II Sam 22:4 - Sơ̆p Hlabơar Nơ̆r 'Bok Kei-Dei

⁴ Ơ Kră Yang, inh hơri ư-ang kơ ih; inh krao apinh Ih, na inh gơh klaih đơ̆ng lu bơngai ayăt kơ inh.

II Sam 22:4 Iomraidhean Croise

II Ho 20:22

Kơplah lu sư oei hơri kơkuh bơnê, Kră Yang hơmet minh khŭl răp blah bơngai Ammôn, bơngai Môap păng lu bơngai oei 'bơ̆t Kông Sêir oei năm blah bơngai Juđa ră na păng lu sư thuơ đĭ.

Ne 9:5

Kơplah noh lu bơngai Lêwi, Jêsua, Katmiêh, Bani, Hasapneia, Sêrêbia, Hôđia, Sêbania păng Pêtahia khan: Iung bơnê ư-ang bĕ kơ Kră Yang 'Bok Kei-Dei lu iĕm, Kră Yang đei ling-lang dang ei dĭng truh tơ ning-mônh. Trŏ kơkuh bơnê Anăn 'lơ̆ng rŏ Sư, kơjung hloh kơ tơdrong kơkuh păng nơ̆r bơnê.

Horiso 106:2

Bu gơh roi dôm tơdrong jang mơsêh mơyang Kră Yang, bu kĕ roi dôm nơ̆r hơri bơnê kơ Sư?

Horiso 116:13

Inh gô yơ̆r pơnhan dŏng pơklaih na krao apinh hăm anăn Kră Yang.

Horiso 116:17

Inh gô pơyơ̆r tơmam soi bơnê kơ Ih Kră Yang. Păng krao apinh hăm anăn Kră Yang.

Horiso 116:2

Inh gô krao apinh Kră Yang đĭ chăl arih inh. Yua kơ Sư pơgling đon mơ̆ng inh.

Horiso 116:4

Lei na inh ôr krao Kră Yang: “Ơ Kră Yang! Apinh ih dŏng pơklaih bơhngola inh.”

Horiso 18:3

Kră Yang trŏ kơ bơ̆n kơkuh bơnê; inh gô krao apinh Sư, Na Sư gô pơklaih inh đơ̆ng lu ayăt.a

Horiso 34:6

Lu bơngai pơmat âu ôr krao Kră Yang, Kră Yang mơ̆ng nơ̆r lu sư. Dŏng pơklaih lu sư đơ̆ng dôm tơdrong pơmat-tat.

Horiso 48:1

Kră Yang jơ̆ Yŏng mơng, trŏ kơ kơkuh. Lăm pơlei 'lơ̆ng Kră Yang 'Bok Kei-Dei bơ̆n, tơ kơpal kông Rơgoh Sư.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 55:16

Gah inh krao apinh Kră Yang 'Bok Kei-Dei. Na Kră Yang 'Bok Kei-Dei gô dŏng pơklaih inh.

Horiso 56:9

Năr inh krao apinh, lu ayăt kơ inh gô kơdŭn tơ rŏng; Inh băt kơ tơdrong 'nâu, Kră Yang 'Bok Kei-Dei oei hơdai inh.

Horiso 66:2

Hơri ư-ang kơ anăn Sư păng pôk bơnê kơ Sư bĕ.

Horiso 96:4

Yua kơ Kră Yang Tih Hloh, trŏ kơkuh bơnê; Sư noh trŏ kơ hli yom hloh kơ đĭ-đăng yang,

Rom 10:13

'Noh kư̆m thoi hla bơar 'Bok Kei-Dei khan sơ̆ thoi âu: “Đĭ-đăng bơngai mă băt kơ krao khan apinh Sư, Kră Yang tơgŭm pơklaih lu sư lei-lăi đĕch.”

Tơdrông Tơ'bôh 4:11

“Ơ 'Bok Kei-Dei Kră Yang, pôm Ih đĕch mơsêh na trŏ kơ nhôn lui yom păng ư-ang kơ Ih tơpă, yua kơ Ih gơh pơjing kơdih lăm tôm tơdrong. Mă tôm tơdrong kiơ yua kơ Ih wă na Ih pơjing hloi.”

Tơdrông Tơ'bôh 5:12

Đĭ-đăng kơ lu sư hơri minh nơ̆r hơdai. Tơdrong lu sư hơri ei thoi âu: “Ih Kon Triu mă đe pơlôch, Ih mơsêh mơyang, Ih mơdrŏng tih hơgei tôm tơdrong păng pran tih hloh kơ đĭ-đăng, na trŏ kơ nhôn lui yom păng ư-ang Ih tơpă.”