Hôsia 6:10 - Sơ̆p Hlabơar Nơ̆r 'Bok Kei-Dei

¹⁰ Lăm adrĕch Isơrael Inh 'bôh boih tơdrong kơnê̆ dêh, lu bơngai Êphraim pơm pơyô kư̆ kă, Isơrael 'mê̆-'mach boih!

Hôsia 6:10 Iomraidhean Croise

I Pot 12:8

Mă-lei Rôbôam sơngah ưh kơ kiơ̆ ôh nơ̆r lu kră 'noh roi kơ sư; đơ̆ng noh sư jet lu bơngai iung tơdăm hơdai sư, oei awih awăn kơ sư.

I Pot 15:30

Tơdrong noh yua kơ đơ̆ng tơdrong yoch Jêrôbôam pơm kơ lu bơngai Isơrael dai pơm yoch păng pơm tơblĕk Kră Yang 'Bok Kei-Dei đe Isơrael.

II Pot 17:7

Tơdrong 'nâu truh yua kơ kon pơlei Isơrael đei pơm yoch boih hăm Kră Yang 'Bok Kei-Dei lu sư, Tơ'ngla mă hlôi dui iŏk lu sư lĕch đơ̆ng dêh Êyiptơ; păng đơ̆ng pơtao Pharaôn pơtao đe Êyiptơ pơgŏ pơđep lu sư. Lu sư hlôi kơkuh bơih kơ yang nai,

Je 18:13

Lei na, Kră Yang khan: “Apinh lăng bĕ lăm lu teh đak, Bu mă kơtơ̆ng boih tơdrong thoi noh? Bơngai Isơrael 'lơ̆ng rơgoh pơm boih tơdrong kơnê̆ krưp.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Je 3:6

Kră Yang khan kơ inh, lăm chăl Jôsia pơm pơtao: “Ih hăm 'bôh dôm tơdrong bơngai Isơrael đei pơm boih, lu sư chă tŏk tơ jơ̆p kơ groi păng jơ̆p kơ yơ̆p tơm 'long hla hơmŭl; na pơm pơyô kư̆ kă tơ noh.

Êsêkiên 23:5

Ôhôla pơm đi kơplah mă sư oei gah Inh, sư hưch kơ pơyô sư bơngai Asiri, lu bơngai pơm linh.

Êsêkiên 23:7

Sư pơm pơyô kư̆ kă hăm lu bơngai noh, đĭ-đăng lu sư tơdăm 'lơ̆ng hơbŏ bơngai char Asiri; sư jao akâu sư kơdih jing 'mê̆-'mach hăm lu rup yang lu bơngai mă sư hưch wă.

Hôsia 4:11

Sik hơmu so păng sik hơmu 'nao pơm tơhiong lê̆ tơdrong hơgei lu sư.

Hôsia 4:12

Kon pơlei Inh apinh yang rup pơm păng 'long, na 'long jra gô tơl lu sư; yua kơ jơhngơ̆m 'maih pơm kư̆ kă jing pơm kơ lu sư achăng lê̆ Kră Yang 'Bok Kei-Dei lu sư 'maih wă pơm pơyô kư̆ kă.

Hôsia 4:17

Lu bơngai Êphraim, pơgơ̆p hơdai rup yang, lê̆ măk ai sư.

Hôsia 5:3

Inh băt kơ khŭl Êphraim; păng lu bơngai Isơrael, ưh kơ hlơp kơ Inh ôh. Dang ei, ơ Êphraim, ih pơm pơyô ngôi kư̆ kă boih; păng lu bơngai Isơrael 'mê̆-'mach boih.