Hôsia 4:1 - Sơ̆p Hlabơar Nơ̆r 'Bok Kei-Dei

¹ “Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Hôsia 4:1 Iomraidhean Croise

I Pot 22:19

Mikai tơl: “Thoi noh, mơ̆ng bĕ nơ̆r Kră Yang khan: Inh 'bôh Kră Yang hơ-oei kơpal tang-dŏ pơtao păng đĭ-đăng linh jang 'lơ̆ng dơ̆ng awih awăn gah 'ma gah 'ngiĕo kơ Sư.

Horiso 81:9

Lăm lu iĕm, 'nĕ kơ đei yang nai dơ̆ng; Kŭm 'nĕ chă kơkuh kơ yang lu bơngai tơmoi.

Êsai 1:10

Ơ lu kră wei-lăng plei Sôđôm, mơ̆ng bĕ nơ̆r Kră Yang khan. Ơ kon pơlei Gômôrơ, pơgling đon iĕm mơ̆ng bĕ khôi juăt Kră Yang 'Bok Kei-Dei lu bơ̆n.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Êsai 28:14

Na mơ̆ng bĕ nơ̆r Kră Yang khan. Ơ lu bơngai juăt kơ pơjăm đe, lu bơngai pơgơ̆r kon pơlei âu lăm pơlei Jêrusalem.

Êsai 34:1

Ơ lu dêh char năm mă jê̆ mơ̆ng bĕ, ơ kon pơlei pơla pơđêng đon iĕm mơ̆ng bĕ! Ơ teh đak păng lu tơmam 'bĕnh-'bang kơpal teh ơ dêh char păng lu tơmam lĕch đơ̆ng lăm noh mơ̆ng bĕ.

Êsai 34:8

Yua kơ Kră Yang đei minh năr wă pơm 'mong. Đei sơnăm Sư wă pơm tơwih yua kơ pơlei Siôn.

Êsai 5:3

“Ơ kon pơlei oei lăm pơlei Jêrusalem păng lu bơngai oei lăm char Juđa. Apinh sek tơlang bĕ kơ Inh păng pơgar hơmu Inh.

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Êsai 59:8

Lu sư ưh kơ băt trong hiôk-hian, lăm trong lu sư kư̆m ưh kơ đei trong tơpăt hơnơ̆ng, lu sư pơm kơdih lu trong đŏng đĕo, bơngai bu năm lăm trong 'noh sư ưh kơ băt tơdrong hiôk-hian!

Êsai 66:5

Ơ lu iĕm bơngai mơ̆ng nơ̆r Kră Yang pơma mă hli tơtey, mơ̆ng bĕ nơ̆r Kră Yang. “'Nhŏng oh lu iĕm bơngai mă hil areh kơ lu iĕm, hŭt lê̆ lu iĕm yua anăn Inh păng khan: ‘Hơpơi kơ Kră Yang đei ư-ang, wă kơ lu nhôn 'bôh tơdrong hiôk chơt lu iĕm.’ Mă-lei lu sư bơih gô mơlâu.

Je 11:7

Inh đei bơtho tơtă boih ăn kơ lu 'bok yă lu iĕm kơplah Inh chông tơlĕch lu sư đơ̆ng char Êyiptơ sơ̆ dĭng truh năr 'nâu, Inh ling-lang tơbăt kơ lu sư: “Chu kiơ̆ bĕ nơ̆r Inh.”

Je 19:3

Ih athei khan: ‘Ơ lu pơtao Juđa păng đĭ-đăng kon pơlei oei lăm pơlei Jêrusalem, mơ̆ng bĕ nơ̆r Kră Yang. Kră Yang Tih Hloh 'Bok Kei-Dei lu bơngai Isơrael khan thoi âu: Âu, Inh gô ăn tơdrong răm pơmat truh kơ anih 'nâu, dah bơngai bu kơtơ̆ng nơ̆r 'nâu kư̆m jĭ đon.

Je 2:4

“Ơ adrĕch Jakôp păng đĭ kon sâu Isơrael mơ̆ng bĕ nơ̆r Kră Yang khan”

Je 2:9

Kră Yang khan: “Thoi noh na Inh jô̆ lu iĕm yoch păng truh tơ sâu se lu iĕm mơ̆n.

Je 25:31

Đe gô kơtơ̆ng nơ̆r tơjrông tơjrang tơ tôch kơ teh, yua kơ Kră Yang gô sek đĭ kơ adrĕch adrung, Sư wă phak đĭ-đăng kon bơngai, Sư pơjao ăn lu bơngai kơnê̆ lôch kơ đao gưm.’ ” 'Noh Kră Yang khan.

Je 34:4

Lei na mơ̆ng bĕ nơ̆r Kră Yang pơma. Ơ Sêđekia pơtao đe Juđa. Kră Yang pơma roi gah ih: Ih huay kơ lôch kơ đao gưm ôh.

Je 4:22

“Tơpă kon pơlei Inh bơlŭk, lu sư ưh kơ băt kơ Inh. Lu sư oei 'lơ̆p nge kơhlôh, lu sư ưh kơ wao, lu sư nŏng kơ pơm kơnê̆, mă ưh kơ băt pơm minh tơdrong 'lơ̆ng.

Je 4:28

Thoi noh, teh đak âu gô ơh sơ'ngon, plĕnh gô măng mu, yua kơ Inh đei khan, Inh đei pơkă, ưh pă tơplih, ưh pă gơh hơmet nơ̆r dơ̆ng.”

Je 5:4

Inh tơchĕng khan: “'Nâu lăp lu bơngai dơnuh hin, kơhlôh kơwao đĕch, lu sư ưh kơ băt kơ trong Kră Yang. Khôi juăt Kră Yang 'Bok Kei-Dei lu sư.

Je 51:5

Yua kơ Kră Yang 'Bok Kei-Dei Tih Hloh ưh kơ achăng lê̆ ôh lu bơngai Isơrael hăm lu bơngai Juđa. Mă-lei char Babilônb 'bĕnh hăm tơdrong yoch blah plơ̆ Tơ'ngla 'Lơ̆ng Rơgoh Isơrael.

Je 6:13

“Iŏk đơ̆ng bơngai kơhlôh truh tơ bơngai hơgei, tă kơ chă lơi ngăl. Đơ̆ng lu bơngai khan lê̆ adrol truh tơ lu 'bok soi kư̆m sa pơgâm.

Je 7:28

Ih athei khan kơ lu sư: 'Nâu boih adrĕch adrung ưh kơ chu mơ̆ng nơ̆r Kră Yang 'Bok Kei-Dei lu sư, kư̆m ưh kơ wă hơmet ming glăi. Tơdrong sĭt tơpă hiong đĭ boih; 'bơ̆r lu sư ưh pă pơma tơdrong noh dơ̆ng.

Je 9:20

Ơ lu drŏ-kăn mơ̆ng bĕ nơ̆r Kră Yang; Pơih đon lu iĕm mơ̆ng iŏk bĕ nơ̆r đơ̆ng 'bơ̆r Sư pơma. Bơtho pơhrăm bĕ kơ lu kon drŏ-kăn iĕm tơdrong nhơ̆m hmoi, bơtho băl hmoi jô̆.

Je 9:3

“Lu sư gŭt hơpiĕt thoi gŭt hră. Wă prah tơlĕch nơ̆r hơlĕnh pơdăr. Lu sư jing gơh pơgơ̆r lăm char đơ̆ng tơdrong hơlĕnh pơdăr. Ưh kơ trŏ tơdrong sĭt tơpă. Lu sư pơm yoch 'nâu pơm yoch plơ̆ng dơ̆ng. Păng đĭ ưh pă băt kơ Inh,” noh Kră Yang khan.

Je 9:7

Lei na Kră Yang Tih Hloh khan: “Âu Inh gô pơm kơ lu sư rơgoh hăm ŭnh wă pơlong lu sư, yua kơ tơdrong yoch lu sư Inh ưh kơ gơh wă pơm kiơ nai kơ kon pơlei Inh?

Êsêkiên 16:35

Na ơ bơngai pơm đi, athei mơ̆ng bĕ nơ̆r Kră Yang.

Hôsia 12:2

Kră Yang kư̆m đei pơma chrih kơ adrĕch Juđa, păng Sư gô phak Jakôp kiơ̆ thoi kơ trong sư yak năm; Kră Yang gô pơm tơwih kơ lu sư kiơ̆ thoi tơdrong lu sư pơm.

Hôsia 12:3

Oei lăm klak mĕ sư, Jakôp rôp kơnơl jơ̆ng 'nhŏng sư; păng truh tơ 'lŏ tơ̆l, sư tơglơ̆m hăm Kră Yang 'Bok Kei-Dei.

Hôsia 5:1

“Ơ lu 'bok soi, mơ̆ng bĕ lu tơdrong 'nâu. Ơ bơngai Isơrael, pơgling đon bĕ! Răp mơ̆ng bĕ, ơ bơngai lăm hnam pơtao! Tơdrong sek tơlang âu 'bơm trŏ kơ lu iĕm, yua kơ lu iĕm thoi hơđong hơ'năk lê̆ boih tơ pơlei Mispa; păng thoi hơnhuăl dăng boih tơ kông Tabôr.

Hôsia 5:4

Tơdrong kơnê̆ lu sư pơm ưh kơ ăn lu sư wih tơ Kră Yang 'Bok Kei-Dei lu sư ôh. Yua kơ lu sư tơchĕng 'maih ngôi pơyô kư̆ kă. Lu sư jing ưh kơ băt kơ Kră Yang.

Jôel 1:2

Ơ lu bơngai kră mơ̆ng bĕ nơ̆r âu! Đĭ-đăng lu iĕm jing kon pơlei pơla lăm teh đak âu, mơ̆ng bĕ! Hăm tam đei tơdrong truh thoi noh lăm chăl lu iĕm, dah lăm chăl 'bok lu iĕm ưh?

Am 3:1

Ơ lu kon sâu Isơrael, mơ̆ng bĕ nơ̆r âu, 'nâu boih nơ̆r đơ̆ng Kră Yang khan wă blah lu iĕm, wă tơblah hăm đĭ-đăng lu adrĕch adrung mă inh đei chông anhăk đơ̆ng dêh Êyiptơ.

Am 7:16

Na mơ̆ng bĕ nơ̆r Kră Yang: Ih khan thoi âu: 'Nĕ khan lê̆ adrol wă blah Isơrael păng kư̆m 'nĕ kơ bơtho đe pơm kơnê̆ hăm Isăk.

Mi 6:2

Ơ lu kông păng lu hơnă teh kơjăp ling-lang, mơ̆ng bĕ nơ̆r đơ̆ng Kră Yang pơma hil! Yua kơ Kră Yang pơma chrih dơ̆ng kơ kon pơlei Sư păng Sư gô pơma hil dơ̆ng kơ kon pơlei Sư.

Yo 8:55

mă-lei iĕm ưh kơ băt kơ Sư ôh. Inh băt kơ Sư tơpă. Dah Inh khan Inh ưh kơ băt kơ Sư, lei Inh bơngai hơlĕnh thoi iĕm mơ̆n. Inh băt kơ Sư tơpă, na Inh băt kơ răk nơ̆r Sư.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

I Kor 15:34

Iĕm athei tơbral tơdrong yoch na jing 'lơ̆ng 'nĕ pă pơm tơdrong yoch đơ̆ng âu tơ anăp. Lu iĕm mơ'nah ưh kơ hlôh wao tơdrong 'Bok Kei-Dei thoi yơ na iĕm mơlâu ưh?

Tơdrông Tơ'bôh 2:11

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh huay ăn kơ sư lôch mă 'bar.’ ”

Tơdrông Tơ'bôh 2:29

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”