II Sam 18:2 - Sơ̆p Hlabơar Nơ̆r 'Bok Kei-Dei

² Đawit gơih khŭl linh sư năm. Klah asong pêng khŭl, ăn kơ Jôap iŏk pơgơ̆r minh khŭl. Abisai, kon Sêruia, oh Jôap iŏk pơgơ̆r minh khŭl; Itai, bơngai Gat iŏk pơgơ̆r minh khŭl, pơtao pơma pơkă hăm khŭl linh khan: “Inh kư̆m gô năm tơblah hơdai hăm lu iĕm.”

II Sam 18:2 Iomraidhean Croise

II Sam 17:11

“Na inh pơđâu khan kơ bơ̆n athei krao akŭm đĭ-đăng linh lăm kon pơlei Isơrael, iŏk ba dơ̆ng pơlei Đan truh tơ Bêrsêba, akŭm jum dăr kơ ih, lơ thoi chuơh đak dơsĭ, na ih kơdih gô pơgơ̆r lu sư năm tơblah.

II Sam 21:17

Mă-lei Abisai, kon yă Sêruia năm dŏng pơtao, blah bơngai Philistin 'noh păng pơlôch lê̆ lu sư. Kơplah noh lu linh pơtao Đawit pơkă: “Pơtao ih 'nĕ pă lĕch tơblah hơdai lu nhôn dơ̆ng, kơnh pơtao pĭt hŭt pla ŭnh kơđeng kon pơlei Isơrael.”

II Sam 23:18

Abisai 'nhŏng Jôap kon Sêruia, pơm yŏng lu bơngai nuih kơtang sư hiŏng tơju 'bet pơlôch pêng-hrĕng 'nu bơngai, na đei anăn lăm pêng 'nu bơngai nuih kơtang.

II Sam 8:16

Jôap kon tơdăm yă Sêruia pơm yŏng pơgơ̆r linh; Jêhôsaphat kon tơdăm Ahilut pơm yŏng chih răk dôm tơdrong truh.

I Pot 2:28

Tơdrong 'nâu kơtơ̆ng truh tơ Jôap, yua kơ sư kiơ̆ khŭl Adonija, mă khan sư ưh kơ kiơ̆ khŭl Apsalôm ră, na sư kơdâu năm tơ bơsŭn anih hnam akŭm Kră Yang păng sư năm rôp hơke mum chơnang soi.

Horiso 3:6

Inh ưh kơ hli ôh kơ lơ rơbâu bơngai, Wang tăp dăr puăn pah.

Lu 7:16

Sư klah asong pêng-hrĕng 'nu bơngai noh pơm pêng khŭl, sư asong ăn kơ rim 'nu bơngai linh chĕp tơgiĕp păng bơ̆i hoh lăm noh tah minh hơchô̆ hơpaih wă tơ̆k.

Lu 7:19

Giđêôn păng minh-hrĕng 'nu bơngai kiơ̆ sư năm truh tơ anih linh gak kơđông; kơplah lu sư 'nao tơplih băl gak mă 'bar kơmăng. Lu sư hlôm tơgiĕp păng teh pơchah bơ̆i mă lu sư chĕp tơ ti.

Lu 9:43

Na sư krao klah asong lu linh sư pơm pêng khŭl, wă năm răp tơ bri. Lu sư lăng 'bôh lu kon pơlei lĕch đơ̆ng pơlei, na lu sư iung năm wang blah pơlôch lu đe noh.

I Sam 11:11

Mă-lei pơgê dơning, Sôl klah asong kon pơlei pơm pêng khŭl, năm blah đe Ammôn păng pơlôch đĭ lu sư dĭng truh tơ 'năr dơ̆ng. Lu kon pơlei Ammôn kơdâu hơlah hơlang kơdih kơdih.