II Sam 22:3 - Sơ̆p Hlabơar Nơ̆r 'Bok Kei-Dei

³ Kră Yang 'Bok Kei-Dei jơ̆ kông tơmo anih inh gơnang jơ̆ khêl pĕng inh, hơke dŏng pơklaih inh, hnam Thôt kơjung kơjăp anih inh kơ'nơp; Tơ'ngla dŏng pơklaih! Ih boih dŏng inh đơ̆ng bơngai pơm kơnê̆.

II Sam 22:3 Iomraidhean Croise

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

II Sam 22:31

Ơ Kră Yang 'Bok Kei-Dei, trong Ih 'lơ̆ng tơpăt; Nơ̆r Kră Yang pơkă trŏ kơ lui ngeh tơpă. Kră Yang jơ̆ khêl pĕng lu bơngai ôn kơ'nơp lăm Sư.

II Sam 22:47

Kră Yang mă arih ling-lang! Inh hơri ư-ang kơ ih jơ̆ tơmo tih anih mă inh kơ'nơp! Inh ư-ang kơ Kră Yang 'Bok Kei-Dei, Ih boih tơmo tih pĕng inh, Ih dŏng pơklaih inh đơ̆ng tơdrong hli krưp!

II Sam 22:49

Ih dŏng pơklaih inh đơ̆ng lu bơngai ayăt, ăn kơ inh kĕ jei blah lu bơngai ayăt. Dŏng pơklaih inh đơ̆ng lu bơngai pơm kơnê̆.

II Sam 22:51

Kră Yang ăn tơdrong kĕ jei jơnei tih kơ pơtao mă Ih đei rơih iŏk. Kră Yang 'mêm kơ bơngai mă Kră Yang ăn kơ đe tuh đak pơgang 'bâu phu noh tơdrong 'mêm kơjăp, ưh kơ đei tơplih. Kră Yang 'mêm kơ Đawit păng adrĕch adrung sư, ling-lang ưh kơ đei layơ tôch.”

II Sam 23:3

Kră Yang 'Bok Kei-Dei kon pơlei Isơrael bơtho tơ'bôh. Tơmo tih kon pơlei Isơrael pơma hăm inh: “Bơngai ayơ pơgơ̆r kon bơngai mă 'lơ̆ng tơpăt, bơngai ayơ pơgơ̆r hăm jơhngơ̆m hli yom kơ Kră Yang 'Bok Kei-Dei.

Horiso 14:6

Lu iĕm pơrăm tơdrong lu bơngai dơnuh tơdă, Mă-lei Kră Yang jơ̆ anih lu sư kơ'nơp.

Horiso 140:1

Ơ Kră Yang, apinh Ih dŏng pơklaih inh đơ̆ng lu bơngai pơm kơnê̆. Dŏng inh đơ̆ng bơngai pơm kơnê̆ dêh.

Horiso 140:11

Ăn kơ lu bơngai đei hơpiĕt hơlĕnh pơdăr ưh kơ gơh pơjing kơjăp lăm teh đak. Ăn tơdrong răm druh lu bơngai pơm kơnê̆.

Horiso 140:4

Ơ Kră Yang, apinh Ih wei inh klaih đơ̆ng ti lu bơngai pơm kơnê̆, Dŏng inh đơ̆ng lu bơngai pơm kơnê̆ dêh. Lu bơngai chă đon wă tơpơ̆k inh.

Horiso 142:4

Ih lăng gah 'ma kơ inh 'bôh ưh kơ đei bu băt 'blŏk kơ inh; Inh kư̆m pă đei anih ayơ wă ôn kơ'nơp. Ưh kơ đei bu hiơ̆k tơdrong arih inh.

Horiso 144:2

Sư Tơ'ngla 'mêm kơ inh păng kơđông kơjăp inh. Kră Yang jơ̆ hơbong sơlŭng kơjăp păng dŏng pơklaih inh. Thoi khêl pĕng inh păng anih inh kơ'nơp. Sư pơm kơ kon pơlei chu yom tơ ala jơ̆ng inh.

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 27:5

Yua kơ lăm năr đei tơdrong truh, Kră Yang gô krôp inh lăm bơsŭn Sư, Ôn inh hlơp lăm kơđông Sư; păng pôk hơtŏk inh tơ kơpal tơmo tih.

Horiso 28:7

Kră Yang jơ̆ jơhngơ̆m pran păng thoi khêl inh, Jơhngơ̆m inh gơnang boih kơ Sư, na inh mă gơh klaih, Yua kơ thoi noh jơhngơ̆m inh chơt hiôk tơpă. Inh gô iŏk nơ̆r hơri bơnê kơ Sư.

Horiso 3:3

Mă-lei, Ơ Kră Yang! Ih boih khêl pĕng tăp kơ inh; Ih jing tơdrong mă inh ư-ang, păng Ih ăn kơ inh gơh ngơk kơ̆l.

Horiso 32:7

Ih bơih anih inh kơ'nơp, Ih tơgŭm inh lăm năr đei tơdrong truh, Ih wang tăp kơ inh hăm tơdrong hơrid dŏng pơklaih. Sêla

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 46:2

Thoi noh, na lu nhôn huay kơ hli mă teh tơplih. Kông pơpơ̆ păng huŏng tơ lăm đak dơsĭ.b

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

Horiso 5:12

Ơ Kră Yang, yua kơ Ih gô ăn tơdrong pŭn hiôk kơ lu bơngai tơpăt, Iŏk đon 'mêm mơnat pĕng lu sư thoi khêl.

Horiso 55:9

Ơ Kră Yang, pơrŭng bĕ lu sư, pơm kơ nơ̆r lu sư jing hơwơ̆l; Inh 'bôh tơdrong kơnê̆ tơgar pơjah băl lăm plei tih.

Horiso 59:16

Mă-lei inh gô hơri bơnê, tơdrong mơsêh Ih Pơgê hrôih drôih hơri re kơ tơdrong Ih 'mêm mơnat; Yua kơ Ih jing anih kơjăp inh kơ'nơp. Minh anih inh kơ'nơp lăm năr đei tơdrong anat anot.

Horiso 61:3

Yua kơ Ih jơ̆ anih inh kơ'nơp; Minh pôm hnam thôt kơjăp, wă blah lu ayăt.

Horiso 71:7

Inh nhen tơmam pơm hlĭch kơ lơ bơngai, mă-lei Ih jơ̆ anih inh kơ'nơp kơjăp.

Horiso 72:14

Sư gô pơklaih tơdrong arih lu bơngai đe pơjuă pơđep păng đơ̆ng lu bơngai pơm kơnê̆. Păng lăng pham lu sư gĭt tơpă.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Horiso 84:9

Ơ Kră Yang 'Bok Kei-Dei, Ih jơ̆ khêl pĕng lu nhôn, Lăng mơnat bĕ kơ tơ'ngla mă Ih đei hling đak rơmă pôk pơm pơtao.

Horiso 86:14

Ơ Kră Yang 'Bok Kei-Dei, lu bơngai pơang iung pơrăm inh. Khŭl bơngai kơnê̆ chă wă pơlôch inh, Lu sư ưh pă lăng Ih boih.

Horiso 9:10

Bơngai bu băt anăn Ih gô gơnang kơ Ih; Yua kơ Ih ưh kơ achăng lê̆ ôh, bơngai bu chơchă Ih.

Horiso 9:9

Kră Yang jơ̆ anih kơ'nơp tih kơ bu mă đe pơjuă pơđep. Minh anih kơ'nơp tih lăm năr đei gleh truh

Le 15:2

Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Tơdrông Pơđơk 30:5

Dôm Nơ̆r Kră Yang 'Bok Kei-Dei đe đei rơ̆ pơlong lăng rơgoh sĭt tơpă. Kră Yang 'Bok Kei-Dei jơ̆ khêl pĕng lu bơngai mă Kơ'nơp lăm Sư.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Je 16:9

'Nâu Kră Yang Tih Hloh 'Bok Kei-Dei bơngai Isơrael khan: “'Nâu 'bơ̆t anăp măt lu iĕm, lăm chăl arih iĕm, Inh gô pơtôch lê̆ chơt hiôk lăm char âu. Kŭm ưh pă đei nơ̆r ŏng mai hiĕk chơt hiôk năr pơkong klo kăn dơ̆ng.

Luka 1:47

jơhngơ̆m inh hiôk yua kơ 'Bok Kei-Dei pơklaih inh.

Luka 1:69

Sư ăn kơ bơ̆n minh 'nu 'Bok Dŏng Pơklaih mă đei tôm tơdrong mơsêh mơyang. 'Bok 'noh Kon Sâu Đawit mă đĭch đam 'Bok Kei-Dei.

Luka 1:71

'Bok Kei-Dei pơklaih bơ̆n đơ̆ng dôm lu bơngai areh arĕnh ayăt kơ bơ̆n.

Both 32:37

Kră Yang gô apinh: Dang ei lu yang lu sư tơ yơ, Tơmo tih mă lu sư kơ'nơp,

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Both 33:29

Ơ bơngai Isơrael ih pŭn hiôk dêh, kon pơlei Kră Yang dŏng pơklaih bơih, Kră Yang. Sư thoi khêl pĕng tơgŭm ih, thoi đao gưm pơm ăn kơ ih kĕ jei jơnei tih. Lu bơngai ayăt gô năm chă pơm lung, na ih gô pơjuă bơhlơ̆r anih kơjung lu sư.

Tit 3:4

Mă-lei 'Bok Kei-Dei khan tơbăt ăn kơ bơ̆n Sư 'mêm mơnat tơpă kơ bơ̆n na Sư wă pơklaih bơ̆n đơ̆ng tơdrong yoch.

Tit 3:6

'Bok Kei-Dei ăn kơ bơ̆n Yang Bơhngol 'Lơ̆ng Sư wă kơ dŏng bơ̆n lăm tôm tơdrong tơpă. Sư ăn Yang Bơhngol 'Lơ̆ng kơlih kơ bơ̆n lui kơ Yêsu Krist mă 'Bok Dŏng Pơklaih bơ̆n.

Hêbrơ 2:13

Sư khan dơ̆ng thoi âu: “Inh gơnang kơ Ih tơpă.” Sư kư̆m khan dơ̆ng thoi âu: “Inh oei hơdai hăm lu kon Inh mă đơ̆ng Ih pơjao.”

I Sam 2:1

Hana krao apinh păng khan: Jơhngơ̆m inh chơt hiôk lăm Kră Yang; Kră Yang pơm ăn kơ jơhngơ̆m inh hiôk chơt. 'Bơ̆r inh pơma pơgreh khan kơ lu bơngai ayăt kơ inh. Inh chơt hiôk Ih dŏng pơklaih inh.

I Sam 2:2

Ưh kơ đei bu 'lơ̆ng rơgoh thoi Kră Yang ôh, Ưh kơ đei bu nai thoi Ih; ưh kơ đei tơmo ayơ pĕng lu nhôn thoi Kră Yang 'Bok Kei-Dei.