II Sam 10:3 - Sơ̆p Hlabơar Nơ̆r 'Bok Kei-Dei

³ Mă-lei lu yŏng wei-lăng kon pơlei Ammôn roi kơ yŏng tơ'ngla sư pơtao Hanun: “Ih tơchĕng khan Đawit wơh lu bơngai năm ngôi pơlung ih yua kơ lu sư pơyom kơ 'bă ih hă? Ưh ôh! Đawit wơh lu bơngai đĭch đam sư năm truh tơ ih lu sư 'maih wă chop lăng lu pơlei tih đĕch păng wă blah iŏk dơning kơnh;”

II Sam 10:3 Iomraidhean Croise

Bl 42:16

Athei wơh minh 'nu lăm lu iĕm brŏk na chông ba oh hơdruch iĕm jur tơ âu; gah đĭ-đăng lu iĕm oei chĭt lê̆ tơ âu. Nơ̆r lu iĕm pơma inh wă pơlong lăng 'mơ̆i wă kơ băt iĕm pơma noh tơpă dah ưh. Tơdah ưh kơ tơpă, lei inh pơkăm hăm anăn Pharaôn pơkă kơ lu iĕm âu chă dăr lăng char nhôn.

Bl 42:9

Jôsep 'blŏk kơ đêl sư apo 'bôh gah lu 'nhŏng oh sư, sư ôr khan iĕm dăr lăng teh đak âu, lăng lu anih mă char lu nhôn tơrăn.

II Sam 3:25

Pơtao ih băt hloh Apner, kon tơdăm Nêr, sư năm wă hơlĕnh pơdăr kơ ih, wă kơ băt trong ih yak năm, hăm wă kơ chă băt dôm tơdrong jang pơtao pơm.”

I Ho 19:3

Mă-lei lu yŏng linh Ammôn khan kơ Hanun: “Ih ngeh kơ Đawit wơh lu bơngai năm ngôi pơlung ih, wă pơyom kơ 'bă ih hă? Ưh kơ trŏ ôh hă lu jơ̆ng 'bang sư năm tơ ih chă chop lăng wă blơ̆ blah iŏk char âu?”

I Kor 13:5

sư ưh kơ pơ'lŏ, sư ưh kơ pơ'brơh kơ đe, sư mơ̆ng kơ đe, sư ưh kơ pơjah, jơhngơ̆m sư huay kơ 'bônh kơ blĕk. Bơngai bu 'mêm kơ 'Bok Kei-Dei hăm bôl buăl sư, sư ưh kơ lah jô̆ yo kơ đe pơm kơnê̆ kơ sư ôh,

I Kor 13:7

Bơngai bu băt 'mêm kơ 'Bok Kei-Dei hăm bôl buăl sư, mă đe pơm kơnê̆ kơ sư, sư oei 'mêm kơ đe; đe areh kơ buăl sư mă-lei sư oei lui kơ nơ̆r buăl sư; păng sư lui kơ 'Bok Kei-Dei wei-lăng sư lăm tôm tơdrong khŏm khŏm; mă đei tơdrong gleh pơmat-tat, sư oei khŏm adrin lui 'mơ̆i.