Hôsia 3:4 - Sơ̆p Hlabơar Nơ̆r 'Bok Kei-Dei

⁴ Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Hôsia 3:4 Iomraidhean Croise

Bl 31:19

Kơplah La'ban oei năm yuă sŏk lu triu sư, na Rachel năm iŏk tơtông lu rup yang lăm hnam 'bă sư.

Bl 31:34

Na, Rachel đei iŏk dôm lu rup man noh, ôn lăm an lăk-đa, na sư hơ-oei kơtĭt kơpal. La'ban chă pơih jơ̆p lăm anih ưh kơ 'bôh rup yang.

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

II Sam 6:14

Wă hơri bơnê kơ Kră Yang, Đawit iŏk hrŭk ao êphot, na suang đĭ jơhngơ̆m chơt hiôk.

II Pot 23:24

Jôsia kư̆m pơrăm pơpuh lê̆ đĭ lu bơngai pơjâu krao bơhngol bơngai lôch păng lu pơjâu tơwir, lu rup yang kơdih rim hnam păng lu rup yang hăm đĭ-đăng lu tơdrong kơnê̆ 'mê̆-'mach mă Kră Yang areh đei 'bôh lăm char Juđa păng tơ Pơlei Jêrusalem, wă pơm kiơ̆ kơjăp tơdrong juăt đei chih bơih lăm sơ̆p hla bơar mă 'bok soi Hilkia đei chă 'bôh đơ̆ng lăm hnam akŭm kơkuh kơ Kră Yang.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

Le 28:4

'Nâu đei lăm ao wă pơm kơ sư: Minh blah bơnal 'băk tơ kơtơh, minh blah êphot, minh blah ao tai, môk păng tơlei tơ̆n, lu sư gô pơm ao rơgoh tơ̆n ăn kơ Arôn, 'nhŏng ih, hăm dôm lu kon drŏ-nglo sư, wă kơ lu sư noh pơm 'bok soi bơ̆jang kơ Inh.

Le 28:6

Lu sư gô pơm ao êphot păng brai rang, brai jơk, brai 'brê gôh, 'brê hơhĭm păng che 'bui tanh hăm brai se.

Nhom 2:9

Lu 'măng jang tơkơ̆l đĭ tơ teh păng gơ̆ lê̆ chơkăl sư; Pơtao hăm lu kră pơlei oei hơdai hăm lu kon pơlei, Jing anih ưh pă đei khôi juăt! Lu 'bok khan lê̆ adrol ưh pă đei 'bôh păng pă đei kơtơ̆ng boih nơ̆r Kră Yang.

Êsêkiên 19:14

Ŭnh lĕch đơ̆ng tơ'bla sư sa đĭ plei noh, thoi noh na ưh pă đei dơng 'lơ̆ng ayơ oei đei, wă yua pơm 'long jra pơtao. Noh tơdrong nhơ̆m hmoi, jing nơ̆r hơri nhơ̆m hmoi.’

Êsêkiên 20:32

Lu iĕm khan: Lu nhôn wă gô kơkuh kơ 'long păng tơmo, kiơ̆ thoi adrĕch adrung lu dêh char âu. Tơdrong lu iĕm tơchĕng lăm đon tơdrong noh ưh kơ đei truh ôh,

Êsêkiên 21:21

Pơtao Babilôn dơ̆ng 'bơ̆t trong tơklah pêng, 'bơ̆t kơ̆l 'bar pah trong wă hlang lăng. Pơtao wă gơgŭ 'brơ̆m wă hlang lăng, apinh lu rup yang wă lăng lăng klơm sem soi pơyơ̆r.

Êsêkiên 21:31

Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Da 11:31

Lu linh mă sư lăp đon, gô iung pơm 'mê̆-'mach kơ anih kơđông rơgoh, iŏk lê̆ tơmam soi 'buh mă juăt kơ pơyơ̆r păng pơm tơdrong kơnê̆, pơm kơ anih noh jing juơ.

Da 12:11

Đơ̆ng chăl mă lê̆ boih dôm tơdrong soi, tơmam soi 'buh mă juăt kơ pơyơ̆r păng tơdrong kơnê̆ 'mê̆ brư̆ jing juơ juŏ gô pơjing ming plơ̆ng dơ̆ng, gô đei minh-rơbâu 'bar-hrĕng tơsĭn-jĭt năr.

Da 9:27

Sư pơjing tơdrong kơjăp hăm lơ bơngai lăm minh 'măng giĕng păng truh lăm tŏk-bŏk 'măng giĕng noh, Sư kư̆m ăn kơ tơmam soi 'buh pơyơ̆r kư̆m pơdơh. Lu bơngai nai mă pơrăm gô truh hao pơnăr sem krưp dêh păng gô đei tơdrong hil krưp dêh tuh tơ anih juơ dĭng truh tơ sơnăm tôch, mă sơnăm đei pơkă lê̆ boih.

Hôsia 13:10

Dang ei tơ yơ pơtao iĕm juăt ngăl dŏng pơklaih iĕm? Tơ yơ đĭ-đăng lu yŏng pơgơ̆r iĕm lăm rim pơlei? Tơ yơ lu yŏng mă lu bơngai iĕm ngăl khan: Ăn kơ lu nhôn đei minh 'nu pơtao păng lu yŏng pơgơ̆r!

Hôsia 13:11

Inh ăn pơhil boih kơ lu iĕm minh 'nu pơtao, păng yua kơ Inh hil na inh pơdrâu lê̆.

Hôsia 2:11

Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.

Lêwi 8:7

Sư pơhrŭk ăn ao hơ'bơ̆l, tơ̆n ăn tơlei tơ̆n, sư pơhrŭk ăn ao tai êphot păng tơ̆n tơlei tơ̆n êphot đe tanh wê̆; wă kơ êphot huay kơ tơpleh.

Sa 10:2

Yua kơ lu rup man chă pơma pơhlŭ lu pơjâu 'bôh hơlĕnh đĕch; lu sư roi tơdrong lu sư hơpo hơlĕnh, sư pơlung ngôi đĕch ưh kơ đei yua kiơ. Thoi noh na kon pơlei tơklah tơklang thoi triu, đe pơmat lu sư yua kơ ưh pă đei bơngai wei.

Sa 13:2

Kră Yang Tih Hloh khan thoi âu: “Lăm năr noh kư̆m đei tơdrong truh, Inh gô tơhiong lê̆ đĭ dôm lu anăn rup yang đơ̆ng lăm teh đak, wă kơ lu sư ưh pă đei bu 'blŏk dơ̆ng; Inh kư̆m gô pơm kơ lu 'bok khan lê̆ adrol păng yang kơnê̆ 'mê̆-'mach weh lĕch đơ̆ng teh đak âu.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Yo 19:15

Lu sư ôr pơret: “Nhôn ưh kơ wă bơngai 'noh. Pơ̆ng pơlôch Sư tơ 'long pơglang.” Pilat khan dơ̆ng: “Inh pơ̆ng pơlôch 'Bok Pơtao iĕm hă?” Mă-lei lu 'bok soi tih khan: “Nhôn đei minh 'nu Sêsar đĕch pơm pơtao nhôn.”

Hêbrơ 10:26

Bơ̆n băt boih tơdrong Yêsu Krist, mă bơ̆n wih lê̆ tơdrong lui pơm yoch dơ̆ng, bơ̆n ưh pă đei tơdrong soi kiơ mă gơh pơklaih bơ̆n đơ̆ng tơdrong yoch,

Lu 17:5

Mika kư̆m pơm hnam kơkuh kơ yang; sư pơm minh blah ao êphot păng dôm tŏ yang; sư pơk ăn kơ kon drŏ-nglo sư pơm 'bok soi.

Lu 18:14

Pơđăm 'nu chop lăng dêh khan kơ lu 'nhŏng oh sư: “Lu iĕm hăm băt lăm hnam noh đei minh blah ao êphot, dôm tŏ rup Yang păng rup Yang man păng minh pơm rup yang đe hling? Dang ei lu iĕm băt boih bơ̆n wă pơm kiơ.”

Lu 8:27

Giđêôn iŏk maih noh pơm ao tai êphot tah 'măn lê̆ lăm pơlei sư tơ Ophra. Đĭ-đăng bơngai Isơrael kơkuh kơ tơmam sư pơm noh; tơmam noh jing hơđong hơ'năk kơ Giđêôn păng hnam dơnŏ sư.

I Sam 14:3

Ahija, kon drŏ-nglo Ahitup, 'nhŏng Ikabôt, kon drŏ-nglo Phinêhas, kon Hêli, pơm 'bok soi kơ Kră Yang tơ Silô kon pơlei ưh kơ băt kơ Jônathan năm.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.

I Sam 2:18

Gah Samuel bơ̆jang 'bơ̆t anăp Kră Yang, sư oei 'lơ̆p, hrŭk ao Êphôt đe tanh hăm brai se.

I Sam 21:9

'Bok soi tơm tơl: Âu 'nâu đei đao Gôliat bơngai Philistin mă đêl ih pơlôch lăm thŭng Êlah oei pôn lê̆ lăm che, lê̆ 'bơ̆t cheng êphot to; tơdah ih wă iŏk, na iŏk wăi; tơ âu ưh kơ đei dao nai. Đawit tơl: Ưh kơ đei dao nai dang đao 'nâu, pơjao ăn kơ inh.

I Sam 22:18

Pơtao, khan kơ Đôe: Ih năm pơlôch lu 'bok soi bĕ. Đôe bơngai Eđôm, pơlôch lu 'bok soi; lăm năr noh đei tơhngam-jĭt pơđăm 'nu bơngai hrŭk ao êphot.

I Sam 23:6

Na, kơplah Abiathar, kon drŏ-nglo Ahimelek, kơdâu klĕnh tơ Đawit tơ pơlei Kêila, đei chĕp ba êphot.

I Sam 23:9

Wă Đawit băt Sôl chă wă pơrăm sư, na sư khan kơ 'bok soi tơm Abiathar: Chĕp ba ao êphot tơ âu.

I Sam 30:7

Na Đawit khan kơ 'bok soi Abiathar kon Ahimelek: Inh apinh ih chĕp ba ăn kơ inh êphot tơ âu: Abiathar chĕp ba êphot ăn kơ Đawit,