II Sam 16:1 - Sơ̆p Hlabơar Nơ̆r 'Bok Kei-Dei

¹ Đawit 'nao tŏk hlôi kơ kơ̆l kông, na tơ'bơ̆p Siba, đĭch đam Mephibôset, năm sơng chông ba 'bar tŏ aseh iĕ tah an đei tơlei pơhơ̆p păng kơpal rŏng aseh chơ 'bar-hrĕng tơpei 'bĕng, minh-hrĕng hơchô̆ plei hơmu, minh-hrĕng tŏ 'bĕng iĕ plei hơra, păng minh pôm get hơkar 'bĕnh kơ sik hơmu.

II Sam 16:1 Iomraidhean Croise

II Sam 15:30

Đawit tŏk tơ kông ôliwơ; sư yak rah nhơ̆m rah gom lê̆ kơ̆l păng yak tơpang jơ̆ng hoh. Đĭ-đăng bơngai năm kiơ̆ kư̆m dai gom kơ̆l, yak rah nhơ̆m rah.

II Sam 15:32

Lăp kơplah Đawit năm tŏk truh tơ kơ̆l kông, anih mă đe kơkuh kơ Kră Yang 'Bok Kei-Dei, đei Husai, bơngai Arkit, năm sơng tơ'bơ̆p sư, ao tơhek hiah păng kơ̆l 'bĕnh kơ 'mui teh.

II Sam 19:17

Simêi chông ba minh-rơbâu 'nu bơngai Bênjamin kiơ̆ sư. Siba, đĭch đam wei-lăng hnam Sôl, hăm mơjĭt-pơđăm 'nu kon drŏ-nglo, păng 'bar-jĭt 'nu đĭch đam sư, lu sư năm hăt hot truh tơ đak Krong Jôrđăn, adrol kơ pơtao.

II Sam 19:32

Barsilai kră dêh boih, sư đei tơhngam-jĭt sơnăm. Sư boih bơngai ăn kơ pơtao tơmam sa kơplah pơtao oei lăm pơlei Mahanaim, yua kơ sư mơdrŏng dêh.

I Ho 12:40

Na lu 'nhŏng oh đơ̆ng ataih truh, đơ̆ng teh đak Isakar, Sabulôn păng Neptali lu sư chơ tơmam sa păng aseh iĕ, lăk-đa, aseh lai păng rơmo, lu sư ba lơ tơpŭng 'bĕng mi, 'bĕng pơlei hơra, hơmu kro, sik, đak rơmă, hăm dui ba rơmo păng triu lơlap lơlang, yua kơ đei tơdrong chơt hiôk lăm dêh char Isơrael.

Tơdrông Pơđơk 18:16

Tơmam bu pơyơ̆r gô pơih trong kơ sư. Ba sư truh tơ anăp lu bơngai yŏng mơng.

Je 40:10

Inh athei oei lăm pơlei Mispa, tang măt kơ lu iĕm chă pơma dơnuh hăm lu bơngai Kalđê dah lu sư truh tơ bơ̆n; gah lu iĕm gơh chă phĕ plei hơmu, plei đum bơyan phang păng plei ôliwơ, na hmĕt đak sư mong lăm ge, na oei bĕ lăm pơlei mă iĕm đei oei boih.”

Je 40:12

Lu bơngai Juđa 'nâu tơklah tơklang jơ̆p kơ dêh char wih brŏk tơ char Juđa, tơ Gêđalia tơ pơlei Mispa. Na lu sư phĕ mong plei hơmu plei 'long bơyan phang lơ dêh.

Am 8:1

'Nâu tơdrong mă Kră Yang tơ'bôh ăn kơ inh. 'Nâu đei minh pôm bai plei 'long bơyan puih.

Mi 7:1

Răm-'băm tơpă kơ inh! Yua kơ ih thoi plei bơyan phang đe phĕ iŏk boih. Thoi plei hơmu đe chă dônh pơpôi đêl đe phĕ boih, ưh kơ đei minh hơie hơmu ayơ wă sa, plei hơra blŭng-a mă jơhngơ̆m inh hơpơi wă kư̆m ưh kơ đei.

I Sam 10:3

Đơ̆ng noh ih kư̆ yak năm, truh tơ tơm 'long kôih Tabôr, ih gô tơ'bơ̆p pêng 'nu năm tơ pơlei Bethel. Wă kơkuh kơ Kră Yang 'Bok Kei-Dei, minh 'nu chĕp ba pêng tŏ kon bơbe tơno, minh 'nu chĕp ba pêng tŏ 'bĕng păng bơngai mă pêng chĕp ba minh tŏ get akar sik.

I Sam 16:20

Jese rôp minh pơm aseh iĕ iŏk 'bĕng sik minh kơdŭng akar, minh pơm kon bơbe oei mŏm, hơtŏk kơpal kơdŭ aseh iĕ athei kơ Đawit kon drŏ-nglo sư, chĕp ba ăn kơ Sôl.

I Sam 25:18

Abigail hăt hot iŏk 'bar-hrĕng tŏ tơpei 'bĕng, 'bar kơthŭng akar sik hơmu; 'nhĕm pơđăm tŏ triu pai sĭn boih. Pơđăm kơthŭng phe 'ba mi hơdrĕng. Minh-hrĕng hơie plei hơmu, 'bar-hrĕng tơpei 'bĕng plei hơra kro, sư hơtŏk tơ rŏng aseh iĕ.