Hôsia 7:7 - Sơ̆p Hlabơar Nơ̆r 'Bok Kei-Dei

⁷ Đĭ-đăng lu sư tơtŏ thoi tơnuh ŭnh, đơ̆ng noh sa lu kră sek tơlang, đĭ-đăng pơtao lu sư huŏng boih mă-lei ưh kơ đei bu lăm lu sư krao chă Inh.

Hôsia 7:7 Iomraidhean Croise

I Pot 15:28

Sơnăm mă pêng lăm chăl Asa pơm pơtao đe Juđa Baasa pơlôch Nađap păng pơm pơtao pơgơ̆r tơplih hloi.

I Pot 16:18

Lăp Simri 'bôh đe wang tăp dăr kơ pơlei bơih na sư mơ̆t tơ lăm kơđông hnam pơtao mă kơjăp dêh, na sư soh hnam pơtao păng akâu sư lôch hloi lăm noh.

I Pot 16:22

Mă-lei khŭl Ômri pran hloh kơ khŭl kiơ̆ Tipni, kon drŏ-nglo Ginat. Thoi noh Tipni lôch na Ômri pơm pơtao.

II Pot 10:14

Na Jêhu athei lu đam sư: “Năm rôp lu sư, rôp arih.” Đe rôp lu sư, arih, đĭ-đăng puăn-jĭt 'bar 'nu; đơ̆ng noh pơlôch lu sư 'bơ̆t jê̆ đak sơlŭng, Pơlei Bet Êket bơsŭn bơngai wei triu. Sư pă đei rong arih hơya minh 'nu bu.

II Pot 10:7

Lu đe ei đei iŏk kơthơ noh, na rôp hĭ tơpơh-jĭt 'nu kon drŏ-nglo pơtao, pơlôch đĭ, đơ̆ng noh tah lê̆ kơ̆l lu sư lăm bai, ba truh tơ Jêhu tơ Pơlei Jêsreel.

II Pot 15:10

Sallum, kon drŏ-nglo Jabes, chă đon blơ̆ sư, pơlôch sư 'bơ̆t anăp kon pơlei, đơ̆ng noh tŏk pơm pơtao tơplih sư.

II Pot 15:14

Mênahem, kon drŏ-nglo Gađi, oei đơ̆ng pơlei Tirsa tŏk truh tơ Pơlei Samari, blah Sallum, kon drŏ-nglo Jabes lăm pơlei Samari păng pơlôch lê̆ sư, thoi noh, Mênahem tŏk pơm pơtao tơplih sư.

II Pot 15:25

Pêka kon drŏ-nglo Rêmalia, yŏng linh pơtao, chă đon wă pơm kơnê̆ kơ sư, hơdai hăm pơđăm-jĭt 'nu đơ̆ng tơring Gileat, blah kơđông kơjăp tơ Pơlei Samari, pơlôch sư hơdai hăm Argôp, Arie na sư tŏk pơm pơtao tơplih Pêkahia.

II Pot 15:30

Hôsêa kon drŏ-nglo Êlah, chă đon blah Pêka, kon drŏ-nglo Rêmalia păng pơlôch sư đơ̆ng noh tŏk pơm pơtao tơplih sư. 'Blep kơ sơnăm mă 'bar-jĭt, chăl Jôtham kon drŏ-nglo Ussia pơgơ̆r.

II Pot 9:24

Jêhu iŏk hră sư gŭt prah Jôram 'brơ̆m 'bơm 'bơ̆t sơlam 'bar pah hơngiĕng, klĕch jrok tơ plei nuih sư, na sư pơ̆k lôch hloi lăm gre aseh sư.

II Pot 9:33

Sư athei: “Iĕm tơlơ̆ hơtat sư tơ teh jah.” Lu sư tơlơ̆ hơtat hloi yă ei tơ teh, na pham sư tơprah tơ tơnăr hnam, tơ akâu aseh, đơ̆ng noh aseh yak pơjuă akâu sư.

Jop 36:13

Jơhngơ̆m lu bơngai ưh kơ lui răk mong tơdrong hil blĕk Kră Yang phak lu sư Kŭm oei ưh kơ krao apinh dŏng pơklaih.

Horiso 14:4

Hăm trŏ kơ đĭ-đăng lu bơngai pơm kơnê̆, ưh kơ đei đon băt? Na lu sư luăn sa kon pơlei Inh nhen thoi sa 'bĕng. Păng kư̆m ưh kơ đei apinh Kră Yang ôh.

Êsai 43:22

Mă-lei, ơ Jakôp, iĕm ưh kơ krao apinh Inh! Ơ Isơrael iĕm đĭ bơ̆l kơ Inh bơih!

Êsai 64:4

Đơ̆ng sơ̆ đe ưh tam mă băt, đon ưh tam mă kơtơ̆ng, măt ưh tam mă 'bôh Kră Yang nai 'nguaih kơ Sư. Tơ'ngla mă đei pơm ăn bơih kơ lu bơngai mă chang gô Sư noh.

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Êsai 9:13

Thoi noh na lăp minh năr đĕch, Kră Yang gô chơ̆ng lê̆ đơ̆ng Isơrael chơ̆ng kơ̆l păng kiĕng đĭ-đăng 'long gao hăm 'nhĕt gơlăr.

Êsêkiên 22:30

Inh chă lăng minh 'nu bơngai lăm lu sư, wă man pơdơ̆ng ming dur, wă kơ tơplih kơ pơlei, lăm teh đak păng dơ̆ng chĭt bơlôh dur 'bơ̆t anăp Inh, wă kơ Inh huay kơ pơrăm teh đak lu sư; mă-lei Inh chă ưh kơ đei bu.

Da 9:13

Đĭ-đăng tơdrong răm âu truh tơ nhôn thoi đei chih boih tơ lăm khôi juăt Môis; lu nhôn kư̆m ưh kơ đei apinh Kră Yang 'Bok Kei-Dei nhôn, wă kơ lê̆ tơdrong kơnê̆ lu nhôn kơdih păng băt hlôh tơdrong lui kiơ̆ Ih.

Hôsia 13:10

Dang ei tơ yơ pơtao iĕm juăt ngăl dŏng pơklaih iĕm? Tơ yơ đĭ-đăng lu yŏng pơgơ̆r iĕm lăm rim pơlei? Tơ yơ lu yŏng mă lu bơngai iĕm ngăl khan: Ăn kơ lu nhôn đei minh 'nu pơtao păng lu yŏng pơgơ̆r!

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Hôsia 7:10

Tơdrong pơang lu bơngai Isơrael pơdah tơbăt boih 'bơ̆t anăp lu sư kơdih, lu sư đei tơ'bơ̆p dôm tơdrong noh ră, mă-lei lu sư ưh kơ wă wih brŏk tơ Kră Yang 'Bok Kei-Dei lu sư kơdih, păng kư̆m ưh kơ chơchă Kră Yang.

Hôsia 7:14

Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.

Hôsia 8:4

Lu sư pôk boih pơtao kơdih mă ưh kơ trŏ đơ̆ng Inh, lu sư kư̆m rơih iŏk lu bơngai pơgơ̆r mă-lei kư̆m ưh kơ đei pơdrơ̆ng inh. Lu sư iŏk jên hu, maih lu sư man boih rup yang jing tơdrong pơrăm blơ̆ lu sư kơdih.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!