Hôsia 3:1 - Sơ̆p Hlabơar Nơ̆r 'Bok Kei-Dei

¹ Kră Yang khan kơ inh: “Năm 'mêm bĕ kơ akăn ih mă drŏ-kăn pơm đi, đei pơm pơyô boih; 'mêm kơ sư thoi Kră Yang oei 'mêm kơ kon pơlei Isơrael, mă khan lu sư kiơ̆ yang nai păng 'maih sa 'bĕng plei hơmu 'ngam.”

Hôsia 3:1 Iomraidhean Croise

II Sam 6:19

Sư asong kơ đĭ-đăng kon pơlei Isơrael, lu tơpôl lăm Isơrael mă drŏ-nglo dah drŏ-kăn, minh 'nu minh pôm 'bĕng mi minh kơnăt 'nhĕm phang, hăm minh tơpei 'bĕng hơmu kro, đơ̆ng noh, đĭ-đăng lu sư brŏk tơ hnam sư kơdih.

II Pot 13:23

Mă-lei Kră Yang mơnat tơgŭm wei-lăng lu sư yua kơ Sư pơkă bơih hăm Abraham, Isăk păng Jakôp. Kră Yang ưh kơ wă pơrăm lu sư, ưh kơ achăng lê̆ lu sư truh tơ dang ei.

I Ho 16:3

Na asong ăn kơ đĭ-đăng kon pơlei Isơrael drŏ-nglo drŏ-kăn rim 'nu minh pôm 'bĕng mi, minh kơnăt 'nhĕm, păng minh pôm 'bĕng plei hơmu kro.

Ne 9:31

Yua kơ Ih đei jơhngơ̆m 'mêm tih dêh, Ih ưh kơ đei pơlôch pơrăm lu sư, kư̆m ưh kơ đei achăng lê̆ lu sư, yua kơ Ih boih Kră Yang 'Bok Kei-Dei 'mêm mơnat păng pơm 'lơ̆ng.

Horiso 123:2

Thoi măt lu đĭch đam drŏ-nglo chang gô đơ̆ng ti yŏng tơ'ngla drŏ-nglo lu sư. Thoi măt lu đam drŏ-kăn lăng tơ ti yŏng tơ'ngla drŏ-kăn lu sư. Na măt lu bơ̆n kư̆m chang gô Kră Yang, 'Bok Kei-Dei thoi noh; Dĭng Sư mă mơnat kơ lu bơ̆n.

Le 32:6

Pơgê dơning lu sư iung đơ̆ng hrôih, klaih kơ noh lu sư pơyơ̆r tơmam soi 'buh, hăm tơmam soi 'blŏk bơnê, lu kon pơlei pơla hơ-oei, wă sa et, đơ̆ng noh lu sư iung hơnul pơchơt.

Hơri Hiôk 2:5

Iŏk bĕ plei hơmu kro na pơlung jơhngơ̆m inh; Iŏk bĕ plei hơra mi tơgŭm wă kơ inh pran; Yua kơ inh đei jĭ đơ̆ng tơdrong hơyuh.

Êsai 45:22

Ơ đĭ-đăng lu bơngai oei jơ̆p anih tôch kơ teh. Wih brŏk bĕ tơ Inh na lu iĕm gơh klaih! Yua kơ Inh bơih Kră Yang 'Bok Kei-Dei, ưh kơ đei yang nai ôh.

Je 3:20

Mă-lei, ơ adrĕch Isơrael, lu iĕm thoi minh 'nu drŏ-kăn pơm kơnê̆ achăng lê̆ klo sư, lu iĕm pơm kơnê̆ hăm Inh boih,” Kră Yang khan thoi noh.

Je 31:20

“Hăm trŏ Êphraim kon Inh mă 'mêm? Kon inh kơeng? Mă khan dôm wơ̆t boih inh hil kơ sư; inh oei 'blŏk 'brơ̆k mơnat, Tơpă Inh gô mơnat kơ sư.” Noh Kră Yang khan.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Hôsia 2:5

Mĕ lu sư pơm boih pơyô kư̆ kă, anăp kơ lu sư hăm tơdrong mơlâu. Sư khan: Inh gô kiơ̆ lu pơyô inh, lu sư ăn kơ inh por sŏng đak nhă, che, sŏk triu, đak rơmă păng ăn kơ inh tơmam huch sa.

Hôsia 4:11

Sik hơmu so păng sik hơmu 'nao pơm tơhiong lê̆ tơdrong hơgei lu sư.

Hôsia 7:5

Dĭng 'bơ̆t năr pơtao lu bơ̆n hơmet sŏng sa hơdai, lu kră pơgơ̆r suai yua kơ đơ̆ng huch sik hơmu lơ. Pơtao kư̆m rôp ti hơdai hăm lu bơngai pơm kơnê̆.

Am 2:8

Lu sư 'bĭch jê̆ tơ chơnang soi, kơpal ao tai đe iŏk boih wă pơm tơmam pơkơ̆ng păng iŏk huch sa sik đêl đe duh tơ hnam yang sư.

Am 6:6

Lu iĕm huch sik hăm pơnhan mŏng tih, yua pơgang 'bâu phu kăp jên pik tơ akâu wă kơ 'bâu phu kơdih akâu, ưh pă 'blŏk boih tơdrong truh kơ adrĕch Jôsep!

Mi 7:7

Mă-lei gah inh, inh gô lăng Kră Yang, chang gô 'Bok Kei-Dei Tơ'ngla dŏng pơklaih inh; 'Bok Kei-Dei Kră Yang gô mơ̆ng nơ̆r inh.

Sa 1:16

Thoi noh Kră Yang khan thoi âu: ‘Inh iŏk jơhngơ̆m 'mêm mơnat dơ̆ng kơ Jêrusalem; Inh gô man pơdơ̆ng hnam Inh dơ̆ng tơ lăm sư, tơlei đak mơ̆k pơtŏ gô dăng tơ pơlei Jêrusalem.’ Kră Yang khan thoi noh.

Mathiơ 26:50

Yêsu khan: “Ơ buăl, pơm bĕ tơdrong ih wă pơm.” Na lu sư tơkan rôp kơjăp Yêsu hloi.

I Kor 10:21

Bơ̆n 'nĕ sa et 'bar pang, sa et kơchŏk 'blŏk kơ Yêsu boih, na sa et dơ̆ng kơchŏk đe sơmah kơ yang kơnê̆. Sa et tơ gơ'bang Yêsu boih, na sa et dơ̆ng tơ anih đe sơmah kơ yang kơnê̆.

I Kor 10:7

Thoi noh na bơ̆n 'nĕ kơkuh kơ yang nai thoi lu yă 'bok bơ̆n mơ'nah sơ̆. Sơ̆p hla bơar 'Bok Kei-Dei roi tơdrong lu sư sơ̆ thoi âu: “Lu kon pơlei pơla sa et măk ai, kư̆m pơm suang pơrŏ kơ yang lu sư.”

I Pet 4:3

Kơplah iĕm tam mă lui sơ̆, iĕm pơm lơ boih tơdrong kơnê̆. Na dang ei 'nĕ pă pơm thoi lu bơngai sơmăt lăp đon; lu sư hưch hanh pơm tôm tơdrong kơnê̆ kư̆ kă, et sik suai, sa dư, pơm kư̆ kă lăm năr sư sa et tih kơkuh kơ rup yang sư.

Lu 10:16

Lu sư hŭt lê̆ đĭ lu yang nai đêl lu sư kơkuh păng awih awăn chu kiơ̆ Kră Yang. Kră Yang Sư sơ'ngon dêh 'bôh lu bơngai Isơrael pơmat-tat.

Lu 9:27

Na lu sư năm tơ mir phĕ plei 'long hơmu chơpĕt iŏk đak hơmu wă et sa. Lu sư mơ̆t lăm hnam yang lu sư, et sa tih na pơma kơnê̆ pơjăm Abimêlek.