II Sam 19:1 - Sơ̆p Hlabơar Nơ̆r 'Bok Kei-Dei

¹ Đe năm roi ăn kơ Jôap: “Pơtao nhơ̆m hmoi dêh ơh 'mêm kơ Apsalôm”

II Sam 19:1 Iomraidhean Croise

Bl 37:35

Đĭ-đăng lu kon drŏ-nglo, kon drŏ-kăn ngôi tăp dăr kơ sư, pơlung ngôi apong kơ sư, mă-lei Jakôp 'bă lu sư ưh kơ chu păng khan thoi âu: Inh gô grong sơ'ngon dĭng truh lôch hơdai kon hơ'lơ̆p inh tơ lăm bơsat! Noh boih, 'bă Jôsep nhơ̆m hmoi kơ sư thoi noh.

II Sam 18:12

Mă-lei bơngai ei khan: “Mă khan ih đei ăn chĕp lăm tơpang ti inh minh-rơbâu hlak jên hu, inh kư̆m ưh kơ pơ̆n pơrăm kon pơtao; yua kơ lu nhôn đei kơtơ̆ng pơtao pơkă pơkăm kơ ih, Abisai păng Itai khan: ‘Iĕm lăng hŏ, 'nĕ ăn bơngai bu pơrăm Apsalôm, kon tơdăm inh.’

II Sam 18:14

Jôap tơl: “Inh ưh kơ wă gô mơ̆ng dâu ôh,” sư chĕp pêng hlak hơlă 'bet hloi plei nuih Apsalôm, 'bơ̆t sư oei arih đom kơpal dơng 'long kôih.

II Sam 18:20

Jôap tơl: “Dang ei ih ưh kơ trŏ kơ bơngai năm roi tơdrong 'nâu ôh, gô năr nai ih gơh năm roi, năr 'nâu ih lê̆ kơ năm roi, yua kơ kon pơtao lôch boih.”

II Sam 18:33

Pơtao Đawit 'mêm kơ kon tơdăm sư dêh, na tŏk hloi tơ kơpal 'măng jang pơlei păng nhơ̆m hmoi sư năm rah pơma rah khan: “Ơ, Apsalôm, kon dăm inh! Kon dăm inh! Apsalôm kon drŏ-nglo inh! Rŏ kơ inh lôch tang kon! Ơ, Apsalôm kon dăm inh! Kon dăm inh!”

II Sam 18:5

pơtao jao pơkă ăn kơ Jôap, Abisai, păng Itai: “Yua kơ inh, iĕm athei pơm kơ kon inh Apsalôm lăp ai.” Đĭ-đăng khŭl linh kơtơ̆ng nơ̆r pơtao pơkă kơ bơngai chĕp kơ̆l, gah Apsalôm.

II Sam 19:2

Lăm năr tơdrong sư tơblah jei, tơplih jing tơdrong ơh sơ'ngon kơ đĭ-đăng kon pơlei pơla, yua kơ kon pơlei pơla kơtơ̆ng ang khan pơtao nhơ̆m hmoi ơh sơ'ngon 'mêm kơ kon sư.

Tơdrông Pơđơk 17:25

Kon drŏ-nglo kơtul pơm kơ 'bă sư sơ'ngon, Kon kơwao pơm kơ mĕ mă tơpŭ kơ sư ơh.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.