Hôsia 9:7 - Sơ̆p Hlabơar Nơ̆r 'Bok Kei-Dei

⁷ Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Hôsia 9:7 Iomraidhean Croise

II Pot 9:11

Na Jêhu lĕch hĭ đơ̆ng ei năm truh tơ lu đĭch đam yŏng tơ'ngla sư. Lu đe ei jet khan: “Tôm tơdrong hiôk 'lơ̆ng mơ̆n? Bơngai wơnh 'noh hei sư chă kiơ kơ ih?” Sư tơl lu đe ei khan: “Lu iĕm băt kơ sư păng băt nơ̆r sư pơma.”

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 34:8

Yua kơ Kră Yang đei minh năr wă pơm 'mong. Đei sơnăm Sư wă pơm tơwih yua kơ pơlei Siôn.

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

Je 10:15

Lu rup yang ưh kơ đei yua kiơ, chă hơlĕnh đĕch, Truh năr sek tơlang kơnh gô pơrăm đĭ.

Je 11:23

Ưh kơ đei minh 'nu bu klaih ôh. Yua kơ Inh gô ăn tơdrong gleh răm truh kơ kon pơlei Anathôt lăm sơnăm Inh phak lu sư.’

Je 16:18

Inh gô pơm 'mong kơ lu sư 'bar wơ̆t hloh, tơdrong yoch kơnê̆ lu sư pơm, yua kơ lu sư pơm 'mê̆-'mach kơ teh đak păng tơdrong jang Inh 'bĕnh hăm akâu lôch lu tơmam Inh areh,

Je 23:13

“Inh 'bôh hơđăl boih tơdrong glăi yoch krưp, lăm bơngai khan lê̆ adrol char Samari; Lu sư yua anăn yang Baal na khan lê̆ adrol, ba bơngai Isơrael Inh wơ̆l jrok.

Je 25:14

‘Mă lu sư kư̆m gô pơm đĭch kơ lu dêh char pran kơtang lu pơtao tih mơng Inh gô pơm tơwih kơ lu sư thoi lu sư đei pơm păng kiơ̆ kơ tơdrong jang đơ̆ng ti lu sư pơm.”

Je 29:26

Kră Yang đei jao ăn kơ ih boih pơm 'bok soi tơplih kơ Jêhôiada wă pơgơ̆r wei-lăng hnam akŭm Kră Yang Ih gơh athei đe rôp hơnuh ako, rôp jơlŏng lê̆ jơ̆ng, tơdah bu mă wơnh khan lê̆ adrol

Je 46:21

Mă lu linh sư mưng oei hơdai sư, thoi kon rơmo bek 'lơ̆ng, kư̆m kơdâu tơklah ưh kơ kĕ dơ̆ng ôh. Yua kơ tơdrong răm truh tơ lu sư, trŏ năr phak lu sư boih.

Je 6:14

Lu sư hơmet rơka kon pơlei Inh 'bơ'biơ̆ đĕch na khan hiôk-hian hiôk-hian; mă tơpă ưh kơ đei hiôk-hian ôh.

Je 8:11

Lu sư hơmet rơka kon pơlei pơla Inh, chă yôk yak đĕch khan: Hiôk-hian, 'lơ̆ng rŏ!’ ” Tơpă ưh kơ đei hiôk-hian.

Nhom 2:14

Lu bơngai khan lê̆ adrol iĕm 'bôh boih tơdrong hơlĕnh păng chă pơhlŭ iĕm. Lu sư ưh kơ đei tơ'bôh tơdrong yoch iĕm ôh, wă kơ lu iĕm huay kơ pơm bơnă. Tơ'bôh ăn kơ lu iĕm khan lê̆ adrol hơlĕnh păng chă pơhlŭ wă pơrăm iĕm.

Êsêkiên 13:10

Lu sư hơlĕnh pơm kơ kon pơlei Inh wơ̆l jrok hăm nơ̆r sư khan, “Hiôk-hian,” mă-lei ưh kơ đei hiôk-hian. To, kon pơlei Inh man dur ưh kơ kơjăp, âu lu sư hơlĕnh bah hăm chŭr kok.

Êsêkiên 13:3

Kră Yang Tih Hloh khan: Răm-'băm kơ lu bơngai khan lê̆ adrol kơwao kiơ̆ kơ jơhngơ̆m kơdih, ưh kơ đei 'bôh yă kiơ?

Êsêkiên 25:17

Inh gô phak pơrăm hăm tơdrong hil mĭl tih, mưh Inh pơm mong blah lu sư, na lu sư gô băt Inh boih Kră Yang.”

Êsêkiên 38:23

Na Inh gô pơm pơdah tơdrong krưp 'lơ̆ng rŏ Inh hăm 'lơ̆ng rơgoh Inh kơ lơ adrĕch adrung kon bơngai păng lu sư gô băt Inh boih Kră Yang.

Êsêkiên 9:10

Gah Inh, măt Inh lăng kư̆m pă mơnat păng Inh kư̆m pă đei lê̆ lu sư oei arih; Inh gô tuh tơ kơ̆l lu sư dôm tơdrong mă lu sư đei pơm.”

Hôsia 14:1

Ơ lu bơngai Isơrael, wih brŏk bĕ tơ Kră Yang, 'Bok Kei-Dei iĕm; yua kơ đơ̆ng tơdrong kơnê̆ lu iĕm, na lu iĕm pơ̆k huŏng boih.

Hôsia 5:9

Char Êphraim jing anih juơ lăm năr đei tơdrong bơtho pơjĭ; tơ adrĕch Isơrael Inh tơbăt tơdrong 'nâu truh sĭt.

Hôsia 8:13

Mă khan lu sư soi pơyơ̆r kơ Inh, păng sa sĕch 'nhĕm noh, Kră Yang ưh kơ hiôk ôh kơ lu sư. Na Kră Yang 'blŏk kơ tơdrong kơnê̆ đêl lu sư pơm, păng gô phak pơjĭ lu sư yua kơ tơdrong yoch lu sư pơm; lu sư gô wih brŏk tơ dêh Êyiptơ.

Hôsia 9:8

'Bok khan lê̆ adrol jơ̆ bơngai wei-lăng bơngai wei Êphraim Kră Yang 'Bok Kei-Dei athei; Iĕm pơm kơ 'Bok khan lê̆ adrol thoi hơnhuăl đe wŏk rôp sem păr oei jơ̆p kơ trong sư, kư̆m hil areh kơ sư lăm hnam Kră Yang 'Bok Kei-Dei sư.

Am 8:2

Sư khan: Amôs, ih 'bôh kiơ? Inh tơl: Inh 'bôh minh pôm bai plei 'long bơyan puih, Kră Yang khan kơ inh dơ̆ng thoi âu: Năr tôch truh boih tơ kon pơlei Isơrael; Inh ưh pă 'mêm kơ sư dơ̆ng.

Mi 2:11

Tơdah đei bơngai bu kiơ̆ tơdrong hiong răm păng pơma hơlĕnh khan: Inh gô pơma khan lê̆ adrol kơ lu iĕm gah đak sik hơmu păng đak hơmu păng đak tơdrô, bơngai noh jing trŏ bơngai khan lê̆ adrol kơ kon pơlei 'nâu!

Mi 7:4

Bơngai pơm 'lơ̆ng hloh lăm lu sư thoi jơla bơmrôm, lu bơngai tơpăt hloh kư̆m kơnê̆ hloh kơ dur jơla. Tơdrong lu bơngai gak ih roi năr phak ih truh boih, dang ei tơdrong hơwơ̆l hơwang lu sư truh boih.

Jêphania 3:4

Lu 'bok khan lê̆ adrol tă kơ hơlĕnh pơdăr ngăl; 'bok soi lu sư pơm mơgrĭ kơ anih rơgoh; păng pơm pơhloh kơ tơdrong khôi juăt.

Markôs 3:21

Hnam dơnŏ Yêsu kơtơ̆ng ang thoi noh, na lu sư năm wă iŏk Yêsu wă anhăk wih tơ hnam, kơlih kơ đe khan Yêsu Sư wă wơnh.

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

II Kor 5:13

Tơ̆ng đe khan nhôn bơngai wơnh kư̆m bưh, noh yua kơ nhôn jang tơdrong 'Bok Kei-Dei; tơ̆ng đe khan nhôn bơngai 'lơ̆ng, 'nă hal loi, yua kơ đe pơư nhôn jang tơgŭm iĕm.

Tơdrông Tơ'bôh 16:19

Pơlei Babilôn pơlei tih dêh đei tơdrong truh kơ lu sư hơling hơlơ̆m pêng pah kueng pơgăn. Păng jơ̆p-jang kơ teh đak kon pơlei pơla nai kư̆m pơchah răm lei-lăi. Pơlei Babilôn 'Bok Kei-Dei hil kơ lu sư ưh kơ chu, na Sư ăn kơ lu sư et sik pơhrăp tơdrong Sư hil.