II Sam 10:12 - Sơ̆p Hlabơar Nơ̆r 'Bok Kei-Dei

¹² 'Nĕ kơ hli athei tơblah mă nuih đĭ jơhngơ̆m wă wei kon pơlei pơla bơ̆n, păng lu pơlei tih Kră Yang 'Bok Kei-Dei bơ̆n; hơpơi kơ Kră Yang pơm kiơ̆ thoi Sư tơchĕng 'lơ̆ng!

II Sam 10:12 Iomraidhean Croise

II Sam 10:11

Sư khan kơ Abisai: “Tơdah lu linh Siri pran hloh kơ inh, ih gô năm tơgŭm inh, mă-lei tơdah lu linh Ammôn pran hloh kơ ih, inh gô năm tơgŭm ih.”

II Sam 15:26

Mă-lei tơdah Kră Yang khan: ‘Inh ưh kơ lăp kơ ih,’ lei apinh Kră Yang hơmet inh kiơ̆ kơ Kră Yang lăp đon lăng 'lơ̆ng!”

I Ho 19:13

Athei mă nuih pran kơtang bĕ tơblah ăn kơ kon pơlei pơla bơ̆n păng kơ pơlei Kră Yang 'Bok Kei-Dei bơ̆n, Kră Yang gô pơm tơdrong kiơ 'lơ̆ng kiơ̆ thoi măt sư lăng lăp.”

II Ho 32:7

“Athei chơ̆n jơhngơ̆m nuih pran, 'nĕ kơ hli, 'nĕ kơ tơrơ 'bơ̆t anăp pơtao Asiri păng 'bơ̆t anăp lu linh kiơ̆ sư yua kơ đei Kră Yang Tih Hloh oei hơdai bơ̆n pran hloh kơ lu bơngai oei hăm sư:

Ne 4:14

Inh iung chă lăng păng pơma dơnuh hăm lu bơngai mơdrŏng, lu bơngai pơm kuan tih păng lu kon pơlei thoi âu: 'Nĕ kơ hli kơ lu sư; athei 'blŏk kơ Kră Yang Tih Hloh păng trŏ kơ pơyom kơkuh, adrin tơblah dŏng lu 'nhŏng oh, dŏng kon tơdăm kon adruh lu bơ̆n, dŏng akăn păng hnam dơnŏ lu bơ̆n.

Ne 4:8

Na krao akŭm băl đĭ-đăng wă năm blah pơlei Jêrusalem păng wă pơrŭng lu nhôn hơwơ̆l hơwang.

Esther 4:16

Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Jo 13:20

teh lu sư jang sa, 'lơ̆ng dah kơnê̆, hăm đei 'long dah ưh. Athei mă nuih păng phĕ ba plei hơmu đum.

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

Both 31:6

Athei nuih pran kơtang bĕ. 'Nĕ kơ hli tơrơ krưp dêh 'bơ̆t anăp lu kon pơlei noh yua kơ Kră Yang 'Bok Kei-Dei iĕm kư̆m gô năm hơdai hăm iĕm; Sư ưh kơ đei layơ achăng lê̆ iĕm kư̆m ưh kơ weh ataih đơ̆ng iĕm.

Both 31:7

Đơ̆ng noh Môis krao Jôsuê khan kơ sư 'bơ̆t anăp đĭ-đăng bơngai Isơrael: Ih athei chơ̆n jơhngơ̆m; păng nuih kơtang bĕ, yua kơ ih gô năm mơ̆t hơdai hăm lu kon pơlei 'nâu lăm dêh char mă Kră Yang hlôi pơkă boih wă ăn kơ 'bok lu sư păng ih gô klah asong ăn kơ lu sư dêh noh.

Hêbrơ 11:33

Lu sư đei đon lui tơpă, na lu sư kĕ blah iŏk lơ teh đak noh nai. Lu sư bơngai pơgơ̆r tơpăt ling-lang, lu sư 'bôh tơpă boih tơdrong 'Bok Kei-Dei pơkă wă ăn kơ lu sư noh. Lăm lu sư kư̆m đei gơh pơŏm 'bơ̆r kiĕk.

Hêbrơ 13:6

Thoi noh na bơ̆n athei lui kơ tơdrong Sư khan noh, bơ̆n athei khan kơdih thoi âu: “Inh đei Kră Yang tơgŭm inh, inh ưh kơ hli kơ đe ôh, ưh kơ đei bu kĕ pơm kơ inh.”

Jôsuê 1:18

Bơngai bu ưh kơ chu pơm kiơ̆ nơ̆r ih bơtho pơkă păng dôm tơdrong jang kiơ ih athei, lu bơngai noh gô pơlôch sư, ih athei chơ̆n jơhngơ̆m nuih pran.”

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.

Lu 10:15

Kon pơlei Isơrael khan kơ Kră Yang: Lu nhôn pơm yoch boih. Apinh ih pơm bĕ kơ lu nhôn kiơ̆ Ih lăng trŏ, na apinh Ih dŏng pơklaih lu nhôn năr 'nâu!

I Sam 14:12

Linh lăm kơđông pơma kơ Jônathan hăm bơngai chĕp tơmam tơblah sư 'noh khan: Năm tơ âu bĕ, nhôn tơ'bôh ăn kơ măr iĕm, băt tơdrong Jônathan pơma hăm bơngai chĕp tơmam tơblah sư khan: Kiơ̆ mă jê̆ inh, yua kơ Kră Yang pơjao lu sư tơ lăm ti bơngai Isơrael boih.

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

I Sam 17:32

Đawit khan kơ Sôl: Apinh 'nĕ ăn bơngai bu mă hli kơ bơngai Philistin noh! Inh đĭch đam pơtao gô năm tơblah hăm sư.

I Sam 3:18

Na Samuel roi đĭ dôm tơdrong, ưh kơ đei ôn kiơ hăm sư. Hêli tơl khan: Sư bơih Kră Yang, apinh Sư pơm dôm tơdrong thoi Sư lăp đon!

I Sam 4:9

Ơ bơngai Philistin, mă nuih bĕ, tơblah mă kơtang bĕ! Kơnh hli kơ iĕm pơm đĭch kon pơlei Hêbrơ, thoi lu sư đei pơm đĭch lu iĕm! Athei mă nuih kơtang năm blah bĕ!