Hôsia 5:6 - Sơ̆p Hlabơar Nơ̆r 'Bok Kei-Dei

⁶ Lu sư gô ba khŭl triu, khŭl rơmo lu sư, wă năm chă Kră Yang; mă-lei ưh kơ 'bôh Sư ôh. Sư weh achăng lê̆ đơ̆ng lu sư boih.

Hôsia 5:6 Iomraidhean Croise

Le 10:9

Môis tơl khan: Lu nhôn năm, gô chông đĭ-đăng lu kon drŏ-nglo drŏ-kăn 'lơ̆p 'lŏ hơmuh hơmŏng păng lu kră, khŭl triu, rơmo, yua kơ lu nhôn, wă hơmet tơmam et sa tih kơkuh kơ Kră Yang.

Tơdrông Pơđơk 1:28

Kơplah noh kơnh lu sư gô krao apinh Inh, Mă-lei Inh ưh kơ tơl tơwih; Lu sư adrin chă Inh, Mă-lei ưh kơ đei tơ'bơ̆p.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 21:27

Tơmam soi pơyơ̆r đơ̆ng lu bơngai pơm kơnê̆ Kră Yang areh dêh, pơma kiơ tơdah lu sư pơyơ̆r hăm jơhngơ̆m kơnê̆ tăm.

Hơri Hiôk 5:6

Inh pơih 'măng kơ pơyô inh, Mă-lei sư hlôi weh tơ nai boih, Jơhngơ̆m inh pơngê̆ 'bơ̆t sư oei pơma. Inh chă sư, mă-lei ưh kơ 'bôh, Inh krao sư, mă-lei pă tơl boih.

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Je 11:11

Thoi noh Kră Yang khan thoi âu: Inh gô ăn tơdrong gleh răm truh, lu sư ưh kơ gơh klaih ôh, mă lu sư krao ôr apinh Inh, Inh ưh kơ wă mơ̆ng lu sư ôh.

Je 11:14

“Gah ih 'nĕ pă krao khan tơgŭm kon pơlei 'nâu, ih kư̆m 'nĕ yua kơ lu sư na krao apinh, yua kơ Inh ưh pă mơ̆ng boih mă lu sư krao apinh Inh kơplah lu sư đei tơdrong truh.

Je 14:12

Mă khan lu sư ơ̆t kơ sŏng sa, Inh ưh kơ đei mơ̆ng nơ̆r lu sư krao khan ôh, mă khan lu sư pơyơ̆r tơmam soi 'buh dah tơmam soi phe 'ba, Inh ưh kơ iŏk ôh; mă-lei Inh gô pơrăm lu sư hăm đao gưm, hăm tơdrong pơngot rơwĕt păng hăm tơdrong jĭ hơpoh.”

Je 7:4

'Nĕ kơ lui gơnang kơ nơ̆r pơma hơlĕnh khan: ‘'Nâu boih hnam Kră Yang hnam Kră Yang hnam Kră Yang!’ ”

Nhom 3:44

Ih ôn akâu Ih lăm hơmơ̆l, dĭng mah nơ̆r nhôn krao khan pă klĕch truh tơ Ih.

Êsêkiên 8:18

Na Inh kư̆m gô blĕk areh dêh; măt Inh pă lăng mơnat kơ lu sư boih, mă lu sư krao ôr 'bĕnh kơ đon Inh, Inh kư̆m ưh pă mơ̆ng lu sư.”

Êsêkiên 8:6

Na Sư khan kơ inh dơ̆ng: “Ơ kon bơngai, ih hăm 'bôh dôm tơdrong lu sư oei pơm, lu tơdrong krưp kơnê̆ 'mê̆-'mach tih dêh mă adrĕch Isơrael pơm wă puh Inh ataih đơ̆ng anih rơgoh Inh? Tơpă ih gô 'bôh lơ tơdrong krưp kơnê̆ tih hloh dơ̆ng.”

Hôsia 8:13

Mă khan lu sư soi pơyơ̆r kơ Inh, păng sa sĕch 'nhĕm noh, Kră Yang ưh kơ hiôk ôh kơ lu sư. Na Kră Yang 'blŏk kơ tơdrong kơnê̆ đêl lu sư pơm, păng gô phak pơjĭ lu sư yua kơ tơdrong yoch lu sư pơm; lu sư gô wih brŏk tơ dêh Êyiptơ.

Am 8:12

Lu sư gô năm pơtoi đơ̆ng đak dơsĭ âu dĭng truh tơ đak dơsĭ to, đơ̆ng yă-nơ̆m truh tơ gah hơlĕch; kơdâu tơ âu tơ to wă chă nơ̆r Kră Yang, mă-lei chă ưh kơ đei.

Mi 3:4

Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Malachi 1:10

“Hơpơi rŏ kơ đei minh 'nu lăm lu iĕm tang 'măng, wă kơ lu iĕm huay tơ̆k ŭnh tơdrong kơđei tơ kơpal gơ'bang soi Inh,” Kră Yang Tih Hloh khan thoi noh. “Inh ưh kơ đei jơhngơ̆m hiôk lăp đon kơ lu iĕm păng Inh ưh kơ wă đei iŏk minh tơmam soi pơyơ̆r kiơ đơ̆ng ti lu iĕm.

Luka 5:16

Mă-lei hơtai noh Yêsu wă năm krao khan kơ 'Bă Sư 'Bok Kei-Dei tơ anih kueng, na Sư năm hloi.

Yo 7:34

Iĕm gô chă Inh mă-lei ưh kơ 'bôh. Iĕm ưh kơ gơh truh tơ anih Inh ôh.”