II Sam 17:2 - Sơ̆p Hlabơar Nơ̆r 'Bok Kei-Dei

² Inh gô druh blah sư lăm kơplah sư rơmơ̆n gleh lap, phôch kơ jơhngơ̆m, pơm ăn kơ sư hli tơrơ; đĭ-đăng kon pơlei năm kiơ̆ sư gô kơdâu tơklah tơklang, inh gô pơlôch minh 'nu pơtao đĕch.

II Sam 17:2 Iomraidhean Croise

II Sam 16:14

Pơtao păng đĭ-đăng kon pơlei pơla kiơ̆ pơtao, năm truh tơ anih lu sư gleh lap ngăl păng pơdơh kơ lap tơ noh.

II Sam 17:1

Ahithôphel pơma pơđâu hăm Apsalôm: “Apinh ih ăn kơ inh rơih iŏk mơjĭt-'bar rơbâu 'nu linh. Inh gô lĕch druh 'moi Đawit lăm măng 'nâu.

I Pot 22:31

Kơplah noh pơtao đe Aram đei krao păng pơkă ăn kơ pêng-jĭt 'bar 'nu yŏng linh đei lu gre aseh: “Iĕm 'nĕ kơ blah bu hŏ, lu hơ'lơ̆p dah mă lu bơngai 'lŏ, iĕm athei blah rĕng kơ minh 'nu pơtao đe Isơrael đĕch.”

Ne 4:5

'Nĕ kơ đơ̆p lê̆ tơdrong kơnê̆ lu sư, 'nĕ kơ sŭt lê̆ tơdrong yoch lu sư 'bơ̆t anăp Ih; yua kơ 'bơ̆t anăp Ih lu bơngai man dur, lu sư tơblĕk Ih.

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Mathiơ 21:38

Lăp lu bơngai jang mơng 'bôh kon 'bok tơ'ngla mir truh tơ lu sư, lu sư pơđâu dih băl khan: ‘Bơngai âu boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Mathiơ 26:31

Yêsu roi kơ lu bơngai pơhrăm păng Sư: “Đĭ-đăng kơ iĕm măng kơnh kơdâu achăng lê̆ Inh, yua kơ đei nơ̆r chih roi lê̆ hơdrol boih thoi âu: ‘'Bok Kei-Dei gô pơlôch tơ'ngla wei triu, triu kơdâu tơklah đơ̆ng tơ'ngla Sư.’

Yo 11:50

Minh 'nu bơngai lôch tang lu bơngai Juđê bơ̆n, thoi noh na teh đak bơ̆n huay kơ hiong, thoi noh yơh trŏ. Liơ iĕm ưh kơ hlôh tơdrong 'noh?”

Both 25:18

Lu sư ưh kơ băt hli yom kơ Kră Yang 'Bok Kei-Dei, na druh blah pơlôch đĭ lu bơngai yak đơ̆ng rŏng, kơplah iĕm rok trong, 'bơ̆t lu iĕm oei lap gleh rơmơ̆n rơmok.