Hôsia 7:12 - Sơ̆p Hlabơar Nơ̆r 'Bok Kei-Dei

¹² Kơplah lu sư năm tơ noh Inh gô dăng kơ lu sư hơnhuăl, Inh gô pơm kơ lu sư hrơ̆p hơnhuăl thoi lu sem păr; Inh gô phak lu sư kiơ̆ thoi khŭl lu mă đei kơtơ̆ng lu sư pơm kơnê̆.

Hôsia 7:12 Iomraidhean Croise

Jop 19:6

Iĕm athei băt 'nâu đơ̆ng Kră Yang 'Bok Kei-Dei pơmat pơrăm inh, păng dăng hơnhuăl Sư tăp kơ inh.

Bôk Bơthô 9:12

Ưh kơ đei bu băt ôh layơ sư lôch thoi ka đom lăm hơnhuăl, thoi sem 'leh hơđong, kư̆m thoi noh mơ̆n, kon bơngai bơ̆n đom lăm năr tơdrong truh, 'bôh 'băi truh hloi ưh kơ tam băt.

Je 16:16

Kră Yang khan: “'Nâu, Inh gô wơh lơ bơngai traih ka, wă kơ chă traih rôp lu sư, đơ̆ng noh Inh gô wơh lơ bơngai lua wă kơ chă lua lu sư đơ̆ng jơ̆p kơ kông groi dah lăm hơgơp tơmo.

Je 44:4

Mă khan lei, Inh kư̆m oei wơh lu đĭch đam Inh, lu bơngai khan lê̆ adrol, năm tơbăt kơ lu sư: ‘'Nĕ kơ pơm tơdrong kơnê̆ mă Inh areh 'nâu.’

Êsêkiên 12:13

Inh gô dăng hơnhuăl kơ sư, sư gô 'leh hơđong Inh, păng Inh gô chông ba sư tơ Babilôn, teh đak Kalđê. Mă-lei sư ưh kơ 'bôh teh đak noh ôh, sư gô lôch tơ noh.

Êsêkiên 17:20

Inh gô dăng hơnhuăl kơ sư, sư gô hrơ̆p 'bơ̆t hơnhuăl Inh; Inh gô chông lu sư tơ Babilôn, tơ noh Inh gô phak lu sư yua kơ tơdrong yoch mă sư ưh kơ chu kơ Inh.

Êsêkiên 32:3

Kră Yang khan thoi âu: Inh gô dăng hơnhuăl tơ ih, kơplah đei lu kon pơlei akŭm; lu sư gô dui ih tơ lăm hơnhuăl Inh.

Hôsia 5:9

Char Êphraim jing anih juơ lăm năr đei tơdrong bơtho pơjĭ; tơ adrĕch Isơrael Inh tơbăt tơdrong 'nâu truh sĭt.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.