II Sam 11:2 - Sơ̆p Hlabơar Nơ̆r 'Bok Kei-Dei

² Lăm minh kơsơ̆ ei Đawit iung đơ̆ng tep pơdơh 'năr dơ̆ng sư chă ngôi dăr tơ kơpal bơbŭng hnam pơtao na 'bôh minh 'nu bơngai drŏ-kăn oei hum, bơngai drŏ-kăn ei 'lơ̆ng hơbŏ dêh.

II Sam 11:2 Iomraidhean Croise

Bl 12:11

Kơplah sư wă oei lăm dêh Êyiptơ, Abram đei khan hăm Sarai, akăn sư thoi âu: “Âu, inh băt kơ ih jing minh 'nu bơngai drŏ-kăn 'lơ̆ng hơbŏ.

Bl 3:6

Bơngai drŏ-kăn lăng 'bôh plei 'long noh rŏ kơ sa 'lơ̆ng nham, na kư̆m lăp măt păng gĭtb yua kơ wă pơih kơ̆l 'ngok hơgei na phĕ sa; đơ̆ng noh na ăn kơ klo sư sa, mă oei jê̆ sư. Klo sư kư̆m sa mơ̆n.

Bl 34:2

Sichem kon tơdăm pơtao Hamôr, bơngai Hêwit, 'bôh adruh noh, na rôp pơgŏ iŏk 'bĭch hơdai păng pơm kư̆ kă.

Bl 39:6

Yŏng tơ'ngla sư jao đĭ-đăng mŭk tơmam sư kơ Jôsep wei-lăng, sư ưh pă hiơ̆k kơ mŭk tơmam noh boih, pă pôm tơdrong sŏng sa sư kơdih. Jôsep bơngai 'lơ̆ng hơbŏ, muh măt rơhau iơ̆m dim.

Bl 6:2

Lu kon tơdăm yang 'bôh kon adruh kon bơngai 'lơ̆ng hơbŏ na iŏk oei, adruh ayơ mă sư lăp đon.

II Sam 13:1

Apsalôm, kon drŏ-nglo Đawit đei minh 'nu oh drŏ-kăn pôm mĕ 'bă, anăn sư Tamar, 'lơ̆ng guăng dêh. Đơ̆ng rŏng kơ noh đunh 'biơ̆, Amnôn kư̆m kon drŏ-nglo Đawit mĕ pha hưch kơ sư.

II Sam 14:27

Apsalôm pơjing pêng 'nu kon drŏ-nglo păng minh 'nu kon drŏ-kăn, anăn sư Tamar sư bơngai adruh 'lơ̆ng guăng dêh.

II Sam 4:5

'Bar 'nu kon drŏ-nglo Rimmôn đơ̆ng pơlei Bêrôt, noh Rêkap hăm Baanah kơplah tŏk-bŏk 'năr tŏ. Năm truh tơ hnam Isbôset, sư oei tep pơdơh 'năr dơ̆ng.

II Sam 4:7

Bre sư 'bet pơlôch boih pơtao Isbôset kơplah oei tep kơpal giơng lăm anih tep, chơ̆ng iŏk kơ̆l sư, chĕp ba na năm tơpăt trong dơnă Araba prăt măng.

Jop 31:1

Inh đei pơgơ̆p hăm măt inh; Inh ưh pă lăng tơ bơngai adruh hle.

Horiso 119:37

Apinh Ih pơdăr măt inh wă kơ huay lăng lu tơdrong ưh kơ yua. Ăn kơ inh gơh arih kiơ̆ lăm lu trong Ih.

Tơdrông Pơđơk 19:15

Tơdrong alah mah pơm kơ đe tep pok. Bơngai ayơ ngôi đĕch gô pơngot.

Tơdrông Pơđơk 31:30

Akâu 'lơ̆ng chă pơrŏ, akâu hơbŏ gô hiong răm, Mă-lei đei drŏ-kăn ayơ băt hli yom kơ Kră Yang noh đe gô bơnê pơyom.

Tơdrông Pơđơk 6:25

Ih 'nĕ hưch kơ akâu sư 'lơ̆ng hơbŏ, Phŏ kơnh măt ih pơ̆k huŏng kơ tơdrong sư pơhlŭ.

Tơdrông Pơđơk 7:8

Sư năm rok trong drong weh tơ hnam drŏ-kăn đi. Sư yak tơklă wă mơ̆t tơ hnam drŏ-kăn đi.

Je 19:13

Đĭ-đăng hnam lăm pơlei Jêrusalem păng hnam pơtao Juđa, đĭ-đăng lu hnam ayơ mă tơ kơpal bơbŭng hnam noh đei soh tơmam 'bâu phu kơ lu sơnglŏng tơ kơpal plĕnh păng kư̆m đei tuh ăn tơmam huch sa pơyơ̆r kơ lu yang nai, kư̆m 'mê̆-'mach thoi Tôphet.”

Mathiơ 10:27

Thoi noh na tơdrong âu Inh bơtho kơdrô̆ iĕm, thoi lĕ kơ bơtho lăm măng mu ưh kơ đei bu băt, ưh kơ đei bu 'bôh. Mă-lei iĕm gô bơtho tơ hơdah măt 'năr, wă khan iĕm gô bơtho tơ anăp bôl lơ.

Mathiơ 24:17

Bơngai bu ngôi tơ 'ngoaih hnam 'nĕ pă mơ̆t iŏk tơmam sư tơ lăm hnam dơ̆ng.

Mathiơ 5:28

Na Inh bơtho iĕm dang ei thoi âu: Bơngai bu 'bôh drŏ-kăn, rŏ kơ ngôi hăm sư, bơngai 'noh yoch boih, bơngai 'noh dang lĕ pơm kư̆ kă hăm drŏ-kăn boih.

Jang 10:9

Năr dơning dơ̆ng lu sư năm wă jê̆ truh tơ Pơlei Japa. Lăp truh 'năr dơ̆ng, Pêtrôs tŏk tơ anih hnam mă kơpal sư wă krao khan kơ 'Bok Kei-Dei.

Both 22:8

Mưh iĕm pơm hnam 'nao, athei pơm 'long pĕng găn tăp dăr kơ bơbŭng, kơnh hli kơ đei bơngai huŏng đơ̆ng bơbŭng hnam noh, bơ̆n huay pă pŭ kơting, đơ̆ng hnam 'nao noh.

Both 5:21

Ih 'nĕ kơ 'nhĕng plah iŏk akăn đe, kư̆m 'nĕ 'nhĕng hnam đe, dah chŭn mir, đĭch drŏ-nglo đam drŏ-kăn, rơmo, aseh, dah tơmam kiơ nai.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

I Yo 2:16

Dôm tơdrong chih roi tơ ala âu lĕch đơ̆ng ala teh: Tơdrong kư̆ kă jơhngơ̆m kon bơngai 'maih pơm, tơdrong kư̆ kă mơ̆n măt kon bơngai 'maih lăng, lơ tơdrong tơpă, mơ'nah đei tơmam yua wă pơang akâu sư kơdih. Dôm tơdrong noh ưh kơ lĕch đơ̆ng 'Bă bơ̆n 'Bok Kei-Dei ôh, lĕch đơ̆ng lu bơngai ala teh âu đĕch.

I Sam 9:25

Na, lu sư brŏk jur đơ̆ng anih akŭm ei mơ̆t tơ pơlei; na Samuel pơma dơnuh hăm Sôl tơ anih tơ kơpal bơbŭng hnam dơnă, Sôl tep hloi tơ noh.