Hôsia 4:14 - Sơ̆p Hlabơar Nơ̆r 'Bok Kei-Dei

¹⁴ Inh ưh kơ phak lu kon adruh iĕm yua kơ yoch pơm pơyô, kư̆m ưh kơ phak lu mŏ mai iĕm yua kơ yoch ngôi hăm đe nai; yua kơ lu drŏ-nglo iĕm kư̆m ngôi kư̆ kă hăm lu drŏ-kăn đi, păng pơyơ̆r tơmam soi hăm lu bơngai drŏ-kăn kư̆ kă. Thoi noh lu kon pơlei ưh kơ hlôh gô hiong răm.

Hôsia 4:14 Iomraidhean Croise

I Pot 15:12

Sư pơpuh tơlĕch lu bơngai drŏ-nglo ngôi kư̆ kă pơm đi đơ̆ng lăm char sư pơgơ̆r păng teh pơchah pơđĭ lu rup yang mă đêl lu 'bok kơdră sư pơm.

II Pot 23:7

Sư kư̆m yuih hŭt teh pơchah lê̆ anih drŏ-nglo ngôi pơm kư̆ kă lăm Hnam akŭm kơkuh kơ Kră Yang, tơ anih noh lu drŏ-kăn tanh che ăn kơ yang Asêra.

Tơdrông Pơđơk 28:5

Bơngai pơm kơnê̆ đê̆ pă băt tơdrong tơpăt; Mă-lei đei bơngai bu băt chă Kră Yang na băt hlôh đĭ-đăng.

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Êsai 56:11

Lu sư jơ̆ kŏ sa dư, ưh kơ băt phĭ. Noh bơih lu bơngai wei triu ưh kơ hlôh wao: Chă wơ̆t kiơ̆ trong kơdih lu sư; rim 'nu lu sư chă tơdrong pơyua kơdih, đơ̆ng blŭng truh tơ tôch.

Da 12:10

Gô đei lơ bơngai pơm kơdih akâu sư rơgoh jing kok păng đei pơhrăm pơmat. Mă-lei lu bơngai kơnê̆ kư̆ hrăn pơm kơnê̆; lăm lu bơngai khĕnh hơwĕng kơnê̆ dêh ưh kơ đei bu hlôh; mă-lei lu bơngai gơh hơgei gô hlôh.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Hôsia 4:17

Lu bơngai Êphraim, pơgơ̆p hơdai rup yang, lê̆ măk ai sư.

Hôsia 5:4

Tơdrong kơnê̆ lu sư pơm ưh kơ ăn lu sư wih tơ Kră Yang 'Bok Kei-Dei lu sư ôh. Yua kơ lu sư tơchĕng 'maih ngôi pơyô kư̆ kă. Lu sư jing ưh kơ băt kơ Kră Yang.

Am 2:7

Lu sư pơjuă lê̆ kơ̆l lu bơngai dơnuh hin tơ teh păng pơm kơ trong lu bơngai iơ̆m dim đŏng đĕo. 'Bă kon kư̆m ngôi kư̆ kă hăm minh 'nu drŏ-kăn, thoi noh pơm pơ'mê̆ kơ anăn 'lơ̆ng rơgoh Inh.

Am 7:17

Yua kơ inh khan thoi noh na Kră Yang khan dơ̆ng thoi âu: Akăn ih gô pơm đi tơ lăm pơlei tih; kon drŏ-nglo păng kon drŏ-kăn ih gô lôch kơ đao gưm, teh đak ih gô klah asong pơtŏ păng tơlei, gah ih, ih gô lôch lăm teh đak 'mê̆-'mach păng Isơrael gô pơm đĭch tơ dêh đe.

Jo 25:3

Isơrael pơm yang kơkuh kơ yang Baal Pêôr, đei Kră Yang hil mĭl kơ lu bơngai Isơrael,

Yo 8:43

Inh tơhlôh ăn kơ iĕm thoi noh boih, kơlih kơ kiơ iĕm ưh kơ wao tơdrong Inh bơtho? Hăm trŏ iĕm arăng kơ̆l ưh kơ wă lui kơ nơ̆r Inh bơtho?

Rom 3:11

Păng ưh kơ đei bu hlôh wao tơdrong 'Bok Kei-Dei, yua kơ ưh kơ đei bu wă chă Sư.

I Kor 6:16

Bơngai bu ngôi hăm drŏ-kăn đi, bơngai 'noh dang lĕ minh sĕch minh akar hăm đi mơ̆n, kư̆m thoi sơ̆p hla bơar 'Bok Kei-Dei chih khan: “Bre sư jing minh sĕch minh akar.”*

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.

Both 23:17

Lăm lu kon drŏ-kăn dah drŏ-nglo bơngai Isơrael; 'nĕ kơ đei bơngai bu pơm pơyô kư̆ kă tơ anih rup yang.

Hêbrơ 12:8

Đĭ-đăng bơngai đei mĕ 'bă bơtho pơjĭ ngăl. Na dah 'Bok Kei-Dei ưh kơ đei bơtho pơjĭ iĕm, noh iĕm ưh kơ trŏ kơ kon Sư tơpă ôh.