II Sam 1:2 - Sơ̆p Hlabơar Nơ̆r 'Bok Kei-Dei

² Năr mă pêng đei minh 'nu bơngai đơ̆ng kơđông Sôl, hơbĕn ao sư hiah đĭ, kơ̆l sư 'bĕnh kơ 'mui teh sư năm 'bơ̆t anăp drap kơkuh kơ Đawit.

II Sam 1:2 Iomraidhean Croise

Bl 22:4

Truh năr mă pêng, Abraham ngơk muh măt, tơmang 'bôh anih noh oei ataih.

Bl 37:29

Rubên hơlơ̆k dơ̆ng tơ sơlŭng đak lăng jua ưh pă 'bôh boih sư hek lê̆ ao sư kơdih.

Bl 37:34

Jakôp hek lê̆ hơbĕn ao sư kơdih, sư iŏk 'bi hơbĕn păng grong sơ'ngon đunh năr kơ kon drŏ-nglo sư lôch.

Bl 43:28

Lu sư tơl: Đĭch đam ih, 'bă lu nhôn, sư oei liĕm akâu mơ̆n păng oei arih đơ̆ng noh sư kŭp kơ̆l kơkuh.

II Sam 1:3

Đawit jet sư: “Ih đơ̆ng yơ?” Sư tơl: “Inh đơ̆ng kơđông linh Isơrael kơdâu hlôi tơ âu.”

II Sam 13:19

Tamar klă tơnuh kơpal kơ̆l sư, na hek ao ti tai mă sư oei hrŭk noh. Păng iŏk ti klơ̆p muh măt, nơnăm rah nhơ̆m ôr rah.

II Sam 14:4

Bơngai drŏ-kăn pơlei Têkôa năm pơma roi kơ pơtao, sư drap tơ teh kơkuh, na khan: “Kơkuh kơ ih pơtao, apinh ih dŏng inh!”

II Sam 15:32

Lăp kơplah Đawit năm tŏk truh tơ kơ̆l kông, anih mă đe kơkuh kơ Kră Yang 'Bok Kei-Dei, đei Husai, bơngai Arkit, năm sơng tơ'bơ̆p sư, ao tơhek hiah păng kơ̆l 'bĕnh kơ 'mui teh.

II Sam 24:20

Arauna ngơk lăng 'bôh pơtao păng đĭch đam sư năm adrol kơ sư, na sư năm lĕch tơkan kŭp kơ̆l drap muh măt tơ teh, kơkuh kơ pơtao.

II Sam 4:10

Kơplah bơngai năm roi ăn kơ inh khan, Sôl lôch boih, sư tơchĕng khan sư năm roi ăn tơdrong hiôk chơt. Inh athei đe rôp păng pơlôch sư tơ pơlei Siklak, noh inh apah kơ tơdrong sư roi.

Esther 4:16

Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

Esther 5:1

Lăm năr mă pêng Esther hrŭk ao yă pơtao sư klaih kơ noh sư năm dơ̆ng 'bơ̆t anăp 'măng tơklă anih tang-dŏ pơtao hơ-oei, pơtao sư hơ-oei tang-dŏ tơklă 'măng mơ̆t anih pơtao sư.

Horiso 66:3

Pơma bĕ hăm Kră Yang 'Bok Kei-Dei khan: “Dôm tơdrong jang Ih trŏ kơ hli yom tơpă! Đơ̆ng tơdrong mơsêh tih Ih; na dôm lu ayăt gô wih hli yom kơ Ih.

Êsêkiên 27:30

Lu sư gô nhơ̆m hmoi păng ơh sơ'ngon kơ ih, chup 'mui teh klă tơ kơ̆l kơdih păng tơglăng lăm tơnuh.

Hôsia 6:2

Đơ̆ng rŏng kơ 'bar năr Sư gô pơrih bơ̆n; truh năr mă pêng Sư gô tơiung bơ̆n, na bơ̆n gô arih 'bơ̆t anăp Sư.

Jôel 2:13

Hek bĕ jơhngơ̆m lu iĕm, 'nĕ kơ hek hơbĕn ao lu iĕm.” Wih brŏk bĕ tơ Kră Yang 'Bok Kei-Dei lu iĕm, yua kơ Sư iơ̆m dim, păng băt mơnat hiơ̆ kơ hil, păng 'bĕnh kơ tơdrong 'mêm mơnat, păng Sư băt tơplih huay pă pơrăm.

Mathiơ 12:40

Jôna sơ̆ sư oei lăm klak ka tih pêng măng pêng năr, na Inh Kon Bơngai gô oei lăm trôm teh pêng măng pêng năr kư̆m thoi noh mơ̆n.

Mathiơ 16:21

Đơ̆ng năr noh boih Yêsu mă đe anăn 'Bok Krist, Sư roi kơ lu bơngai pơhrăm păng Sư khan: “Inh chu năm tơ Pơlei Jêrusalem, tơ ei kơnh lu đe kră sek tơlang, lu 'bok soi tih păng lu thây bơtho tơdrong juăt đe Juđê gô pơm kơ Inh lơ tơdrong kơnê̆ păng pơlôch hloi Inh. Mă-lei kơtĕch pêng năr đơ̆ng rŏng 'Bok Kei-Dei gô tơiung arih Inh dơ̆ng.”

Jôsuê 7:6

Jôsuê hek ao sư kơdih, sư păng lu kră pơlei Isơrael, drap tơ teh kŭp kơ̆l 'bơ̆t anăp Hom Kră Yang truh tơ kơsơ̆ măng păng chup 'mui teh klă 'bĕnh kơ kơ̆l lu sư kơdih.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.

I Sam 20:41

Hlôi kơ đĭch sư năm boih, Đawit iung đơ̆ng gah gơal kơ tơmo sơtơ̆p kŭl-tăng tơ teh păng kơkuh kơ Jônathan pêng wơ̆t, na bre sư tơkuăr chŭm păng nhơ̆m, Đawit nhơ̆m đunh hloh.

I Sam 25:23

Abigail 'bôh Đawit, jur hloi đơ̆ng aseh iĕ hăt hot, na drap tơ teh 'bơ̆t anăp Đawit.

I Sam 4:12

Minh 'nu bơngai Bênjamin kơdâu ôn klĕch đơ̆ng anih tơblah, truh tơ Silô lăm năr noh, sư hek hơbĕn ao hiah đĭ, iŏk 'mui teh săi 'bĕnh kơ kơ̆l wă tơ'bôh đei tơdrong sơ'ngon.

I Sam 4:16

Bơngai noh khan kơ Hêli: Inh âu bơngai mă klĕch đơ̆ng anih tơblah năr âu. Hêli jet khan: Ơ dăm, lei tơdrong truh liơ liơ?