Hôsia 9:10 - Sơ̆p Hlabơar Nơ̆r 'Bok Kei-Dei

¹⁰ Lăp Inh 'bôh boih khŭl Isơrael, lu sư thoi hơie plei hơmu tơ lăm char glă. Lăp Inh 'bôh boih 'bok lu iĕm lu sư thoi plei hơra đum blŭng-a lăm bơyan plei; mă-lei lăp lu sư năm mơ̆t boih lăm anih Baal Pêôr; lu sư jao lu sư kơdih kơ rup yang Baal mơlâu kơdơ̆, na lu sư jing tơmam mă Kră Yang 'Bok Kei-Dei hil areh thoi rup yang lu sư mă lu sư 'mêm.

Hôsia 9:10 Iomraidhean Croise

I Pot 16:31

Sư lăng pơm yoch rok thoi Jêrôbôam kon drŏ-nglo Nêbat iĕ đĕch, sư iŏk Jêsebel kon drŏ-kăn Êtbaal pơtao đe Siđôn pơm akăn; sư bơ̆jang kơ yang Baal păng kơkuh kơ yang 'noh.

II Pot 17:11

Tơ noh lu sư soh pơyơ̆r tơmam soi kơpal kông, thoi lu adrĕch adrung mă Kră Yang đei puh tơweh boih đơ̆ng lu sư; lu sư pơm kơnê̆ păng tơblĕk Kră Yang.

Horiso 115:8

Dôm lu bơngai pơm rup yang; păng gơnang kơ sư, Tă kơ lei-lăi thoi sư ngăl.

Horiso 81:12

Thoi noh, Inh achăng lê̆ lu sư pơm kiơ̆ kơ jơhngơ̆m arăng kơ chu lu sư. Kiơ̆ kơ tơdrong lu sư chă đon kơdih.

Hơri Hiôk 3:6

Bơngai bu lĕch đơ̆ng char glă to noh, Dơhmôl thoi jrăng 'nhui Bluh hơyuh 'bâu phu. Hăm tôm tơdrong 'bâu phu đơ̆ng kơ lu bơngai mơdro tĕch?

Êsai 28:4

Pơkao 'lơ̆ng 'bônh kơ jô hŏnh, Tơdrong ư-ang 'lơ̆ng rŏ sư oei tơ kơ̆l groi anih thŭng teh mơ̆r, kư̆m gô nhen thoi plei hơra đum adrol kơ bơyan phang, đe 'bôh plei sư, ti đe phĕ sa hloi.

Je 11:13

Lu iĕm đei rup yang lơ dêh thoi iĕm đei pơlei, ơ bơngai Juđa; lu chơnang soi pơm kơ lu iĕm mơlâu, mă lu iĕm pơdơ̆ng anih boih wă soh 'long 'bâu phu kơ yang Baal lơ nhen thoi trong glung lăm pơlei Jêrusalem!”

Je 24:2

Minh pôm bai tah lu plei hơra 'lơ̆ng thoi plei đum blŭng-a lăm bơyan, bai mă minh pôm noh dơ̆ng tah plei hơra kơnê̆ ngăl, ưh pă gơh sa boih.

Je 3:24

Đơ̆ng lu nhôn oei 'lơ̆p, tơdrong mơlâu sa pơrăm lê̆ đĭ, dôm tơdrong jang đei đơ̆ng 'bok yă lu nhôn, lu triu, rơmo, kon drŏ-nglo, kon drŏ-kăn lu sư.

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 31:2

Kră Yang khan: “Minh adrĕch adrung klaih đơ̆ng đao gưm đei boih pŭn hiôk lăm char glă, kơplah Inh ăn kơ lu bơngai Isơrael pơdơh hiôk-hian.”

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Êsêkiên 20:8

Mă-lei lu sư oei blah Inh, ưh kơ wă mơ̆ng Inh, ưh kơ hŭt lê̆ rup yang kơnê̆ krưp mă măt lu sư 'maih lăng; kư̆m ưh kơ hŭt lê̆ lu rup yang Êyiptơ. Yua kơ thoi noh Inh khan Inh gô tuh tơdrong Inh hil tơ lu sư, wă kơ hrăp tơdrong Inh blĕk kơ lu sư tơ lăm char Êyiptơ.

Hôsia 11:1

Kơplah Isơrael oei 'lơ̆p, Inh 'mêm dêh kơ lu sư, păng Inh krao kon drŏ-nglo Inh lĕch đơ̆ng dêh char Êyiptơ.

Hôsia 13:5

Inh boih wei rong iĕm lăm char glă păng anih hrĕng kro sơ̆.

Hôsia 2:15

Inh gô pơdrâu kơ sư pơgar hơmu dơ̆ng, păng ăn thŭng Akôra jing 'măng tơdrong chang hơmĕng sư gô drơ̆ng Inh thoi năr sư oei hơmuh hơmŏng, păng kư̆m nhen thoi năr sư 'nao lĕch đơ̆ng Êyiptơ sơ̆.”

Hôsia 4:14

Inh ưh kơ phak lu kon adruh iĕm yua kơ yoch pơm pơyô, kư̆m ưh kơ phak lu mŏ mai iĕm yua kơ yoch ngôi hăm đe nai; yua kơ lu drŏ-nglo iĕm kư̆m ngôi kư̆ kă hăm lu drŏ-kăn đi, păng pơyơ̆r tơmam soi hăm lu bơngai drŏ-kăn kư̆ kă. Thoi noh lu kon pơlei ưh kơ hlôh gô hiong răm.

Hôsia 4:18

Wă sik lu sư đĭ boih, lu sư oei pơm pơyô kư̆ kă; lu kră pơgơ̆r lu sư lăp đon pơm tơdrong mơlâu.

Am 4:5

Soh bĕ tơmam soi đei 'buih. Roi tơbăt dôm tơmam soi pơyơ̆r hăm jơhngơ̆m hiôk; roi pơư bĕ wă kơ bơngai lăm teh đak băt; Ơ kon sâu bơngai Isơrael, lu iĕm oei 'maih wă kơ pơm tơdrong noh, Kră Yang khan thoi noh.

Mi 7:1

Răm-'băm tơpă kơ inh! Yua kơ ih thoi plei bơyan phang đe phĕ iŏk boih. Thoi plei hơmu đe chă dônh pơpôi đêl đe phĕ boih, ưh kơ đei minh hơie hơmu ayơ wă sa, plei hơra blŭng-a mă jơhngơ̆m inh hơpơi wă kư̆m ưh kơ đei.

Jo 15:39

lu iĕm athei đei sĭt reng noh tơ hơbĕn dah ao, mưh iĕm lăng 'bôh reng noh lu iĕm gô 'blŏk kơ dôm khôi juăt nơ̆r Kră Yang tơtă păng pơm kiơ̆, ưh kơ kiơ̆ jơhngơ̆m lăp măt lăng, ngăl pơm kơ iĕm pơm yoch ngôi kư̆ kă.

Jo 18:13

Dôm tơmam plei 'long sa mă đơ̆ng teh, plei blŭng-a bơngai Isơrael pơyơ̆r kơ Kră Yang boih, noh 'măn kơ ih ngăl; hăm bơngai bu lăm hnam ih mă 'lơ̆ng rơgoh gơh sa.

Rom 6:21

Tơdrong iĕm pơm yoch sơ̆ ưh kơ đei tơgŭm iĕm minh tơdrong kiơ ôh. Dang ei iĕm băt mơlâu kơ tơdrong yoch iĕm sơ̆ boih; tơdrong bơ̆n pơm yoch bơ̆n gô lôch hiong đĕch.

Both 32:10

Kră Yang chă 'bôh lu kon pơlei Sư tơ lăm char glă. Tơ lăm bri brah đei nơ̆r ôr krao Kră Yang wei rong lu sư, bơwei lu sư wei thoi kon-ngai lăm măt Sư.

Both 32:17

Lu sư pơyơ̆r tơmam soi kơ lu yang kơnê̆, ưh kơ trŏ kơ Kră Yang 'Bok Kei-Dei ôh. Kơkuh kơ yang mă lu sư ưh kơ tam lah băt, Yang đơ̆ng ataih 'nao truh. Mă 'bok lu sư ưh kơ hli yom.

Both 4:3

Măt lu iĕm hlôi 'bôh boih dôm tơdrong Kră Yang pơm tơ Baal Pêôr. Kră Yang 'Bok Kei-Dei lu iĕm đei pơlôch pơrăm đĭ lu bơngai lui kiơ̆ Baal Pêôr đơ̆ng lăm lu iĕm.

Lu 6:32

Thoi noh lăm năr noh đe krao Giđêôn Jêrup Baal, yua kơ đêl khan, thôi lê̆ kơ yang Baal tơblah hăm 'bok noh. Yua kơ Giđêôn đei pơrăm boih chơnang soi sư!