II Pot 1:3 - Sơ̆p Hlabơar Nơ̆r 'Bok Kei-Dei

³ Mă-lei linh jang 'lơ̆ng Kră Yang khan kơ Êli bơngai Tisbit thoi âu: “Iung bĕ năm tơ'bơ̆p lu bơngai mă 'bok pơtao đe Samari wơh păng khan kơ lu sư: ‘Lăm Isơrael ưh kơ đei Kră Yang 'Bok Kei-Dei hă na iĕm năm jet apinh yang Baal Sêhup, yang Pơlei Ekrôn noh?’

II Pot 1:3 Iomraidhean Croise

I Pot 11:33

Inh pơm thoi noh yua kơ sư achăng lê̆ Inh năm kơkuh kơ Astoret yang drŏ-kăn lu bơngai Siđôn, Kêmôs yang lu bơngai Môap, Milkôm yang lu bơngai Ammôn, sư ưh pă năm kiơ̆ trong Inh, ưh pă pơm 'lơ̆ng 'bơ̆t anăp Inh, păng kư̆m ưh kơ wă răk tơdrong juăt Inh păng nơ̆r Inh tơtă thoi Đawit, 'bă sư đei pơm.

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

I Pot 18:1

Đunh năr đơ̆ng noh, truh lăm sơnăm mă pêng, đei nơ̆r Kră Yang khan kơ Êli: “Ih athei năm tơ'bơ̆p Ahap; Inh gô ăn đak 'mi jruh tơ teh dơ̆ng.

I Pot 18:36

Gah kơsơ̆, truh jơ pơyơ̆r tơmam soi, Êli bơngai khan lê̆ adrol năm dơ̆ng jê̆ chơnang soi 'noh păng krao khan: “Ơ Kră Yang, 'Bok Kei-Dei Abraham, Isăk păng Isơrael, năr 'nâu apinh ih ăn kơ đe băt Ih boih Kră Yang 'Bok Kei-Dei lăm khŭl bơngai Isơrael. Inh đĭch đam Ih, chu nơ̆r Ih pơm kiơ̆ tôm tơdrong Ih bơtho akhan.

I Pot 19:5

Na sư 'bĭch 'bơ̆t ala tơm 'long 'noh tep. Blư đei minh 'nu linh jang 'lơ̆ng râu sư, khan: “Iung sa bĕ.”

I Pot 19:7

Linh jang 'lơ̆ng năm tơ sư dơ̆ng wơ̆t mă 'bar râu sư khan: “Iung sa bĕ, yua kơ trong oei ataih dêh.”

I Pot 21:17

Đơ̆ng noh đei nơ̆r Kră Yang khan kơ Êli pơlei Tisbit:

II Pot 1:2

Đei minh năr ei, tơ Pơlei Samari, Ahasia huŏng đơ̆ng 'măng-'mŏk hnam kơjung akâu sư rơka, jĭ dêh, na sư wơh bơngai jang kơ sư năm păng tơtă nơ̆r: “Năm jet apinh yang Baal Sêhup, yang Pơlei Ekrôn wă kơ băt inh gô klaih đơ̆ng jĭ 'nâu dah ưh?”

II Pot 1:6

Lu sư tơl: “Đei minh 'nu bơngai tơ'bơ̆p nhôn păng khan kơ nhôn: ‘Iĕm brŏk bĕ tơ pơtao mă wơh iĕm 'noh păng iĕm roi kơ sư khan: Kră Yang khan bơih thoi âu: ‘Lăm lu bơngai Isơrael ưh kơ đei Kră Yang 'Bok Kei-Dei hă na ih wơh athei năm jet yang Baal Sêhup, yang pơlei Ekrôn 'noh? Yua kơ noh, ih ưh kơ đei iung đơ̆ng giơng ih 'bĭch noh ôh, sĭt ih gô lôch?!”

II Pot 1:8

Lu sư tơl: “Bơngai noh hrŭk ao akar sŏk sem bri păng tơ̆n tơlei tơ̆n akar.” Pơtao khan: “'Nei Êli bơngai Tisbit noh bơih.”

II Pot 5:15

Naaman hăm đĭ-đăng bơngai mă kiơ̆ sư wơ̆t dơ̆ng tơ Êlisê păng khan thoi âu: “Dang ei inh băt bơih, jơ̆p-jang lăm teh đak ưh kơ đei yang nai hloh kơ Kră Yang 'Bok kei-Dei lu bơngai Isơrael, thoi noh apinh ih iŏk tơmam inh bơngai mă đĭch đam ih 'nâu.”

II Pot 5:8

Êlisê kơtơ̆ng băt pơtao đe Isơrael hek ao sư kơdih, sư wơh bơngai năm khan kơ pơtao đe Isơrael: “Yua kơ kiơ ih hek lê̆ ao ih kơdih? Ih athei Naaman năm tơ inh, wă kơ sư gô băt lăm Isơrael đei bơngai khan lê̆ adrol.”

Horiso 76:1

Lăm Juđa, đe băt hơđăl kơ Kră Yang 'Bok Kei-Dei, Anăn Sư tih tơpă tơ lu bơngai Isơrael.

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Jôna 2:8

Lu bơngai chă kơkuh kơ rup yang ưh kơ yua kiơ. Na achăng lê̆ tơdrong Kră Yang 'mêm kơ sư.

Markôs 3:22

Lu 'bok thây bơtho khôi juăt bơngai Juđê mă jur đơ̆ng Pơlei Jêrusalem lu sư khan: “Yŏng pơgơ̆r lu yang kơnê̆, măt sư Belsêbul, mơ̆t lăm akâu Yêsu boih.” Lu mơ'nah dơ̆ng khan: “Yŏng pơgơ̆r lu yang kơnê̆ tơgŭm Sư na Sư gơh pơpuh lu yang kơnê̆ nai.”

Jang 8:26

Na gah Philip dơ̆ng, linh jang 'lơ̆ng 'Bok Kei-Dei khan kơ sư thoi âu: “Ih năm tơ gah gơal Pơlei Jêrusalem hŏ, gah trong char glă chơngue mă jur đơ̆ng Pơlei Jêrusalem truh tơ Pơlei Gasa.”

I Sam 17:46

Năr 'nâu Kră Yang gô pơjao ih lăm tơpang ti inh, inh gô pơlôch ih, kăt kơ̆l ih păng bơngai Philistin lôch ăn kơ sem păr păng lu sem bri sa sĕch lu linh bơngai Philistin. Jơ̆p-jang kơ teh đak gô băt kơ bơngai Isơrael đei Kră Yang 'Bok Kei-Dei;