II Sam 1:21 - Sơ̆p Hlabơar Nơ̆r 'Bok Kei-Dei

²¹ Ơ kông groi Gilbôa Rŏ kơ tŭk gom păng 'mi 'nĕ pă jruh tơ ih, rŏ kơ ưh pă đei chŭn mir, teh mơ̆r 'lơ̆ng tơ anih 'nâu dơ̆ng. Yua kơ tơ anih noh khêl đao tơblah lu bơngai nuih kơtang jing đĭ 'mê̆-'mach, Khêl đao Sôl ưh pă layơ wă sŭt pơiel hăm đak rơmă dơ̆ng.

II Sam 1:21 Iomraidhean Croise

I Ho 10:1

Lu bơngai Philistin tơblah hăm bơngai Isơrael. Kon pơlei Isơrael kơdâu đơ̆ng anăp kon pơlei Philistin, đei lơ bơngai jĭ rơka, pơ̆k lôch tơ kơpal Kông Gilbôa.

I Ho 10:8

Năr đơ̆ng rŏng, kon pơlei Philistin năm iŏk mŭk tơmam lu bơngai lôch, na 'bôh Sôl păng lu kon drŏ-nglo sư lôch tơ Kông Gilbôa.

Hơri Hiôk 4:4

Hơko ih nhen thoi hnam thôt Đawit, Man pơdơ̆ng wă tah tơmam tơblah, Đĭ-đăng Rơbâu tŏ khêl tơ'băk tơ noh. Thoi khêl đe 'măn lê̆ kơ lu bơngai nuih wă tơblah.

Êsai 21:5

Đe hơmet gơ'bang sa et, đe lơ̆k che, đe sa păng et. Ơ lu yŏng pơgơ̆r iung bĕ tuh đak rơmă kơ khêl iĕm.

Êsai 5:6

Inh gô lê̆ sư Jing bri, ưh kơ đei hơleh dơng seh hơmet sư; na 'nhĕt jơla gô chăt krênh tơm sư. Inh gô khan kơ hơmơ̆l 'nĕ pă 'mi jruh tơ pơgar noh.

Êsêkiên 31:15

Kră Yang khan thoi âu: Lăm năr mă sư huŏng lăm anih bơngai lôch, Inh ăn kơ lu bơngai nhơ̆m hmoi, Inh klơ̆p lê̆ sơlŭng jrŭ, găn lê̆ lu glung găn lê̆ lu đak ro jăng. Inh ăn kơ kông Liban sơ'ngon yua kơ sư păng đĭ-đăng lu 'long tơ bri jô kro yua kơ sư.

Jôel 1:9

Tơmam soi pơyơ̆r huch, tơmam soi phe 'ba ưh pă đei boih lăm hnam Kră Yang; lu 'bok soi bơ̆jang soi kơ Kră Yang oei ơh sơ'ngon.

Jôel 2:14

Bu băt lê̆ adrol, rŏ lăng sư gô tơplih tơdrong tơchĕng, oei lê̆ pŭn hiôk kơ bơ̆n, wă khan ăn kơ bơ̆n oei gơh soi pơyơ̆r phe 'ba păng pơyơ̆r tơmam soi huch sa ăn kơ Kră Yang 'Bok Kei-Dei lu bơ̆n.

Lu 5:23

Linh jang Kră Yang khan: Hiap bĕ kon pơlei Mêrơs; Hiap bĕ lu kon pơlei sư mă kơnê̆. Yua kơ lu sư ưh kơ wă tơgŭm Kră Yang, Lu sư ưh kơ đei tơgŭm Kră Yang blah lu bơngai mă pơm kơnê̆ dêh!

I Sam 10:1

Samuel iŏk minh gĕl getchai iĕ mong đak rơmă 'bâu phu, na tuh tơ kơ̆l Sôl, đơ̆ng noh chŭm sư păng khan: 'Nâu Kră Yang tuh đak rơmă 'bâu phu kơ ih wă kơ ih pơgơ̆r kon pơlei Sư.

I Sam 31:1

Kon pơlei bơngai Philistin tơblah hăm lu bơngai Isơrael; bơngai Isơrael kơdâu thuơ ôn achăng pră lê̆ lu bơngai lôch tơ kông Gilbôa.

I Sam 31:8

Năr đơ̆ng rŏng, kon pơlei Philistin truh năm chă pơpơih lu bơngai lôch, 'bôh Sôl păng pêng 'nu kon drŏ-nglo sư lôch jơ'mrơh kơpal kông Gilbôa.