Hôsia 5:7 - Sơ̆p Hlabơar Nơ̆r 'Bok Kei-Dei

⁷ Lu sư oei arih sa ưh kơ tơpăt ôh hăm Kră Yang. Lu sư pŭ kon pôm đơ̆ng pơm pơyô kư̆ kă. Giĕng Khei 'Nao gô pơrăm sa pơđĭ lu sư lu sư hăm dêh char lu sư.

Hôsia 5:7 Iomraidhean Croise

Horiso 144:11

Apinh Ih pơklaih inh đơ̆ng ti lu bơngai tơmoi; Lu bơngai đei 'bơ̆r pơma hơlĕnh. Đei ti 'ma pơkă bơkuĕch.

Horiso 144:7

Apinh chro ti Ih, đơ̆ng kơpal. Dŏng pơklaih inh, hơtŏk inh đơ̆ng lăm đak jrŭ. Pơklaih đơ̆ng ti lu bơngai tơmoi;

Êsai 1:14

Inh areh dêh kơ lu 'năr khei 'nao, păng dôm tơdrong lu iĕm pơm giĕng, pơm trăp trĭn dêh kơ Inh. Inh pŭ iŏk gleh lap dêh.

Êsai 48:8

Iĕm tam mă kơtơ̆ng, tam mă băt. Đơ̆ng sơ̆ đon iĕm tam mă pơih; yua kơ Inh băt kơ iĕm hơlĕnh ling-lang, đơ̆ng năr mĕ iĕm tơpŭ kơ iĕm krao iĕm bơngai blơ̆ blĕch.

Êsai 59:13

Lu nhôn yoch bơih, blah plơ̆ Kră Yang, păng tơwih rŏng ưh kơ wă kiơ̆ Kră Yang 'Bok Kei-Dei lu nhôn. Lu nhôn pơma tơdrong kơnê̆ blơ̆ blĕch păng blah. Tơchĕng lĕch nơ̆r pơma hơlĕnh đơ̆ng lăm jơhngơ̆m.

Je 3:20

Mă-lei, ơ adrĕch Isơrael, lu iĕm thoi minh 'nu drŏ-kăn pơm kơnê̆ achăng lê̆ klo sư, lu iĕm pơm kơnê̆ hăm Inh boih,” Kră Yang khan thoi noh.

Je 5:11

Adrĕch Isơrael păng adrĕch Juđa, oei sa ưh kơ tơpăt hăm Inh ôh,” noh Kră Yang khan,

Êsêkiên 12:28

Thoi noh, athei khan kơ lu sư; 'Nâu nơ̆r Kră Yang Tih Hloh khan: Nơ̆r Inh pơma ưh pă lê̆ đunh boih, mă-lei nơ̆r Inh pơma gô pơsĭt, Kră Yang Tih Hloh đei khan thoi noh.’ ”

Hôsia 2:11

Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.

Hôsia 2:4

Inh kư̆m pă mơnat kơ lu kon sâu sư boih, yua kơ lu sư noh kon sâu đơ̆ng sư pơm pơyô kư̆ kă.

Hôsia 6:7

Mă-lei thoi Ađam,a lu sư pơm glăi boih kơ đêl nơ̆r pơkă pơgơ̆p, thoi noh lu sư pă tơpăt boih kơ Inh.

Hôsia 7:13

Răm-'băm dêh kơ lu sư yua kơ lu sư tơklah ataih đơ̆ng Inh; Inh gô pơrăm lu sư yua kơ lu sư pơm yoch boih hăm Inh. Mă khan Inh wă dêh ră pơklaih lu sư, mă-lei lu sư pơma hơlĕnh kơ Inh.

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.