Hôsia 9:4 - Sơ̆p Hlabơar Nơ̆r 'Bok Kei-Dei

⁴ Lu sư kư̆m ưh pă đei tuh pơyơ̆r boih sik hơmu kơ Kră Yang, păng dôm tơmam soi lu sư kư̆m ưh kơ pơm kơ Kră Yang hiôk ôh, mă-lei jing thoi 'bĕng mi đe sa nhơ̆m hmoi ơh sơ'ngon kơ bơngai lôch, đĭ-đăng lu bơngai sa 'bĕng noh jing 'mê̆-'mach, yua kơ 'bĕng mi noh 'măn kơ lu sư kơdih đĕch 'bĕng noh ưh kơ truh ôh tơ hnam Kră Yang.

Hôsia 9:4 Iomraidhean Croise

Le 29:40

Hăm kon triu mă minh, ih athei pơyơ̆r 'bar lich,a êpha tơpŭng 'ba mi hĕch pơjrâu hăm minh lăm puăn hin,b đak ôliwơ păng iŏk minh lăm puăn hin đak hơmu, jing tơmam pơyơ̆r huch.c

Le 40:23

na dan 'bĕng tơ gơ'bang, 'bơ̆t anăp Kră Yang, kiơ̆ thoi nơ̆r Kră Yang đei pơkă kơ Môis.

Êsai 57:6

Lu tơmo iel rang tơ lăm thŭng noh jing rup Yang iĕm. Tơ lu tơmo noh lu iĕm tuh đak rơmă păng pơyơ̆r tơmam huch, păng phe 'ba pơm tơmam soi kơ lu tơmo 'noh. Liơ mă inh gơh ngach ưh kơ blĕk kơ tơdrong 'noh?

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Je 16:7

Ưh kơ đei bu chĕp por 'nhot năm sŏng sa hơdai pơlung yua kơ đei bơngai lôch, kư̆m ưh kơ đei bu hling đak nhă pơlung lu sư sơ'ngon kơ mĕ dah 'bă lu sư lôch.

Je 6:20

Lu iĕm soh pơyơ̆r kơ Inh 'long 'bâu phu đơ̆ng char Seba, dah tơmam 'bâu phu đơ̆ng dêh ataih wă pơm kiơ? Inh ưh kơ iŏk ôh tơmam soi 'buh lu iĕm, tơmam soi mă iĕm pơyơ̆r kư̆m ưh kơ đei pơhiôk kơ Inh mơ̆n!”

Êsêkiên 24:17

Hmoi bĕ, mă-lei 'nĕ kơ ôr re, 'nĕ pă hmoi ơh kơ bơngai lôch; chô̆ bĕ che tơ kơ̆l, 'bot bĕ chơkhŏ ih. 'Nĕ kơ gom 'bơ̆r ih păng 'nĕ sa 'bĕng đơ̆ng lu bơngai năm hơpong pơlung.”

Êsêkiên 24:22

Lu iĕm gô pơm thoi inh hlôi pơm; lu iĕm ưh kơ gom 'bơ̆r păng 'nĕ sa 'bĕng lu bơngai năm hơpong pơlung.

Da 1:8

'Nâu, Đaniel pơkă lăm jơhngơ̆m sư khan, ưh kơ wă sŏng sa tơmam 'lơ̆ng păng tơdrô pơtao soi kơ yang jing pơm kơ inh kơnê̆, na apinh bơngai wei-lăng 'nĕ pơgŏ sư pơm yoch kơnê̆ noh.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Hôsia 7:16

Lu sư wih brŏk mă-lei ưh kơ tơklă tơ Kră Yang Tih Hloh, lu sư kư̆m thoi hră đe prah rĕng tơ nai. Lu kră pơgơ̆r lu sư gô pơ̆k lôch kơ đao gưm, yua kơ hơpiĕt lu sư pơma hơlĕnh. Tơdrong noh pơm kơ đe hiĕk ăr che bơle kơ lu sư tơ lăm char Êyiptơ.

Hôsia 8:13

Mă khan lu sư soi pơyơ̆r kơ Inh, păng sa sĕch 'nhĕm noh, Kră Yang ưh kơ hiôk ôh kơ lu sư. Na Kră Yang 'blŏk kơ tơdrong kơnê̆ đêl lu sư pơm, păng gô phak pơjĭ lu sư yua kơ tơdrong yoch lu sư pơm; lu sư gô wih brŏk tơ dêh Êyiptơ.

Jôel 1:13

Ơ lu 'bok soi, hrŭk bĕ ao 'bi na nhơ̆m hmoi. Ơ lu bơngai mă bơ̆jang 'bơ̆t chơnang soi, nhơ̆m hmoi bĕ. Ơ lu bơngai mă jang kơ Kră Yang 'Bok Kei-Dei, hrŭk hơbĕn ao 'bi hiah na tep om prăt măng, yua kơ tơmam soi phe 'ba, păng tơmam soi huch pă đei bơih lăm hnam Kră Yang 'Bok Kei-Dei lu iĕm!

Jôel 1:9

Tơmam soi pơyơ̆r huch, tơmam soi phe 'ba ưh pă đei boih lăm hnam Kră Yang; lu 'bok soi bơ̆jang soi kơ Kră Yang oei ơh sơ'ngon.

Jôel 2:14

Bu băt lê̆ adrol, rŏ lăng sư gô tơplih tơdrong tơchĕng, oei lê̆ pŭn hiôk kơ bơ̆n, wă khan ăn kơ bơ̆n oei gơh soi pơyơ̆r phe 'ba păng pơyơ̆r tơmam soi huch sa ăn kơ Kră Yang 'Bok Kei-Dei lu bơ̆n.

Lêwi 17:11

Yua kơ tơdrong ariha sĕch akar oei tơ lăm pham; Inh ăn boih kơ lu iĕm pham tơtraih tơ chơnang soi wă soi sơmah huai đơ̆ng yoch bơhngol lu iĕm; yua kơ pham jing tơdrong arih.

Lêwi 21:17

athei khan bĕ kơ Arôn. Ưh kơ đei bu lăm kon hơ'lơ̆p ih lăm chăl arih sư đei tơdrong jĭ jăn ưh kơ gơh năm jê̆ wă pơyơ̆r tơmam soi kơ Kră Yang 'Bok Kei-Dei ôh.

Lêwi 21:21

Ưh kơ đei bu lăm kon drŏ-nglo Arôn 'bok soi tơm đei tơdrong jĭ jăn lăm akâu sư ưh kơ gơh năm jê̆ wă pơyơ̆r tơmam soi 'buh ăn kơ Kră Yang; tơdah đei jĭ jăn lăm akâu ưh kơ gơh năm jê̆ wă pơyơ̆r 'bĕng tơmam soi kơ Kră Yang 'Bok Kei-Dei sư.

Lêwi 21:6

Lu sư athei arih 'lơ̆ng rơgoh kơ Kră Yang 'Bok Kei-Dei, 'nĕ kơ pơm mơgrĭ kơ Anăn Kră Yang 'Bok Kei-Dei lu sư; yua kơ lu sư pơyơ̆r kơ Kră Yang dôm tơmam pơyơ̆r soh hăm ŭnh, wă khan pơyơ̆r 'bĕng tơmam sa kơ Kră Yang, yua kơ noh lu sư jing 'lơ̆ng rơgoh.

Lêwi 21:8

Thoi noh ih athei lăng jô̆ sư 'lơ̆ng rơgoh, yua kơ sư pơyơ̆r 'bĕng tơmam sa kơ Kră Yang 'Bok Kei-Dei ih. Sư jing rơgoh 'lơ̆ng kơ Inh; yua kơ Inh Kră Yang 'lơ̆ng rơgoh. Tơ'ngla mă pơm kơ lu iĕm jing rơgoh 'lơ̆ng.

Am 5:22

Mă khan iĕm pơyơ̆r kơ inh dôm tơmam soi phe 'ba, dah tơmam soi 'buh, inh ưh kơ iŏk ôh; Inh ưh kơ wă lăng ôh dôm lu tơmam soi bơnê hăm rơmo bek đơ̆ng lu iĕm.

Malachi 2:13

Lu iĕm kư̆m oei pơm tơdrong âu: Lu iĕm nhơ̆m hmoi, hơdrĭ hơdrôi, đak măt lĕch gom lê̆ gơ'bang soi Kră Yang, Sư ưh pă iŏk boih tơmam soi lu iĕm păng kư̆m ưh pă lăp đon iŏk tơmam pơyơ̆r đơ̆ng ti lu iĕm.

Jo 19:11

Bơngai bu mă jê̆ hơtŭt kơ akâu bơngai lôch bơngai noh jing 'mê̆ lăm tơpơh năr.

Jo 28:2

Tơtă bĕ tơdrong 'nâu hăm lu kon pơlei Isơrael păng khan: Ăn lu iĕm kơchăng jah pơyơ̆r kơ Inh tơmam sa kiơ̆ trŏ kơ đêl nơ̆r Inh tơtă, pơyơ̆r kơ Inh noh tơmam soi 'buh na 'bâu phu truh tơ Inh.

Jo 4:7

Păng kư̆m lơ̆k minh blah che dreng plĕnh tơ kơpal gơ'bang dan 'bĕng pơyơ̆r ăn kơ Kră Yang 'Bok Kei-Dei, tơ kơpal gơ'bang đe dan pơnhan chhĕr, pơnhan tô, pơnhan iĕ, kơthao păng 'bĭnh wă mong tơmam huch sa. 'Bĕng athei đei tơ noh ling-lang.

Yo 6:51

Inh boih tơmam sa arih kơ kon bơngai mă jur đơ̆ng plĕnh; bơngai bu sa tơmam sa âu sư gô arih ling-lang. Tơmam sa mă Inh ăn noh wă khan sĕch akar Inh ăn kơ kon bơngai arih.”

Both 26:14

Lăm năr ơh kơ bơngai lôch, inh ưh kơ sa tơmam 'lơ̆ng rơgoh 'nâu; kơplah 'mê̆-'mach inh kư̆m ưh kơ hơtŭt 'bơm păng kư̆m ưh kơ yua tơmam âu yua kơ bơngai lôch; inh chu kiơ̆ nơ̆r Kră Yang 'Bok Kei-Dei inh păng pơm kiơ̆ dôm tơdrong Ih hlôi pơkă khan kơ inh.