Hôsia 8:9 - Sơ̆p Hlabơar Nơ̆r 'Bok Kei-Dei

⁹ Lu sư tŏk boih tơ dêh Asiri, thoi minh pôm aseh iĕ bri chă hoang hơdrô̆; lu bơngai Êphraim tĕch lu sư boih tơ lu bơngai pơm pơyô kư̆ kă mă lu sư hưch.

Hôsia 8:9 Iomraidhean Croise

II Pot 15:19

Pul, pơtao đe Asiri mơ̆t tơgar dêh char sư, na Mênahem ăn kơ 'bok ei minh-rơbâu talâng jên hua wă kơ 'bok ei tơgŭm pơm ăn kơ dêh char sư kơjăp lăm tơdrong sư pơgơ̆r.

Êsai 30:2

Lu sư ưh tam mă apinh Inh, mă đĭ jur năm bơih tơ dêh char Êyiptơ, wă gơnang kơ Pharaôn bơwei dŏng lu sư, păng kơ'nơp lăm yơ̆p Êyiptơ!

Êsai 30:6

Nơ̆r khan lê̆ adrol gah lu sem bri brah tơ Negeu. Lăm dêh anat anot pơmat-tat, dêh char lu dăm-brang tơno, dăm-brang akăn, 'bih bôm, 'bih ŭnh păr. Lu sư chơ mŭk tơmam lu sư tơ kơpal aseh iĕ, chơ tơmam gĭt tơ kơdŭ aseh lăk-đa, wă ăn tơ minh adrĕch adrung mă ưh kơ đei yua kiơ kơ lu sư.

Je 2:24

thoi aseh bri akăn juăt kơ tơ anih glă, chă 'bâu hiup tơno. Bu kĕ găn kơplah sư oei chhônh? Lu tơno ưh kơ ngĕ chơchă ôh truh bơyan sư gô đei tơ'bơ̆p akăn noh.

Hôsia 12:1

Êphraim 'me sư kơdih hăm kial, kơdâu kiơ̆ kial đơ̆ng gah hơlĕch rim năr, lu sư pơma hơlĕnh roi dêh păng pơm rai lơ tơdrong kơnê̆; lu sư pơgơ̆p hăm char Asiri păng chĕp ba đak rơmă ôliwơ tơ char Êyiptơ.

Hôsia 12:2

Kră Yang kư̆m đei pơma chrih kơ adrĕch Juđa, păng Sư gô phak Jakôp kiơ̆ thoi kơ trong sư yak năm; Kră Yang gô pơm tơwih kơ lu sư kiơ̆ thoi tơdrong lu sư pơm.

Hôsia 2:10

Inh gô pơdah tơdrong mơlâu sư, 'bơ̆t anăp lu pơyô sư, păng ưh kơ đei bu dŏng pơklaih sư đơ̆ng ti Inh.

Hôsia 5:13

Lăp lu bơngai Êphraim 'bôh tơdrong jĭ lu sư, păng Juđa kư̆m 'bôh boih rơka lu sư, kơplah noh Êphraim năm tơ char Asiri, păng năm apinh pơtao tơm Jarep tơgŭm. Mă-lei sư ưh kơ gơh pơklaih lu iĕm ôh, păng kư̆m ưh kơ gơh ming hơmet rơka lu iĕm mơ̆n.

Hôsia 7:11

Êphraim thoi sem kơtơp kơwao, ưh kơ đei đon băt hlôh, lu sư krao apinh char Êyiptơ, năm tơ char Asiri.