Hôsia 4:11 - Sơ̆p Hlabơar Nơ̆r 'Bok Kei-Dei

¹¹ Sik hơmu so păng sik hơmu 'nao pơm tơhiong lê̆ tơdrong hơgei lu sư.

Hôsia 4:11 Iomraidhean Croise

Tơdrông Pơđơk 20:1

Sik hơmu pơm kơ đe suai jing bơngai blei hiap. Sik hơmu et suai pơm kơ bơngai ôr tơkĕch. Bu et hloh kơ ai suai jing pă đei đon tơchĕng hơgei.

Tơdrông Pơđơk 31:4

Ơ Lêmuel, lu pơtao huch tơdrô ưh kơ 'lơ̆ng ôh; Kŭm ưh kơ 'lơ̆ng kơ lu kră pơgơ̆r hơmuy tơdrô.

Tơdrông Pơđơk 6:32

Bơngai bu pơm pơyô kư̆ kă bơngai noh hiong đĭ tơdrong tơchĕng. Bơngai bu pơm thoi noh, gô pơrăm sư kơdih.

Bôk Bơthô 7:7

Mưh pơjuă pơđep đe pơm kơ lu bơngai hơgei jing kơtul păng sa pơgâm sư pơm kơ kơ̆l 'ngok măng mu.

Êsai 28:7

Mă-lei lu đe noh kư̆m wing măt yua kơ sik hơmu pơm. Nơnăm 'ma 'ngiĕo yua kơ suai kơ tơdrô 'lơ̆ng! 'Bok soi păng 'bok khan lê̆ adrol wing măt yua kơ suai kơ tơdrô 'lơ̆ng, tơdrô pơrăm đĭ đon tơchĕng lu sư, tơdrô pơm kơ lu sư yak năm we-wo 'ma 'ngiĕo oei mơngưt mơngat kơplah lu sư đei tơdrong tơ'bôh. Lu sư glăi lăm tơdrong sek tơlang.

Êsai 5:12

Lăm năr et sa lu sư reh brŏ, hlôm lillul teh hơgơ̆r hăm et tơdrô, mă-lei lu sư ưh kơ tơchĕng tơdrong Kră Yang pơm; lu sư kư̆m ưh kơ 'bôh đêl dôm tơdrong đơ̆ng ti Kră Yang pơjing.

Je 23:13

“Inh 'bôh hơđăl boih tơdrong glăi yoch krưp, lăm bơngai khan lê̆ adrol char Samari; Lu sư yua anăn yang Baal na khan lê̆ adrol, ba bơngai Isơrael Inh wơ̆l jrok.

Hôsia 4:12

Kon pơlei Inh apinh yang rup pơm păng 'long, na 'long jra gô tơl lu sư; yua kơ jơhngơ̆m 'maih pơm kư̆ kă jing pơm kơ lu sư achăng lê̆ Kră Yang 'Bok Kei-Dei lu sư 'maih wă pơm pơyô kư̆ kă.

Hôsia 5:4

Tơdrong kơnê̆ lu sư pơm ưh kơ ăn lu sư wih tơ Kră Yang 'Bok Kei-Dei lu sư ôh. Yua kơ lu sư tơchĕng 'maih ngôi pơyô kư̆ kă. Lu sư jing ưh kơ băt kơ Kră Yang.

Hôsia 7:11

Êphraim thoi sem kơtơp kơwao, ưh kơ đei đon băt hlôh, lu sư krao apinh char Êyiptơ, năm tơ char Asiri.

Lêwi 10:9

Layơ mă ih păng lu kon drŏ-nglo ih mơ̆t lăm Bơsŭn Anih Akŭm 'nĕ kơ et sik hơmu păng huch tơmam kiơ mă pơm kơ iĕm suai kơnh hli kơ iĕm lôch. Tơdrong noh jing tơdrong juăt tơtă ling-lang lăm đĭ jơhnơr lu iĕm.

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

I Sam 25:36

Wă Abigail brŏk truh tơ Nabal, na 'bôh Nabal oei et sa tih lăm hnam sư, et sa tih nhen thoi pơtao mơ̆n. Nabal đei jơhngơ̆m hiôk chơt păng suai dêh. Abigail ưh kơ đei roi ăn kơ sư băt dôm tơdrong kiơ tih dah iĕ, gô truh kơ pơgê.