơ wă wơh lu sư chă 'long hơngo đơ̆ng Liban dui trong đak dơsĭ truh tơ Jôpa, đơ̆ng chơ truh tơ pơlei Jêrusalem kiơ̆ kơ Sirus pơtao đe Phersia đei tơjur athei.

Horiso 30:1

Ơ Kră Yang, inh kơkuh bơnê kơ Ih, yua kơ Ih tơiung inh. Ưh kơ ăn kơ lu ayăt kơ inh chhôk yua kơ inh.

Êsêkiên 26:2

“Ơ kon bơngai, yua kơ pơlei Tirơ pơma 'bơm gah Jêrusalem: “Ah ha! 'Măng jang lu kon pơlei pơla pơchah đĭ boih! Sư pơih ăn kơ inh boih; inh gô rai tih să, na sư răm đĭ bơih.

Jôsuê 19:29

Tơ noh hơdral dăr tơklă gah pơlei Rama; truh tơ pơlei tih Tir, pơlei tih kơjăp, na hơdral dăr tơklă pơlei Hôsa, tôch tơ đak dơsĭ jê̆ pơlei Aksip.