Hôsia 5:15 - Sơ̆p Hlabơar Nơ̆r 'Bok Kei-Dei

¹⁵ Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Hôsia 5:15 Iomraidhean Croise

Bl 42:21

Lu sư khan tơduă lu sư thoi âu: Sĭt tơpă bơ̆n đei pơm yoch hăm oh bơ̆n boih; yua kơ adrol sơ̆ bơ̆n 'bôh jơhngơ̆m sư sơ'ngon, sư apinh bơ̆n mơnat, mă-lei lu bơ̆n ưh kơ mơ̆ng, thoi noh na 'nâu đei tơdrong truh kơ lu bơ̆n thoi âu.

II Ho 7:14

Tơdah kon pơlei pơla Inh, đe krao lu sư kon Inh, drap bon kơkuh, krao khan, chơchă Inh păng tơbral achăng lê̆ trong kơnê̆ lei Inh oei kơpal plĕnh ti gô mơ̆ng, mơnat ăn huay pă jô̆ yoch lu sư păng ăn teh lu sư thoi đêl.

Jop 33:27

Sư hat hơri păng roi tơbăt 'bơ̆t anăp đĭ-đăng bơngai. ‘Inh pơm yoch bơih yak đŏng đĕo weh đơ̆ng trong tơpăt. Mă-lei Kră Yang ưh kơ đei phak kiơ̆ kơ inh yoch.

Horiso 107:13

Lăm năr pơmat-tat lu sư krao apinh Kră Yang na Kră Yang dŏng pơklaih lu sư đơ̆ng tơdrong pơmat-tat,

Horiso 107:19

Lăm năr pơmat-tat lu sư krao apinh Kră Yang, Kră Yang dŏng pơklaih lu sư đơ̆ng tơdrong pơmat-tat.

Horiso 107:28

Lăm năr pơmat-tat lu sư krao apinh Kră Yang. Kră Yang dŏng pơklaih lu sư đơ̆ng tơdrong pơmat-tat.

Horiso 107:6

Kơplah đei tơdrong pơmat-tat lu sư krao apinh Kră Yang. Na Kră Yang pơklaih hloi lu sư đơ̆ng tơdrong pơmat-tat,

Horiso 132:14

“Âu boih anih Inh mă pơdơh ling-lang hlŏng hloi. Inh gô oei tơ âu, Yua kơ inh wă thoi noh.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 78:34

Kơplah Kră Yang pơlôch lu sư, lu sư krao apinh Kră Yang. Tơbral chơchă krao apinh Kră Yang 'Bok Kei-Dei.

Horiso 83:16

Ơ Kră Yang, apinh Ih pơm ăn kơ muh măt lu sư kơdơ̆ mơlâu, wă kơ lu sư krao chă Ih.

Tơdrông Pơđơk 8:17

Inh 'mêm kơ lu bơngai 'mêm kơ Inh. Bơngai bu adrin chă Inh gô tơ'bơ̆p Inh.

Êsai 18:4

Kră Yang khan bơih kơ inh thoi âu: “Inh gô oei hreh păng Inh gô răp lăng đơ̆ng anih Inh oei, thoi drang tŏ pơchrang hơdah đơ̆ng măt 'năr, thoi hơiuh đak ngom năr tŏ bơyan yuă.”

Êsai 26:16

Ơ Kră Yang, lu sư chă Ih kơplah lu sư đei tơdrong pơmat-tat, lu sư krao khan apinh Ih mơmơnh kơplah Ih đei phak bơtho lu sư.

Êsai 26:21

Lăng to, Kră Yang lĕch đơ̆ng anih Sư jur wă phak kon bơngai oei kơpal teh âu, yua kơ tơdrong yoch lu sư. Kơplah noh kơnh teh gô pơdah tơ'bôh pham đêl lu đe pơlôch păng ưh kơ gơh ôn dơ̆ng lu bơngai đêl đe pơlôch.

Êsai 26:9

Kơmăng bơhngol inh rơhing kơ Ih, pơgê lăm jơhngơ̆m inh hơpơi wă chă Ih dêh, mưh Ih sek tơlang tơ ala teh, kon bơngai oei lăm teh đak gô băt tơdrong 'lơ̆ng tơpăt.

Je 2:27

Lu sư khan kơ 'long, ‘Ih boih 'bă inh,’ khan kơ tơmo, Ih boih pơjing kơ inh. Lu sư tơwih rŏng kơ Inh, ưh kơ tơwih gah muh măt; Mă-lei kơplah lu sư đei tơdrong rŭng răng, lu sư khan: ‘Iung na pơklaih nhôn bĕ!’

Je 3:13

‘Kư̆ mă ih chu pŭ iŏk tơdrong yoch. Tơdrong mă iĕm blah Kră Yang 'Bok Kei-Dei iĕm; iĕm chă hưch kơ lu yang nai ala tơm 'long hla hơmŭl, păng ưh pă chu yom kơ nơ̆r Inh,’ ” Kră Yang khan.

Je 3:14

Kră Yang khan: “Wih brŏk bĕ! Ơ lu kon sâu ưh kơ tơpăt, yua kơ Inh boih yŏng lu iĕm. Inh gô rơih iŏk lu iĕm minh 'nu đơ̆ng rim pơlei 'bar 'nu đơ̆ng adrĕch păng Inh gô năm ba lu iĕm brŏk tơ pơlei Siôn!

Nhom 3:40

Bĕ bơ̆n lăng trong bơ̆n kơdih, na wih brŏk tơ Kră Yang.

Êsêkiên 10:4

Na tơdrong ư-ang rang mơnhal Kră Yang tŏk đơ̆ng chêrubim, tơ anăp 'măng hnam akŭm tơm. Na hnam akŭm tơm 'bĕnh kơ hơmơ̆l păng tơ cham hnam 'bĕnh kơ tơdrong hơdah ư-ang rang mơnhal Kră Yang.

Êsêkiên 11:23

Tơdrong ư-ang rang mơnhal Kră Yang tŏk tơ kơpal đơ̆ng lăm pơlei tih păng dơ̆ng 'bơ̆t kơpal kông gah hơlĕch kơ pơlei.

Êsêkiên 20:43

Tơ noh lu iĕm gô 'blŏk trong iĕm đêl yak bơih păng dôm tơdrong iĕm pơm pơ'mê̆ kơdih akâu; lu iĕm gô lăng krưp kơdih akâu, yua kơ dôm tơdrong kơnê̆ iĕm đei pơm.

Êsêkiên 36:31

Mă-lei lu iĕm gô 'blŏk kơ tơdrong kơnê̆ iĕm păng tơdrong iĕm pơm ưh kơ 'lơ̆ng. Tơpă lu iĕm gô lăng areh krưp kơdih akâu yua kơ tơdrong yoch păng tơdrong kơnê̆ krưp lu iĕm pơm.

Êsêkiên 6:9

Lu bơngai lăm lu sư mă đei klaih noh oei tơ lăm teh đak mă lu sư oei, đe rôp pơm bơnă. Lu sư 'blŏk kơ jơhngơ̆m Inh đei pơchah, chhŭr nuih bơih, yua kơ tơdrong lu sư, pơm kư̆ kă weh đơ̆ng Inh păng măt lu sư pơm pơyô kư̆ kă kiơ̆ kơ lu yang kơnê̆. Kơplah noh lu sư kơdih gô lăng krưp areh kơ tơdrong kơnê̆, yua kơ tôm tơdrong kơnê̆ lu sư đei pơm krưp tơpă.

Êsêkiên 8:6

Na Sư khan kơ inh dơ̆ng: “Ơ kon bơngai, ih hăm 'bôh dôm tơdrong lu sư oei pơm, lu tơdrong krưp kơnê̆ 'mê̆-'mach tih dêh mă adrĕch Isơrael pơm wă puh Inh ataih đơ̆ng anih rơgoh Inh? Tơpă ih gô 'bôh lơ tơdrong krưp kơnê̆ tih hloh dơ̆ng.”

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Hôsia 5:6

Lu sư gô ba khŭl triu, khŭl rơmo lu sư, wă năm chă Kră Yang; mă-lei ưh kơ 'bôh Sư ôh. Sư weh achăng lê̆ đơ̆ng lu sư boih.

Mi 1:3

Yua kơ âu, Kră Yang lĕch đơ̆ng anih Sư, jur kơpal juă tơ anih kơjung hloh.

Jo 21:7

kon pơlei kơdâu tơkan tơ Môis păng khan: Lu nhôn pơm glăi yoch boih pơma hil plơ̆ kơ Kră Yang păng ih. Krao khan apinh Kră Yang bĕ, wă kơ sư pơm kơ 'bih 'nâu weh tơ nai ataih đơ̆ng lu nhôn. Môis krao khan apinh ăn kơ kon pơlei.

Luka 13:25

Pơtih gia Inh mă 'Bok tơ'ngla hnam gô tang lê̆ 'măng, na lăp iĕm dơ̆ng dơdŭ 'măng 'bơ̆t 'ngoaih khan: ‘Ơ 'Bok, pơih ăn kơ nhôn 'măng,’ na Inh khan: ‘Inh ưh kơ băt iĕm đơ̆ng yơ.’

Lu 4:3

Yua kơ pơtao Jabin đei tơsĭn-hrĕng tŏ gre aseh đe pơm păng mam păng lăm 'bar-jĭt sơnăm sư pơgŏ pơđep pơm kơnê̆ kơ lu bơngai Isơrael, na kon pơlei Isơrael krao apinh Kră Yang tơgŭm.