II Sam 1:18 - Sơ̆p Hlabơar Nơ̆r 'Bok Kei-Dei

¹⁸ Đawit bơtho tơ'blŏk kơ lu kon pơlei bơngai Juđa 'bai hơri hơ'ngon gah Hră jŭk, mă đe gô chih răk lăm sơ̆p hla bơar roi gah Bơngai 'lơ̆ng tơpăt (Jashar)

II Sam 1:18 Iomraidhean Croise

Bl 49:8

Ơ Juđa! Lu 'nhŏng oh e gô bơnê kơ e. Ti e gô 'bơm lu hơko lu ayăt kơ e, Lu kon drŏ-nglo inh gô sơtơ̆p kŭl-tăng 'bơ̆t anăp e.

II Sam 1:19

Ơ bơngai mă iĕm ư-ang, ơ Isơrael Đĭ lôch hiong lăm kông kŏ! Ôi lu bơngai nuih kơtang 'nâu lôch boih.

Both 4:10

'Blŏk bĕ kơ năr iĕm dơ̆ng 'bơ̆t anăp Kră Yang 'Bok Kei-Dei iĕm tơ Hôrêp kơplah noh Kră Yang khan kơ inh thoi âu: Krao akŭm bĕ đĭ-đăng kon pơlei, wă kơ lu sư mơ̆ng nơ̆r Inh, wă pơhrăm ăn kơ lu sư băt hli yom kơ Inh kơplah lu sư oei arih tơ kơpal teh âu păng wă kơ lu sư bơtho nơ̆r âu ăn kơ lu kon sâu se lu sư dơ̆ng.

Jôsuê 10:13

Thoi noh Măt 'năr oei dơ̆ng minh 'bôt hăm măt khei dơ̆ng hloi, dĭng truh kơ kon pơlei Isơrael blah tơwih lu ayăt kơ lu sư, đang boih tơdrong noh đei chih lăm sơ̆p hla bơar Jashar. Măt 'năr oei dơ̆ng hloi tơ plĕnh, ưh kơ mơ̆t, lăm minh năr noh.