II Sam 22:7 - Sơ̆p Hlabơar Nơ̆r 'Bok Kei-Dei

⁷ Lăm tơdrong truh pơmat inh krao apinh Kră Yang. Inh ôr krao Kră Yang 'Bok Kei-Dei inh, đơ̆ng anih hnam Kră Yang kơtơ̆ng nơ̆r inh krao ôr, Ih pơgling đon mơ̆ng inh krao apinh.

II Sam 22:7 Iomraidhean Croise

Horiso 107:6

Kơplah đei tơdrong pơmat-tat lu sư krao apinh Kră Yang. Na Kră Yang pơklaih hloi lu sư đơ̆ng tơdrong pơmat-tat,

Horiso 116:4

Lei na inh ôr krao Kră Yang: “Ơ Kră Yang! Apinh ih dŏng pơklaih bơhngola inh.”

Horiso 120:1

Lăm năr đei tơdrong pơmat-tat inh krao apinh Kră Yang. Na Sư tơl tơwih nơ̆r inh.

Horiso 18:6

Lăm năr hơnat hơnot inh krao chă Kră Yang. Inh krao apinh Kră Yang 'Bok Kei-Dei inh: Đơ̆ng anih Pơtao Sư, Sư kơtơ̆ng nơ̆r inh, Păng nơ̆r inh krao truh tơ đon Sư.

Horiso 27:4

Inh đei apinh boih Kră Yang minh tơdrong, Tơdrong mă inh chơchă, Noh inh wă kơ đĭ chăl arih inh oei lăm hnam Kră Yang. Wă kơ lăng dôm tơdrong 'lơ̆ng tơpăt Kră Yang păng wă chă Sư tơ lăm Hnam Sư.

Horiso 34:6

Lu bơngai pơmat âu ôr krao Kră Yang, Kră Yang mơ̆ng nơ̆r lu sư. Dŏng pơklaih lu sư đơ̆ng dôm tơdrong pơmat-tat.

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Jôna 2:4

Inh đei khan thoi âu: Đe klơ̆m lê̆ inh đơ̆ng anăp Ih, mă-lei inh oei gơh 'bôh dơ̆ng hnam akŭm 'lơ̆ng rơgoh Ih.

Jôna 2:7

Kơplah inh wă lôch, na inh 'blŏk kơ Kră Yang, Păng nơ̆r inh krao khan truh boih tơ Ih; tơ anih rơgoh Ih,

Habakuk 2:20

Mă-lei Kră Yang oei tơ lăm hnam 'lơ̆ng rơgoh Sư, 'bơ̆t anăp Sư, jơ̆p kơ lăm teh gô ngăn hreh.”

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

Ya 5:4

Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.