Hôsia 4:6 - Sơ̆p Hlabơar Nơ̆r 'Bok Kei-Dei

⁶ Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Hôsia 4:6 Iomraidhean Croise

II Ho 15:3

Đunh boih lu bơngai Isơrael ưh kơ đei Kră Yang 'Bok Kei-Dei sĭt tơpă. Ưh pă đei 'bok soi bơtho tơ'bôh, kư̆m ưh pă đei khôi juăt;

Jop 36:12

Mă-lei tơdah lu sư ưh kơ wă mơ̆ng gô lôch kơ đao gưm. Lu sư gô lôch yua kơ ưh kơ hlôh kơwao.

Horiso 119:139

Tơdrong inh tơnăp soh chhông lăm jơhngơ̆m inh. Yua kơ lu bơngai ayăt kơ inh hiơt boih kơ nơ̆r Ih.

Horiso 119:153

Apinh Ih lăng bĕ tơdrong inh pŭ pơmat păng dŏng pơklaih inh; Na inh ưh kơ hiơt ôh khôi juăt ih.

Horiso 119:61

Mă tơlei lu bơngai pơm kơnê̆ dăng tăp kơ inh, Mă-lei inh ưh kơ hiơt kơ khôi juăt Ih.

Horiso 18:27

Yua kơ Ih dŏng tơgŭm lu bơngai iŏk đon ala; Mă-lei Ih gô tơjur lu bơngai pơang.

Tơdrông Pơđơk 10:21

Nơ̆r 'bơ̆r lu bơngai tơpăt rong arih lơ bơngai; Mă-lei lu bơngai kơwao lôch, yua kơ ưh kơ hlôh.

Tơdrông Pơđơk 19:2

Bơngai chơgăm ră mă-lei ưh kơ đei đon hlôh kư̆m ưh kơ 'lơ̆ng. Bơngai băt hăt kơ năm kư̆m pơ̆k.

Êsai 1:3

Rơmo băt kơ tơ'ngla, aseh băt kơ bơng 'nhĕt tơ'ngla sư, mă-lei bơngai Isơrael ưh kơ băt, kon pơlei Inh ưh kơ hlôh ôh.”

Êsai 17:10

Ih hiơt bơih kơ Kră Yang 'Bok Kei-Dei Tơ'ngla dŏng pơklaih ih; ih ưh kơ 'blŏk bơih hơgơp tơmo Tih mă ih kơ'nơp. Mă đơ̆ng ih pơtăm 'long arih 'lơ̆ng, ih pơtăm adrĕch 'long hơmu plơ̆ng đơ̆ng nai.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Êsai 28:7

Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

Êsai 29:12

Dah mă ih ăn kơ bơngai ưh kơ gơh đŏk na khan: “Apinh ih đŏk sơ̆p hla bơar âu,” Na sư tơl khan: “Inh ưh kơ băt kơ đŏk.”

Êsai 3:12

Kon pơlei pơla Inh, lu đe hơ'lơ̆p gô pơjuă pơđep lu sư. Drŏ-kăn gô pơgơ̆r lu sư. Ơ kon pơlei Inh! Lu bơngai pơgơ̆r chông iĕm jrok trong, pơm kơ iĕm wơ̆l kơ trong.

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Êsai 5:13

Yua ưh kơhlôh kơwao na kon pơlei pơla Inh jing pơm đĭch đe, lu bơngai yŏng mơng jing lôch kơ pơngot rơwĕt, kon pơlei lu sư jing ol ăk yua kơ rơhing kơ đak.

Je 2:8

Lu 'bok soi ưh pă jet: ‘Tơ yơ Kră Yang?’ Lu 'bok bơtho khôi juăt ưh pă băt kơ Inh dơ̆ng. Lu bơngai pơgơ̆r blah Inh. Lu 'bok khan lê̆ adrol yua anăn yang Baal na khan lê̆ adrol, kiơ̆ lu yang nai ưh kơ đei yua kiơ.

Je 4:22

“Tơpă kon pơlei Inh bơlŭk, lu sư ưh kơ băt kơ Inh. Lu sư oei 'lơ̆p nge kơhlôh, lu sư ưh kơ wao, lu sư nŏng kơ pơm kơnê̆, mă ưh kơ băt pơm minh tơdrong 'lơ̆ng.

Je 5:21

Mơ̆ng bĕ tơdrong 'nâu, ơ kon pơlei bơlŭk păng kơhlôh kơwao. Đei măt ră mă-lei ưh kơ 'bôh, đei đon ră mă-lei ưh kơtơ̆ng.

Êsêkiên 44:23

Lu sư gô bơtho khan kơ kon pơlei băt kơ tơdrong kiơ mă 'lơ̆ng rơgoh Păng tơdrong kiơ mă hmă đĕch, tơdrong kiơ 'mê̆-'mach păng băt tơdrong kiơ mă rơgoh.

Hôsia 13:6

Lăp lu sư sŏng sa phĭ boih, jơhngơ̆m lu sư jing pơang; yua kơ đơ̆ng noh na lu sư hiơt boih kơ inh.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Hôsia 4:12

Kon pơlei Inh apinh yang rup pơm păng 'long, na 'long jra gô tơl lu sư; yua kơ jơhngơ̆m 'maih pơm kư̆ kă jing pơm kơ lu sư achăng lê̆ Kră Yang 'Bok Kei-Dei lu sư 'maih wă pơm pơyô kư̆ kă.

Hôsia 4:14

Inh ưh kơ phak lu kon adruh iĕm yua kơ yoch pơm pơyô, kư̆m ưh kơ phak lu mŏ mai iĕm yua kơ yoch ngôi hăm đe nai; yua kơ lu drŏ-nglo iĕm kư̆m ngôi kư̆ kă hăm lu drŏ-kăn đi, păng pơyơ̆r tơmam soi hăm lu bơngai drŏ-kăn kư̆ kă. Thoi noh lu kon pơlei ưh kơ hlôh gô hiong răm.

Hôsia 5:4

Tơdrong kơnê̆ lu sư pơm ưh kơ ăn lu sư wih tơ Kră Yang 'Bok Kei-Dei lu sư ôh. Yua kơ lu sư tơchĕng 'maih ngôi pơyô kư̆ kă. Lu sư jing ưh kơ băt kơ Kră Yang.

Hôsia 6:6

Inh wă kơ iĕm 'mêm mă sĭt, hloh kơ wă iĕm pơyơ̆r tơmam soi. Wă kơ iĕm băt kơ Kră Yang 'Bok Kei-Dei hloh, kơ wă ôh iĕm pơyơ̆r tơmam soi 'buh.

Hôsia 7:11

Êphraim thoi sem kơtơp kơwao, ưh kơ đei đon băt hlôh, lu sư krao apinh char Êyiptơ, năm tơ char Asiri.

Hôsia 7:9

Bơngai tơmoi tơhiong lê̆ boih tơdrong pran kơtang lu sư, mă-lei lu sư ưh kơ băt tơdrong noh! Kơ̆l lu sư đĭ sŏk ko boih, mă-lei lu sư ưh kơ 'bôh.

Hôsia 8:1

Dan bĕ tơgiĕp 'bơ̆t 'bơ̆r ih! Lu ayăt thoi sem grơ̆ năm blah bơngai Kră Yang, yua kơ kon pơlei pơm glăi boih kơ đêl nơ̆r pơgơ̆p, păng pơm yoch kơ tơdrong juăt Inh.

Hôsia 8:12

Inh đei chih ăn boih tơdrong juăt Inh lơ, mă-lei lu sư lăng thoi tơdrong mă lu sư ưh kơ hlôh.

Hôsia 8:14

Lu bơngai Isơrael hiơt boih kơ Tơ'ngla pơjing lu sư, păng đei pơdơ̆ng lu hnam pơtao, Juđa kư̆m đei thim lơ pơlei tih đei dur kơjăp, mă-lei Inh gô ăn ŭnh truh sa tơ pơlei tih, păng ŭnh 'noh soh chhông sa lu kơđông kơjăp lu sư.

Hôsia 9:17

Kră Yang 'Bok Kei-Dei inh gô hŭt lê̆ lu sư yua kơ lu sư kuă kơ mơ̆ng nơ̆r Kră Yang na lu sư gô jing bơngai chă thông măng jơ̆p kơ dêh char nai.

Mathiơ 1:6

Jesê âu boih pơjing pơtao Đawit. Akăn Đawit đơ̆ng akăn Uri sơ̆ bre sư Đawit pơjing Sôlômôn.

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Mathiơ 15:8

‘Lu bơngai âu ư-ang kơ Inh păng 'bơ̆r đĕch, jơhngơ̆m klơm klak sư ataih đơ̆ng Inh.

I Sam 2:12

'Bar 'nu kon drŏ-nglo Hêli jing bơngai kơnê̆ tơpă, bre sư ưh kơ băt hli yom kơ Kră Yang.