Hôsia 9:1 - Sơ̆p Hlabơar Nơ̆r 'Bok Kei-Dei

¹ 'Nĕ kơ chhôk hal. Ơ bơngai Isơrael! 'Nĕ kơ chơt hiôk dêh thoi adrĕch adrung nai! Ih achăng lê̆ boih Kră Yang 'Bok Kei-Dei lu iĕm. Păng pơm kơnê̆, pơm pơyô kư̆ kă boih, Lăp đon boih iŏk drŏ-kăn đi tơ jơ̆p-jang anih preh 'ba.

Hôsia 9:1 Iomraidhean Croise

Horiso 73:27

To lu bơngai ataih đơ̆ng Ih gô hiong răm; Ih gô pơrăm lê̆ lu bơngai kuă kơ chu Ih.

Êsai 17:11

Mă khan ih pơtăm, ih wei jing 'lơ̆ng ră, kiơ̆ pơgê pơm kơ sư arih đei pơkao kiơ̆ pơgê. Mă-lei lăm năr pơmat-tat jĭ jăn ưh kơ gơh klaih mă đei phĕ plei ưh kơđei yua kiơ ôh!

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 2:20

“Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

Je 44:17

Mă-lei lu nhôn gô pơm keh dôm nơ̆r lu nhôn pơkă boih, lu nhôn gô soh nhang 'bâu phu kơ Pơtao Drŏ-kăn kơpal Plĕnh păng tuh sik pơyơ̆r ăn kơ sư, thoi lu nhôn đei pơm boih, lu 'bok yă lu nhôn, lu pơtao nhôn, lu yŏng pơgơ̆r lu nhôn lăm lu pơlei lăm dêh char Juđa păng tơ rok trong lăm pơlei tih Jêrusalem; kơplah noh lu nhôn đei tơmam sa phĭ rơkah rơkai, jang sa hiôk-hian ưh kơ đei tơdrong kiơ truh.

Nhom 4:21

Ơ kon adruh Eđôm, oei lăm teh đak Us. Hiôk chơt 'nă hal bĕ. Kơchŏk kư̆m gô jao truh tơ e, E gô huch suai oei akâu hoh.

Êsêkiên 16:15

Mă-lei ih gơnang kơ tơdrong 'lơ̆ng liĕm kơdih akâu, yua kơ tơdrong đe ư-ang kơ ih, na ih jing pơm pơyô kư̆ kă chă pơjao akâu kơdih 'bĭch hăm lu bơngai chă năm rok brih găn.

Êsêkiên 16:30

Kră Yang Tih Hloh khan: Liơ jơhngơ̆m ih 'maih dêh ưh kơ kĕ kơ gơ̆t, ih đei pơm dôm tơdrong noh, ih pơm pơyô kư̆ kă thoi bơngai đi pă hrơ.

Êsêkiên 20:32

Lu iĕm khan: Lu nhôn wă gô kơkuh kơ 'long păng tơmo, kiơ̆ thoi adrĕch adrung lu dêh char âu. Tơdrong lu iĕm tơchĕng lăm đon tơdrong noh ưh kơ đei truh ôh,

Êsêkiên 21:10

Noh wă koh pơlôch, pat han wă koh pơlôch; iel rang thoi kơmlat, bơ̆n hăm hiôk dah ưh? Iĕm lăng pơhơi dêh kơ 'long jra pơtao, kon drŏ-nglo Inh păng lu 'long sơnguĕt sư.

Hôsia 10:5

Lu kon pơlei oei lăm char Kon pơlei Samari hli, yua kơ rup yang kon rơmo Bêt Awen hiong boih, kon pơlei ơh sơ'ngon yua rup yang noh, păng lu 'bok soi kư̆m nhơ̆m ơh 'mêm kơ rup kon rơmo 'lơ̆ng rŏ noh, yua kơ rup yang noh ưh pă đei boih.

Hôsia 2:12

Inh gô pơrăm lê̆ lu tơm 'long hơra păng tơm 'long hơmu sư, noh sư khan: 'Nâu tơdrong apah đơ̆ng lu pơyô inh ăn kơ inh. Inh gô ăn kơ lu 'long sa plei gô jing thoi bri, păng lu sem bri gô sa.

Hôsia 4:12

Kon pơlei Inh apinh yang rup pơm păng 'long, na 'long jra gô tơl lu sư; yua kơ jơhngơ̆m 'maih pơm kư̆ kă jing pơm kơ lu sư achăng lê̆ Kră Yang 'Bok Kei-Dei lu sư 'maih wă pơm pơyô kư̆ kă.

Hôsia 5:4

Tơdrong kơnê̆ lu sư pơm ưh kơ ăn lu sư wih tơ Kră Yang 'Bok Kei-Dei lu sư ôh. Yua kơ lu sư tơchĕng 'maih ngôi pơyô kư̆ kă. Lu sư jing ưh kơ băt kơ Kră Yang.

Hôsia 5:7

Lu sư oei arih sa ưh kơ tơpăt ôh hăm Kră Yang. Lu sư pŭ kon pôm đơ̆ng pơm pơyô kư̆ kă. Giĕng Khei 'Nao gô pơrăm sa pơđĭ lu sư lu sư hăm dêh char lu sư.

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Am 4:5

Soh bĕ tơmam soi đei 'buih. Roi tơbăt dôm tơmam soi pơyơ̆r hăm jơhngơ̆m hiôk; roi pơư bĕ wă kơ bơngai lăm teh đak băt; Ơ kon sâu bơngai Isơrael, lu iĕm oei 'maih wă kơ pơm tơdrong noh, Kră Yang khan thoi noh.

Am 6:13

Lu iĕm bơngai mă chơt hiôk đei blah iŏk pơlei Lôdêbar,a păng khan: Lu nhôn yua jơhngơ̆m pran kơdih na đei iŏk boih pơlei Kanaim;b

Am 8:10

Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.

Ya 4:16

Mă-lei iĕm pơma thoi noh hei ưh kơ trŏ boih, noh dang iĕm wă pơang akâu iĕm kơdih đĕch, iĕm ưh kơ tơchĕng ôh kơ tơdrong 'Bok Kei-Dei ăn kơ iĕm arih. Tôm tơdrong kiơ iĕm kư̆ kơ pơma lê̆ hơdrol, noh iĕm yoch boih.

Ya 5:1

Ơ lu bơngai mơdrŏng, mơ̆ng bĕ. Trŏ kơ iĕm nhơ̆m hmoi bĕ, mă iĕm nhơ̆m hmoi lê̆ hơdrol lăp boih, yua kơ dôm tơdrong gleh pơmat wă truh kơ iĕm.