II Sam 3:10 - Sơ̆p Hlabơar Nơ̆r 'Bok Kei-Dei

¹⁰ Kră Yang đei pơkă khan wă iŏk lê̆ tơdrong pơgơ̆r teh đak đơ̆ng pơtao Sôl, ăn kơ Đawit pơm pơtao pơgơ̆r Isơrael păng Juđa, iŏk đơ̆ng pơlei Đan truh tơ Bêrsêba.

II Sam 3:10 Iomraidhean Croise

II Sam 17:11

“Na inh pơđâu khan kơ bơ̆n athei krao akŭm đĭ-đăng linh lăm kon pơlei Isơrael, iŏk ba dơ̆ng pơlei Đan truh tơ Bêrsêba, akŭm jum dăr kơ ih, lơ thoi chuơh đak dơsĭ, na ih kơdih gô pơgơ̆r lu sư năm tơblah.

II Sam 24:2

Pơtao athei Jôap, yŏng pơgơ̆r linh, oei hơdai hăm pơtao: “Athei năm jô̆ bơngai jơ̆p kơ lu adrĕch adrung Isơrael, iŏk đơ̆ng pơlei Đan gah yă-nơ̆m truh tơ Bêrsêba tơ gah gơal, roi ăn kơ inh băt đĭ-đăng kon pơlei lăm lu sơnăm oei gơh pơm linh dôm yơ.”

II Sam 3:11

Isbôset ưh kơ pơ̆n tơl minh nơ̆r hăm Apner yua hli kơ sư.

II Sam 3:21

Đang kơ et sa Apner pơma dơnuh hăm Đawit khan: “Inh gô akŭm pơđĭ lu bơngai Isơrael năm ba brŏk tơ pơtao, lu sư gô pơgơ̆p pơkă pơkăm hăm ih, na ih pơm yŏng pơtao pơgơ̆r đĭ-đăng kơ dêh char Isơrael, thoi kơ ih đei hơpơi.” Đawit ăn kơ Apner brŏk na sư brŏk hiôk-hian.

I Pot 4:25

Lăm chăl pơtao Sôlômôn pơgơ̆r, bơngai Juđa păng bơngai Isơrael oei hiôk-hian, đơ̆ng pơlei Đan truh tơ pơlei Bêrsêba, rim 'nu kơ lu sư arih jang sa chơt hiôk ala tơnơm hơmu păng tơm hơra sư.

Lu 20:1

Đơ̆ng 'noh đĭ-đăng lu bơngai Isơrael akŭm băl, đơ̆ng Đan truh tơ Bêrsêba păng đơ̆ng dêh Gileat. Akŭm băl minh jơhngơ̆m đon thoi minh 'nu 'bơ̆t anăp Kră Yang tơ pơlei Mispa.

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.

I Sam 28:17

Kră Yang pơm kiơ̆ thoi nơ̆r sư đei khan boih. Kră Yang pơdrâu iŏk teh đak đơ̆ng tơpang ti ih na ăn kơ bơngai nai noh jơ̆ Đawit.

I Sam 3:20

Đơ̆ng Đan truh tơ Bêrsêba, đĭ-đăng bơngai Isơrael băt ngăl kơ Samuel jing 'bok khan lê̆ adrol tơpăt đơ̆ng Kră Yang ăn.