Hôsia 6:6 - Sơ̆p Hlabơar Nơ̆r 'Bok Kei-Dei

⁶ Inh wă kơ iĕm 'mêm mă sĭt, hloh kơ wă iĕm pơyơ̆r tơmam soi. Wă kơ iĕm băt kơ Kră Yang 'Bok Kei-Dei hloh, kơ wă ôh iĕm pơyơ̆r tơmam soi 'buh.

Hôsia 6:6 Iomraidhean Croise

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Horiso 50:8

Inh ưh kơ chrih ôh tơmam soi ih pơyơ̆r wă khan tơmam soi 'buh ih juăt pơyơ̆r 'bơ̆t anăp Inh.

Tơdrông Pơđơk 21:3

Pơm tơdrong tơpăt, băt pơm tơdrong trŏ Noh Kră Yang lăp đon hloh kơ tơmam soi pơyơ̆r.

Bôk Bơthô 5:1

Kơchăng bĕ mưh ih mơ̆t lăm hnam 'Bok Kei-Dei. Năm mă jê̆ na mơ̆ng, 'lơ̆ng hloh kơ bơngai kơtul pơyơ̆r tơmam soi, lu bơngai mă ưh kơ băt sư đei pơm yoch.

Êsai 1:11

Kră Yang khan: “Hơdôm yơ tơmam mă iĕm soi sơmah hăm yua kiơ kơ Inh? Inh bơ̆l bơih dôm tơmam soi 'buh păng triu tơno hăm rơmă lu kon sem dơrong bek. Inh ưh kơ lăp đon ôh kơ pham rơmo tơno, triu kon păng bơbe tơno.

Êsai 58:6

Noh hăm trŏ ưh kơ trŏ ơ̆t kơ sŏng sa mă Inh lăp đon hrĕch lê̆ tơlei glang tơdrong kơnê̆, plôh lê̆ đêl đe chô̆ đơ̆ng 'long ăt. Tơlĕch achăng lu bơngai đe pơjuă pơđep gơh hơgei, gơ̆ lê̆ rim 'long ăt dah kiơ?

Je 22:16

Sư sek tơdrong tơpăt kơ lu bơngai dơnuh hin hăm lu bơngai pơmat-tat, na sư đei tơdrong pŭn hiôk. Hăm trŏ sư pơm thoi noh wă khan sư băt kơ Inh? Noh Kră Yang khan:

Je 7:22

Kơplah Inh chông tơlĕch lu 'bok yă iĕm đơ̆ng dêh Êyiptơ sơ̆, Inh ưh kơ đei pơma, dah tơtă kơ lu sư gah tơmam soi 'buh dah tơmam soi ôh.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Hôsia 2:20

Tơpă Inh gô tơ'bôh kơ ih tơdrong tơpăt sĭt, na ih gô băt kơ Kră Yang.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Hôsia 8:13

Mă khan lu sư soi pơyơ̆r kơ Inh, păng sa sĕch 'nhĕm noh, Kră Yang ưh kơ hiôk ôh kơ lu sư. Na Kră Yang 'blŏk kơ tơdrong kơnê̆ đêl lu sư pơm, păng gô phak pơjĭ lu sư yua kơ tơdrong yoch lu sư pơm; lu sư gô wih brŏk tơ dêh Êyiptơ.

Am 5:21

Inh areh, inh sơ'ngon kơ năr iĕm pơm kơ̆m giĕng; Inh ưh kơ hiôk gah tơdrong iĕm akŭm kơkuh tih noh.

Mi 6:6

Inh gô chĕp ba tơmam kiơ̆ 'bơ̆t anăp Kră Yang păng drap kơkuh 'bơ̆t anăp 'Bok Kei-Dei Kră Yang Tih Hloh. Inh gô năm dơ̆ng 'bơ̆t anăp Sư hăm tơmam soi 'buh kon rơmo 'nao minh sơnăm hă?

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Mathiơ 12:7

Lăm sơ̆p hla bơar 'Bok Kei-Dei khan sơ̆ thoi âu: ‘Tơdrong iĕm soi sơmah kơ Inh ưh kơ kăl ôh, Inh wă kơ iĕm 'mêm mơnat dih băl 'noh kăl hloh kơ tơdrong iĕm soi sơmah kơ Inh.’ ” Yêsu khan dơ̆ng: “Dah iĕm hlôh tơdrong noh, lei iĕm ưh kơ đei jô̆ kơ lu bơngai 'lơ̆ng pơm yoch ôh.

Mathiơ 5:7

“Pŭn dêh lu bơngai mă băt mơnat kơ đe, 'Bok Kei-Dei kư̆m mơnat kơ lu sư mơ̆n.

Mathiơ 9:13

Lăm sơ̆p hla bơar 'Bok Kei-Dei khan sơ̆ thoi âu: ‘Tơdrong iĕm soi sơmah kơ Inh ưh kơ kăl ôh, Inh wă kơ iĕm 'mêm mơnat dih băl, noh kăl hloh kơ tơdrong iĕm soi sơmah kơ Inh.’ Na iĕm tơchĕng lăng tơdrong 'noh bĕ, wă kơ iĕm băt 'mêm mơnat kơ đĭ-đăng bơngai. Inh jur tơ âu ưh kơ sĭ chă wơ̆n lu bơngai 'lơ̆ng ôh. Inh năm tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

Markôs 12:33

Dah bơ̆n 'mêm kơ Sư hăm đĭ jơhngơ̆m klơm klak bơ̆n, hăm đĭ đon bơ̆n tơchĕng păng băt 'mêm kơ bôl buăl thoi bơ̆n 'mêm akâu kơdih, dah bơ̆n răk 'bar tơdrong juăt 'noh lei 'lơ̆ng hloh kơ đĭ-đăng tơdrong bơ̆n soi sơmah kơ 'Bok Kei-Dei.”

Jôsuê 5:5

Đĭ-đăng lu kon drŏ-nglo mă lĕch hlôi đơ̆ng dêh Êyiptơ, chu kăt tơdra akar ngăl, mă-lei lu bơngai mă tơpŭ kơplah lu sư oei rok trong tơ lăm char glă ưh tam kăt tơdra akar đơ̆ng rŏng kơ lu sư lĕch đơ̆ng Êyiptơ.

I Yo 2:3

Dah bơ̆n răk dôm tơdrong Sư pơkă lei noh bơ̆n lui kơ Sư tơpă.

I Yo 3:6

Bơngai bu pôm đon păng Yêsu Krist, bơngai 'noh ưh pă đei pơm yoch dơ̆ng ôh. Bơngai bu oei pơm yoch khŏm khŏm, bơngai 'noh sư ưh kơ lah băt kơ Yêsu.

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.