Hôsia 4:3 - Sơ̆p Hlabơar Nơ̆r 'Bok Kei-Dei

³ Yua kơ thoi noh na lăm char âu đei ơh sơ'ngon, lu bơngai oei lăm noh rơmơ̆n rơmok, lu sem brem, lu sem păr kư̆m lei-lăi, ka lăm đak dơsĭ kư̆m lôch.

Hôsia 4:3 Iomraidhean Croise

Êsai 33:9

Teh đak nhơ̆m hmoi ơh sơ'ngon đĭ jing juơ. Liban kơdơ̆ mơlâu păng jô hŏnh, dêh char Sarôn nhen thoi char glă Araba, dêh char Basan păng kông Karmel hla sư hơlŭng ruh đĭ.

Je 12:4

Lăm char gô ơh sơ'ngon dĭng dang yơ? 'Nhĕt tơ chŭn mir gô jô kro dĭng dang yơ? Yua kơ đơ̆ng tơdrong kơnê̆ kon pơlei oei lăm noh pơm, lu sem bri sem păr lôch đĭ. Đei lu sư khan: “Kră Yang ưh kơ 'bôh ôh tơdrong kiơ lu bơ̆n pơm.”

Je 23:10

‘Dêh char âu 'bĕnh kơ lu bơngai pơm pơyô kư̆ kă, Yua kơ đơ̆ng Kră Yang hiap pơtê̆, teh hrĕng kro, tơmăn 'nhĕt tơ char glă kro đĭ. Lu sư kơdâu kiơ̆ trong kơnê̆; yua iŏk tơdrong gơh kĕ ưh kơ trŏ.’ ”

Je 4:25

Inh lăng ưh pă đei 'bôh bu; lu sem păr đĭ weh tơ nai,

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Je 9:9

Kră Yang khan: “Inh ưh kơ phak lu sư hă kơ tơdrong âu? Na Inh ưh iung kơting hă kơ lu dêh char thoi âu?”

Êsêkiên 38:20

'Bơ̆t anăp Inh, lu ka đak dơsĭ, sem păr kơpal plĕnh, kon sem bri, đĭ lu hơdrông kơep lep-ler mơmŏ kơpal teh păng lu kon bơngai kơpal teh gô hli tơtơ̆, lu kông hơlih, lu dur tơmo gô pơchah, đĭ-đăng lu anih kơjăp gô hơlih đĭ tơ teh.

Jôel 1:18

To, lu kon sem dơrong đĭ ôr hơrum dêh! To khŭl rơmo đĭ hơwơ̆l hơwang, yua kơ sư pă đei 'nhĕt sa boih! Lu khŭl triu kư̆m pơmat-tat.

Am 1:2

Amôs khan: Kră Yang gô krao ôr đơ̆ng Siôn. Sư gô ôr pơret nơ̆r sư đơ̆ng Jêrusalem. Dôm lu 'nhĕt 'nhot bơngai wei triu kro jô păng tơ kơ̆l Kông Karmel 'long pơgê kư̆m jô kro mơ̆n.

Am 5:16

Thoi noh na Kră Yang 'Bok Kei-Dei Tih hloh, khan thoi âu: Tơ rim anih lăm pơlei đe gô nhơ̆m hmoi: Tơ rim trong đe ôr krao ơu pơmat dêh! Ơu pơmat dêh! Đe gô pơtơm lu bơngai choh mir chŭn năm truh tơ anih ơh sơ'ngon păng chă lu bơngai gơh hmoi năm nhơ̆m hmoi.

Am 8:8

Teh đak ưh kơ tơdrŏ hă kơ tơdrong noh, đĭ-đăng lu kon pơlei sư ưh kơ nhơ̆m hmoi hă? Đĭ-đăng teh tŏk 'bĕnh blai nhen thoi đak krong Nil sư gô pơpơ̆ păng hrŏ thoi đak krong Êyiptơ noh.

Na 1:4

Sư chrih kơ đak dơsĭ, đak dơsĭ hrĕng kro hloi; păng pơhrơ̆ đĭ-đăng lu đak krong. Mir chŭn pơgar tơring Basan păng Karmel hrĕng kro, pơkao char Liban jô hơlŭng.

Jêphania 1:3

“Inh wă pơlôch kon bơngai păng kon sem brem, sem păr păng ka lăm đak dơsĭ, Inh gô tơhuŏng lê̆ lu bơngai pơm kơnê̆; păng Inh gô tơhuŏng lê̆ kon bơngai đơ̆ng kơpal teh.” Kră Yang khan thoi noh.

Sa 5:4

Kră Yang Tih Hloh khan: “Inh gô wơh sơ̆p hla bơar âu năm, đơ̆ng noh sư gô mơ̆t tơ lăm hnam lu bơngai tơtông păng tơ hnam lu bơngai pơkă hơlĕnh; thoi noh sư oei hloi tơ lăm hnam lu đe noh păng sư gô pơrăm lê̆ hnam noh, mă khan pơm păng 'long dah păng tơmo.”