Hôsia 8:1 - Sơ̆p Hlabơar Nơ̆r 'Bok Kei-Dei

¹ Dan bĕ tơgiĕp 'bơ̆t 'bơ̆r ih! Lu ayăt thoi sem grơ̆ năm blah bơngai Kră Yang, yua kơ kon pơlei pơm glăi boih kơ đêl nơ̆r pơgơ̆p, păng pơm yoch kơ tơdrong juăt Inh.

Hôsia 8:1 Iomraidhean Croise

II Pot 18:27

Mă-lei Rapsaka tơl khan: “Hăm trŏ kơ yŏng tơ'ngla inh wơh inh năm tơ âu wă pơma hăm yŏng tơ'ngla iĕm păng hăm iĕm đĕch, na ưh kơ pơma hăm lu bơngai mă oei dơ̆ng kơpal dur lu bơngai mă gô sa ĭch nhă đak hơyô kơdih thoi lu iĕm noh hă?”

Êsai 18:3

Ơ đĭ-đăng kon pơlei pơla lăm teh đak oei kơpal teh kơplah đe pơdơ̆ng hla-kơ kơpal kông iĕm gô lăng 'bôh mưh đe hlôm tơgiĕp iĕm gô kơtơ̆ng.

Êsai 24:5

Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Je 31:32

Nơ̆r pơgơ̆p 'nâu ưh kơ trŏ thoi nơ̆r pơgơ̆p Inh hăm lu 'bok yă lu sư lăm năr mă Inh rôp ti dui tơlĕch lu sư đơ̆ng char Êyiptơ sơ̆, yua kơ lu sư pơrăm lê̆ boih tơdrong pơgơ̆p Inh, mă Inh thoi klo lu sư ră.” Noh Kră Yang khan.

Je 34:18

Lu bơngai mă đei pơm yoch hăm nơ̆r pơgơ̆p Inh, ưh kơ kiơ̆ dôm nơ̆r pơgơ̆p mă lu sư đei pơkă boih 'bơ̆t anăp Inh, Inh gô ăn kơ lu sư thoi kon rơmo blah phơ̆ tŏk-bŏk, na yak rok sơlam 'bar pah 'nhĕm noh;

Je 4:13

'Nâu, Sư truh thoi hơmơ̆l, gre aseh sư thoi kial hơbŭt, aseh sư kơdâu kuăng hloh kơ klang. Răm-'băm tơpă kơ lu bơ̆n, lôch răm đĭ!

Je 4:5

“Roi tơbăt bĕ tơ lăm dêh char Juđa păng lăm pơlei Jêrusalem khan: ‘Hlôm bĕ keng tơ jơ̆p lăm char.’ Krao ôr mă kơtang păng khan: ‘Akŭm băl bĕ. Bĕ bơ̆n năm mơ̆t tơ lăm lu pơlei kơjăp.’

Je 48:40

Kră Yang khan: “To, minh 'nu ayăt gô păr jruh thoi klang, bơyar pơnăr sư pơm kơ char Môap.

Je 49:22

'Nâu, lu ayăt thoi sem klang păr jruh, Bơyar pơnăr sư pơm kơ pơlei Bôsra, Lăm năr noh jơhngơ̆m lu drŏ-nglo nuih pran char Eđôm nhen thoi jơhngơ̆m bơngai drŏ-kăn oei tŏk-bŏk hơiơch.”

Je 51:27

Hơtol bĕ hla-kơ tơ lăm lu teh đak; hlôm bĕ tơgiĕp tơ jơ̆p kơ dêh char; Hơmet dêh char năm blah sư, Krao pơtơm bĕ lu dêh char Ararat, Mini păng Askenas năm blah sư. Pôk pơjing bĕ yŏng linh! Chông ba bĕ aseh mă lơ năm blah thoi lep tung-nut jơ̆p kơ teh.

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Êsêkiên 11:4

Thoi noh khan lê̆ adrol bĕ wă blah lu sư, ơ kon bơngai khan lê̆ adrol bĕ.”

Êsêkiên 16:59

'Nâu Kră Yang Tih Hloh khan thoi âu: Inh gô pơm kơ ih kiơ̆ thoi tơdrong ih đei pơm, yua kơ ih tŭk lê̆ nơ̆r pơkă hăm hŭt lê̆ tơdrong pơgơ̆p Inh,

Êsêkiên 17:3

Ih athei khan: ‘Kră Yang Tih Hloh khan: Đei klang tih, pơnăr să, sŏk pơnăr kơjung, sŏk hơ'bơ̆l đei sŏk dreng jơk, sem păr truh tơ char Liban. Sư kơchâu iŏk kơnhŏng 'long hơngo.

Êsêkiên 7:14

Mă lu sư hlôm keng boih păng tôm tơdrong hơmet lê̆ bơih, mă-lei ưh kơ đei bu lĕch năm tơblah yua kơ tơdrong Inh hil tuh tơ kơpal đĭ-đăng lu sư bơih.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Hôsia 5:8

Hlôm keng bĕ tơ pơlei Gibêah, Hlôm tơgiĕp tơ pơlei Rama. Ôr bĕ đei lu ayăt tơ pơlei Bêt Awen, ‘Ơ Bênjamin, nhôn tơ gah rŏng ih âu!

Hôsia 6:7

Mă-lei thoi Ađam,a lu sư pơm glăi boih kơ đêl nơ̆r pơkă pơgơ̆p, thoi noh lu sư pă tơpăt boih kơ Inh.

Hôsia 9:15

Đĭ-đăng tơdrong kơnê̆, tơdrong yoch lu sư pơdah boih tơ pơlei Gilgal, Inh đei hil kơ lu sư boih. Yua kơ tơdrong kơnê̆ lu sư pơm Inh gô pơpuh lê̆ lu sư đơ̆ng hnam Inh. Inh ưh pă 'mêm kơ lu sư dơ̆ng, đĭ-đăng lu yŏng sư kư̆m gô ayăt kơ Inh.

Jôel 2:1

Hlôm bĕ keng tơ lăm pơlei Siôn, hlôm tơgiĕp krao bĕ wă kơ đe kơchăng tơ kông rơgoh Inh! Đĭ-đăng kon pơlei hli tơtơ̆ bĕ, yua kơ wă jê̆ truh năr Kră Yang wă phak. Tơpă năr Kră Yang wă jê̆ truh.

Jôel 2:15

Hlôm bĕ keng lăm pơlei Siôn; athei hơmet pơkă ơ̆t kơ sŏng sa, krao akŭm tơpôl lơ!

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Am 8:3

Lăm năr noh, dôm lu tơdrong hơri lăm hnam pơtao gô jing nơ̆r nhơ̆m hmoi Kră Yang khan. Gô đei lơ akâu bơngai lôch đe gô klơ̆m hŭt lê̆ tơ jơ̆p anih hreh tơthĕng.

Am 9:1

Inh 'bôh Kră Yang dơ̆ng jê̆ chơnang soi păng khan thoi âu: Teh pơchah lê̆ bĕ lu jrăng tơm, wă kơ lu 'măng pơpơ̆, teh pơhĕch tơ kơpal kơ̆l lu kon pơlei! Lu đe bu mă oei arih lăm lu sư inh gô pơlôch păng đao gưm, ưh kơ đei bu gơh klĕnh, ưh kơ đei minh 'nu bu gơh kơdâu klĕnh klaih hlôi.

Habakuk 1:8

Lu linh aseh sư kơdâu hơbal hloh kơ djrang păng nuih hloh kơ kŏ-so tơ kơmăng. Lu linh aseh sư năm tơ jơ̆p-jang anih hơbĕch hơbal truh đơ̆ng dêh ataih; lu păr hrĕnh thoi sem kring, hăt hot kơ chă sa.

Jêphania 1:16

năr đe hlôm tơgiĕp roi tơbăt tơdrong tơblah hăm lu pơlei tih mă đei dur kơjăp păng tơblah hăm lu hnam thôt kơjung mum pơlei tih.

Sa 11:1

Ơ Liban, pơih bĕ 'măng, wă kơ ŭnh sa pơđĭ 'long dơnơ̆ng ih!

Sa 9:14

Dang ei Kră Yang gô tơ'bôh kơ lu sư, 'brơ̆m sư prah thoi kơmlat; Kră Yang gô hlôm keng păng năm hơdai hăm kial hơbŭt gah gơal,

Mathiơ 24:28

“Bơngai lôch tơ yơ, pă jor grơ̆ gô jur sa tơ ei.

Both 28:49

Kră Yang gô ba minh adrĕch adrung đơ̆ng ataih, đơ̆ng tôch kơ plei teh năm blah lu iĕm, thoi klang păr rôp sa kon sem; iĕm ưh kơ hlôh nơ̆r lu sư pơma ôh.