Hôsia 9:12 - Sơ̆p Hlabơar Nơ̆r 'Bok Kei-Dei

¹² Mă khan lu sư 'me rong lu kon hơ'lơ̆p, Inh gô pơlôch lê̆ đĭ-đăng pă đei bu oei arih dơ̆ng. Răm-'băm dêh kơ lu sư. Mưh inh achăng lê̆ lu sư!

Hôsia 9:12 Iomraidhean Croise

II Pot 17:18

Yua kơ thoi noh Kră Yang hil mĭl dêh kơ lu bơngai Isơrael, puh tơweh lu sư đơ̆ng anăp Kră Yang ưh pă đei bu dơ̆ng oei pă khŭl Juđa đĕch bơih.

II Pot 17:23

dĭng mah Kră Yang puh tơweh lê̆ lu sư đơ̆ng anăp Kră Yang thoi Sư hlôi yua 'bơ̆r lu đĭch đam Sư bơngai khan lê̆ adrol đei khan lê̆ bơih. Thoi noh na lu đe Isơrael, Kră Yang puh tơweh lu sư đơ̆ng dêh sư kơdih, phak lu sư tơ dêh Asiri dĭng truh tơ dang ei.

Jop 27:14

Kon sâu lu sư rai lơ kơdrơ̆m kư̆m gô pơ̆k lôch yua kơ đao gưm. Adrĕch adrung lu sư ưh kơ đei sa phĭ mah.

Je 15:7

Inh gô um pơliĕng lu sư hăm kial 'bơ̆t lu 'măng jang pơlei lăm teh âu, Inh gô săi lê̆ lu sư tơ jơ̆p kơ pơlei, Inh gô pơrăm lê̆ kon pơlei pơla Inh, yua kơ lu sư ưh kơ weh đơ̆ng trong yoch, na wih tơ Inh.

Je 6:8

Ơ pơlei Jêrusalem mơ̆ng bĕ nơ̆r chrih bơtho, kơnh Inh achăng lê̆ iĕm, Kơnh pơm ăn kơ iĕm jing bri juơ, ưh kơ đei bu oei.

Nhom 2:20

Ơ Kră Yang, apinh Ih lăng lăng! Ih tam đei pơm kơ bu thoi noh? Drŏ-kăn hăm trŏ kơ sư plei đơ̆ng lăm klak sư kơdih, wă khan lu kon hơ'lơ̆p mă oei pôk lăm ti sư hă? Bơngai khan lê̆ adrol hăm 'bok soi, hăm trŏ đe pơlôch lăm anih Kră Yang?

Nhom 2:22

Ih ăn tơdrong hli krưp truh tăp dăr kơ inh, Thoi Ih pơtơm bơngai wă năm sŏng sa tih. Lăm năr Kră Yang hil, ưh kơ đei bu klaih hlôi, kư̆m ưh kơ đei bu arih. Dôm lu bơngai mă inh đei pôk kơ'mĭn păng 'me rong, Linh ayăt pơlôch pơrăm đĭ boih.

Hôsia 7:13

Răm-'băm dêh kơ lu sư yua kơ lu sư tơklah ataih đơ̆ng Inh; Inh gô pơrăm lu sư yua kơ lu sư pơm yoch boih hăm Inh. Mă khan Inh wă dêh ră pơklaih lu sư, mă-lei lu sư pơma hơlĕnh kơ Inh.

Hôsia 9:13

Lu bơngai Êphraim thoi inh đei rơih boih plei đe pơtăm boih lăm teh jing 'lơ̆ng thoi Tir. Mă-lei bơngai Êphraim gô chông anhăk ba kon sâu lu sư tơ anih đe pơlôch pơrăm.

Hôsia 9:16

Inh ăn kơ rơh Êphraim, kro boih, lu sư ưh pă đei plei dơ̆ng boih, mă khan lu sư pơjing kon hơ'lơ̆p, Inh gô pơlôch lê̆ đĭ kon lu sư mă 'mêm kơeng đơ̆ng blu pôih.

Malachi 2:12

Mă lu bơngai đei pơm tơdrong noh, mă lu bơngai oei hơđơ̆r, dah lu bơngai drơ̆ng nơ̆r, dah lu bơngai pơyơ̆r tơmam soi kơ Kră Yang Tih Hloh, Kră Yang gô chơ̆ng hŭt lê̆ lu sư đơ̆ng hnam Jakôp.

Jo 14:34

Lu iĕm gô yak dăr lăng hơdôm năr wă khan puăn-jĭt năr păng lu iĕm gô pŭ iŏk tơdrong phak đơ̆ng yoch lu iĕm kơdih dôm yơ, wă khan puăn-jĭt sơnăm, minh sơnăm jô̆ thoi minh năr; kơplah noh lu iĕm băt boih kơ Inh achăng lê̆ iĕm.

Jo 26:65

Yua kơ Kră Yang đei khan boih gah lu bơngai noh thoi âu: Lu sư gô lôch lăm char glă ưh kơ đei bu oei arih, lăp bre Kalep kon drŏ-nglo Jêphunê păng Jôsuê kon drŏ-nglo Nun đĕch oei arih.

Both 28:18

Đe gô hiap iĕm ưh kơ đei kon hơ'lơ̆p lăm chŭn mir iĕm ưh kơ đei hơnik hơnam rơmo triu bơbe iĕm ưh kơ tuh kon.

Both 28:32

Lu kon drŏ-nglo păng kon drŏ-kăn iĕm đe gô rôp jao ăn kơ lu bơngai tơmoi măt iĕm lăng chang gô năr âu truh tơ năr nai, mă-lei lu iĕm tôch kơ đon ưh pă băt wă pơm kiơ.

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?

Both 32:25

Tơ rok trong tih, đei đao gưm pơlôch lu sư, tơ lăm hnam đei tơdrong hli tơrơ ling-lang Tơdăm, adruh, bơngai kră păng lu kon nge gô lôch răm đĭ.

Lu 4:16

Barak druh kiơ̆ gre aseh păng khŭl linh dĭng truh tơ Harôsêt Hagôim păng đĭ-đăng lu linh Sisêra đe pơlôch hăm đao gưm ưh pă đei lê̆ minh 'nu bơngai bu.

I Sam 16:14

Yang Bơhngol 'Lơ̆ng Kră Yang lĕch đơ̆ng Sôl; Kră Yang wơh minh 'nu yang kơnê̆ pơm kơ đon sư hơwơ̆l hơwang hli tơrơ.