Hôsia 6:5 - Sơ̆p Hlabơar Nơ̆r 'Bok Kei-Dei

⁵ Yua kơ thoi noh na Inh đei ăn boih lu bơngai khan lê̆ adrol pơbral lu iĕm, Inh pơlôch boih lu iĕm hăm nơ̆r pơma đơ̆ng 'bơ̆r Inh. Tơdrong Inh sek tơlang lĕch thoi hơdah măt 'năr lĕch.

Hôsia 6:5 Iomraidhean Croise

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

I Pot 14:6

Lăp akăn Jêrôbôam truh 'bơ̆t 'măng, na Ahija kơtơ̆ng re jơ̆ng sư nơnăm na khan kơ sư: “Ơ akăn Jêrôbôam mơ̆t bĕ. Yua kơ kiơ ih pơm bơngai nai? Đei nơ̆r tơtă kơ inh athei inh khan tơbăt kơ ih minh tơdrong sơ'ngon tih krưp.

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

I Pot 18:17

Lăp Ahap 'bôh Êli na sư khan kơ Êli. “Ih hă pơrŭng lu bơngai Isơrael?”

I Pot 19:17

Bơngai bu klaih đơ̆ng đao gưm Hasael, Jêhu gô pơlôch sư; bu klaih đơ̆ng đao gưm Jêhu Êlisê gô pơlôch sư.

II Pot 1:16

Sư khan kơ pơtao: “Kră Yang khan thoi âu: Ih wơh bơngai năm jet apinh yang Baal Sêhup, yang Pơlei Ekrôn, lăm Isơrael ưh kơ đei Kră Yang 'Bok Kei-Dei mă ih wă jet apinh nơ̆r Sư bơih hă? Yua kơ noh bơih na ih ưh kơ đei iung đơ̆ng giơng ih 'bĭch noh ôh, sĭt ih gô lôch.”

II Ho 21:12

Êli bơngai khan lê̆ adrol chih hla bơar ăn kơ Jêhôram, khan: “Kră Yang 'Bok Kei-Dei Đawit, 'bok ih, khan: ‘Yua kơ ih ưh kơ yak kiơ̆ kơ trong Jêhôsaphat 'bă ih păng kư̆m ưh kơ kiơ̆ trong Asa, pơtao Juđa,

Jop 15:30

Sư ưh pă gơh klaih hlôi đơ̆ng măng mu; pla ŭnh gô sa pơkro tơmơ̆ng sư. Hơyuh dui jơhngơ̆m đơ̆ng 'bơ̆r Kră Yang 'Bok Kei-Dei gô pơđông lê̆ sư tơ nai.

Jop 34:10

Mơ̆ng bĕ inh lu iĕm bơngai hlôh wao. Kră Yang 'Bok Kei-Dei ưh kơ đei layơ pơm kơnê̆, Kră Yang Tih Hloh ưh đei layơ đŏng đĕo.

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Horiso 37:6

Sư gô pơdah tơdrong tơpăt ih thoi hơdah hơdong Păng sek tơ'bôh tơdronga trŏ ih thoi 'năr dơ̆ng.

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

Je 1:18

Âu, năr 'nâu, Inh ăn kơ ih thoi minh pôm pơlei kơjăp, jrăng hăm mam, man dur hăm kong, wă tơblah hăm đĭ-đăng lu dêh char, hăm lu pơtao dêh Juđa, hăm lu 'bok soi, hăm lu kon pơlei pơla.

Je 13:13

Ih athei khan kơ lu sư. Kră Yang khan: “'Nâu, Inh gô tuh sik 'bĕnh kơ 'bơ̆r kon pơlei oei lăm dêh char âu, lu pơtao mă hơ-oei 'bơ̆t tang-dŏ pơtao Đawit, lu 'bok soi, lu 'bok khan lê̆ adrol păng kơ đĭ-đăng lu bơngai mă oei lăm pơlei Jêrusalem.

Je 23:29

Nơ̆r Inh hăm trŏ thoi ŭnh? Thoi mut teh tơmo pơchah? Noh Kră Yang khan.

Je 5:14

Yua kơ thoi noh Kră Yang 'Bok Kei-Dei Tih Hloh khan: “Yua kơ lu sư pơma tơdrong noh, 'Nâu, Inh gô tah nơ̆r pơma Inh tơ lăm 'bơ̆r thoi ŭnh, kon pơlei âu thoi 'long ŭnh na ŭnh gô sa lu sư.”

Êsêkiên 11:4

Thoi noh khan lê̆ adrol bĕ wă blah lu sư, ơ kon bơngai khan lê̆ adrol bĕ.”

Êsêkiên 3:9

Inh gô pơm kơ kơ̆l ih arăng thoi jơmŏng, arăng hloh kơ tơmo. 'Nĕ hli kơ lu sư păng 'nĕ tơrơ, yua kơ 'bơ̆t anăp măt lu sư yua kơ lu sư jing adrĕch adrung ayăt kơ Inh.”

Êsêkiên 32:18

“Ơ, kon bơngai nhơ̆m hmoi bĕ, kơ lu kon pơlei lơlap lăm char Êyiptơ, puh tơlơ̆ bĕ sư hăm đĭ-đăng lu kon drŏ-kăn adrĕch adrung pơang huŏng tơ ala teh sŭng, hơdai hăm lu bơngai jur tơ hơlŭng jrŭ!

Êsêkiên 43:3

Tơdrong mă inh 'bôh nhen thoi tơdrong mă tơ'bôh kơ inh kơplah Kră Yang pơrăm pơlei. Noh kư̆m nhen thoi tơdrong tơ'bôh kơ inh 'bơ̆t jih đak krong Kêbar, na inh drap bon tơ teh.

Jêphania 3:5

Kră Yang oei tŏk-bŏk sư jơ̆ tơdrong tơpăt, ưh kơ đei pơm kơnê̆, rim pơgê sư pơdah tơdrong tơpăt Sư, tơ hơdah ưh kơ đei layơ ưh. Mă-lei lu bơngai kơnê̆ ưh kơ băt mơlâu.

Jang 7:31

Môis lăng ŭnh sa 'long ei sơleng kơ đon. Sư năm mă jê̆ 'long ei wă lăng na kơtơ̆ng nơ̆r 'Bok Kei-Dei khan kơ sư thoi âu:

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Êphêsô 6:17

Bơ̆n athei yơ̆l môk kơlăm; 'noh wă pơtih gia kơ bơ̆n gơnang kơ 'Bok Kei-Dei pơklaih bơ̆n đơ̆ng tơdrong yoch. Athei iŏk chĕp đao han đơ̆ng Yang Bơhngol 'Lơ̆ng ăn; 'noh wă pơtih gia kơ bơ̆n, athei bơ̆n iŏk nơ̆r 'Bok Kei-Dei tơbăt ăn kơ đe.

Hêbrơ 4:12

Yua kơ nơ̆r 'Bok Kei-Dei arih ling-lang, jăng dêh păng han hloh kơ đao 'bar pah măt, 'bet han klĕch tơ sĕch huan kơting, hrĕch kơtĕch jơhngơ̆m đơ̆ng bơhngol. Tơdrong Sư sek tơlang bơ̆n thoi noh. Sư băt tôm tơdrong đon tơchĕng kon bơngai 'maih pơm.

Tơdrông Tơ'bôh 1:16

Tơpang ti Sư gah 'ma, Sư chĕp tơpơh tŏ sơnglŏng. Đei minh hlak đao han dêh, đao noh đei 'bar pah măt, lĕch đơ̆ng 'bơ̆r Sư pơma. Muh măt Sư rang hơdah dang măt 'năr pơchrang tŏk-bŏk 'năr dơ̆ng.

Tơdrông Tơ'bôh 2:16

Na dang ei iĕm athei tơbral kơdih tơdrong yoch. Tơ̆ng iĕm ưh kơ tơbral, lei Inh ưh kơ anat ôh, Inh năm blah hloi dôm lu iĕm mă lui kơ tơdrong Nikôlat noh. Inh blah păng đao mă lĕch đơ̆ng 'bơ̆r Inh noh.’

Tơdrông Tơ'bôh 9:15

Na linh jang mă tơdrâu ei năm yaih achăng hloi puăn 'nu yang mă đe chô̆ kron ei. Puăn 'nu yang ei wă chă pơlôch pơrăm đe. Na tơdrong sư wă pơlôch pơrăm đe noh sư hơmet lê̆ đơ̆ng sơ̆ boih, sư khŏm wă pơlôch pơrăm kon bơngai rim adrĕch adrung truh kơ minh pôm teh đak kơdih lăm pêng tŏ teh đak, dang ei khei âu sơnăm âu hloi.

Tơdrông Tơ'bôh 9:21

Tơdrong lu sư pơlôch đe kư̆m ưh kơ chu tơbral, oei pơlôch đe hơnơ̆ng, oei pơm pơjâu chă sol đe, ngôi pơyô kư̆ kă, chă tơtông tơmam đe.

I Sam 13:13

Samuel khan kơ Sôl: Ih ưh kơ wao tơpă, ưh kơ chu nơ̆r Kră Yang 'Bok Kei-Dei ih đei tơtă khan lê̆ bơih. Tơdah ih đei chu kiơ̆ nơ̆r Sư, lei Kră Yang gô pơjing dêh char ih kơjăp ling-lang lăm Isơrael;

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.

I Sam 15:32

Samuel khan: Chông ba Agak, pơtao bơngai Amalek năm tơ inh: Agak năm hơdar hơdêh truh tơ sư, tơchĕng lăm to khan: Tơdrong lôch pơmat-tat hlôi boih.

I Sam 15:33

Mă-lei Samuel khan: Dah đao ih pơm boih kơ bơngai drŏ-kăn hiong kon thoi yơ, na mĕ ih kư̆m gô hiong kon thoi noh mơ̆n. Đang kơ pơma, Samuel pơlôch hloi Agak 'bơ̆t anăp Kră Yang tơ Gilgal.