II Sam 14:2 - Sơ̆p Hlabơar Nơ̆r 'Bok Kei-Dei

² Jôap wơh bơngai năm tơ pơlei Têkôa chă minh 'nu bơngai drŏ-kăn gơh hơgei, sư pơkă kơ drŏ-kăn ei khan: “Ih athei pơm thoi bơngai sơ'ngon kơ đei bơngai lôch, hrŭk ao sơ'ngon, 'nĕ kơ pik pơgang 'bâu phu, ih pơm akâu thoi bơngai drŏ-kăn sơ'ngon kơ đei bơngai lôch đĭ đunh năr boih.

II Sam 14:2 Iomraidhean Croise

Bl 38:19

Pơih lê̆ hơdrao, na iŏk hơbĕn ao adro hrŭk dơ̆ng.

II Sam 11:26

Akăn Uri kơtơ̆ng băt kơ klo sư lôch boih, na nhơ̆m hmoi.

II Sam 12:20

Kơplah noh, Đawit iung đơ̆ng teh, hum hơpĕch, pik đak pơgang 'bâu phu tơ akâu sư, hrŭk tơplih hơbĕn ao; sư mơ̆t tơ hnam Kră Yang drap kơkuh, đơ̆ng noh sư wih brŏk tơ hnam pơtao sư dơ̆ng, athei đe hơmet tơmam sŏng sa. Na lăp đe hơmet dang boih sư sŏng sa hloi.

II Sam 20:16

Đei minh 'nu bơngai drŏ-kăn gơh hơgei dơ̆ng kơpal dur pơlei krao dơ'lông tơ ala: “Mơ̆ng bĕ, mơ̆ng bĕ! Apinh krao Jôap năm jê̆ tơ âu, inh wă pơma dơnuh hăm sư.”

II Sam 23:26

Hêlês bơngai Paltit; Ira kon Ikês đơ̆ng pơlei Têkôa.

I Pot 14:2

Na Jêrôbôam khan kơ akăn sư. “Ih pơm thoi bơngai nai, wă kơ đe ưh kơ băt ih akăn inh. Na năm tơ Pơlei Silô, Ahija bơngai khan Lê̆ adrol oei tơ noh, sư đei khan lê̆ adrol gah inh gô pơm pơtao lu kon pơlei pơla 'nâu.

I Pot 14:5

Kră Yang khan kơ Ahija: “To akăn Jêrôbôam năm jet ih gah kon drŏ-nglo sư jĭ, na ih athei khan kơ sư păng tơl sư thoi âu. Mưh sư truh, sư pơm bơngai nai.”

II Ho 11:6

Sư man pơdơ̆ng pơlei Betlehem, Êtam, Têkôa,

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

Ne 3:27

'Blă kơ bơngai noh đei lu bơngai pơlei Thêkô pơm hơmet minh pah nai tơklă hnam thôt kơjung păng truh tơ dur Ôphêl.

Ne 3:5

Tơtil lu đe noh, lu bơngai pơlei Têkôa man, mă-lei gah lu bơngai mơdrŏng lu sư kuă kơ bơ̆jang tơgŭm ôh kơ lu yŏng sư kơdih.

Horiso 104:15

Sik hơmu tơmam pơhiôk jơhngơ̆m kon bơngai. Đak rơmă ôliwơ pơm ăn kơ muh măt hơdah hơdong, Por sŏng wă ăn kơ jơhngơ̆m kon bơngai pran.

Bôk Bơthô 9:8

Mă layơ ih kư̆m athei hrŭk hơbĕn ao kok 'nao ling-lang thoi năr et sa tih păng 'nĕ hiơt pik pơgang 'bâu phu kơpal kơ̆l ih.

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Am 1:1

Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.

Mathiơ 6:17

Năr iĕm ơ̆t kơ por iĕm athei 'nhao muh măt kor sŏk mă 'lơ̆ng hơnơ̆ng,

Ru 3:3

Thoi noh ih năm 'nhao hơrao hơpĕch bĕ, pik đak pơgang 'bâu phu păng hrŭk hơbĕn ao mă 'lơ̆ng, na jur năm tơ anih preh 'ba sư kơplah sư sŏng sa tam mă đang ih 'nĕ ăn kơ sư 'bôh ih.