Hôsia 9:2 - Sơ̆p Hlabơar Nơ̆r 'Bok Kei-Dei

² Anih preh 'ba păng hơlŭng chơpĕt đak hơmu ưh kơ đei rong lu sư ôh; sik plei hơmu 'nao lu sư gô ưh kơmah.

Hôsia 9:2 Iomraidhean Croise

Bl 50:10

Kơplah truh tơ anih juă 'ba Atat, pah to đak Krong Jôrđăn, na lu sư akŭm hmoi sơ'ngon tih dêh tơ noh. Tơ noh Jôsep pơdong 'bă sư lăm tơpơh năr.

Hôsia 2:11

Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.

Hôsia 2:12

Inh gô pơrăm lê̆ lu tơm 'long hơra păng tơm 'long hơmu sư, noh sư khan: 'Nâu tơdrong apah đơ̆ng lu pơyô inh ăn kơ inh. Inh gô ăn kơ lu 'long sa plei gô jing thoi bri, păng lu sem bri gô sa.

Hôsia 2:9

Thoi noh Inh gô pơdrâu iŏk phe 'ba Inh lăm bơyan kĕch, păng sik hơmu 'nao Inh lăm bơyan phĕ sư Inh pơdrâu iŏk che sŏk triu, păng che brai se mă sư yua pĕng akâu hoh sư.

Am 5:11

Yua kơ lu iĕm pơjuă lu bơngai dơnuh răm păng pơgŏ lu sư rai ăn 'ba mi, mă khan lu iĕm đei pơm boih lu hnam man păng tơmo iĕm kư̆m ưh kơ gơh oei ôh. Lu iĕm đei pơtăm boih pơgar hơmu đei plei 'ngam mă-lei kư̆m ưh kơ đei huch đak sik sư ôh.

Hagai 1:9

‘Lu iĕm pơtăm lơ mă-lei đei iŏk tŏ sĕt lu iĕm chĕp ba tơ hnam, na Inh dơhlu tŏk tơ kơpal.’ Kră Yang Tih Hloh khan: ‘Noh yua kơ kiơ? Noh yua kơ đơ̆ng hnam Inh jing juơ rơhiăng na lu iĕm băt kơ pơm hnam iĕm kơdih.

Hagai 2:16

Lu iĕm khan yuă 'ba âu minh pôi 'ba trŏ kơ 'bar-jĭt hnŏng, mă-lei lăp mơjĭt hnŏng đĕch păng hmĕt đak tơdrô ngeh tơ pơđăm-jĭt kơthŭng ră mă-lei lăp 'bar-jĭt hnŏng đĕch.