Hôsia 2:9 - Sơ̆p Hlabơar Nơ̆r 'Bok Kei-Dei

⁹ Thoi noh Inh gô pơdrâu iŏk phe 'ba Inh lăm bơyan kĕch, păng sik hơmu 'nao Inh lăm bơyan phĕ sư Inh pơdrâu iŏk che sŏk triu, păng che brai se mă sư yua pĕng akâu hoh sư.

Hôsia 2:9 Iomraidhean Croise

Êsêkiên 16:27

'Nâu Inh yơ̆r ti blah ih, iŏk lê̆ tơmam đơ̆ng ăn kơ ih păng pơjao ih kơ lu bơngai ayăt areh kơ ih, lu kon drŏ-kăn Philistin, lu bơngai mă kơdơ̆ mơlâu yua kơ tơdrong ih pơm pơyô kư̆ kă.

Êsêkiên 16:39

Inh gô jao ih lăm tơpang ti lu bơngai mă ih hưch. Lu sư gô teh tơpăk anih kơjung ih păng teh tơlơ̆ lu anih ih juăt kơkuh, iŏk lê̆ tơmam ih pơguăng păng plôh yaih lê̆ hơbĕn ao ih, lê̆ ih akâu hoh.

Êsêkiên 23:26

Lu sư gô plôh hơbĕn ao ih, lu sư gô iŏk đĭ tơmam pơguăng gĭt đơ̆ng ih.

Da 11:13

Pơtao yă-nơ̆m wih pơpôi khŭl linh lơ hloh dơ̆ng; păng đang kơ noh dang minh kơchon sơnăm, sư anhăk ba lu khŭl linh lơ hloh păng tơmam tơblah kư̆m lơ.

Hôsia 2:3

Tơdah ưh, kơnh Inh gô plôh lê̆ hơbĕn ao đơ̆ng sư lê̆ sư akâu hoh, thoi đe 'nao hơiơch kơ sư sơ̆; păng Inh pơm kơ sư thoi teh kro tơ char glă, pơm kơ sư lôch kơ rơhing.

Hôsia 8:7

Yua kơ lu sư rei boih kial, lu sư gô yuă iŏk hơbŭt tih; tơm 'ba lu sư oei dơ̆ng, mă-lei pă đei hnông, 'ba lu sư ưh pă đei găr pă jing phe; mă khan đei găr ră mă-lei lu bơngai tơmoi gô luăn sa đĭ.

Hôsia 9:2

Anih preh 'ba păng hơlŭng chơpĕt đak hơmu ưh kơ đei rong lu sư ôh; sik plei hơmu 'nao lu sư gô ưh kơmah.

Jôel 2:14

Bu băt lê̆ adrol, rŏ lăng sư gô tơplih tơdrong tơchĕng, oei lê̆ pŭn hiôk kơ bơ̆n, wă khan ăn kơ bơ̆n oei gơh soi pơyơ̆r phe 'ba păng pơyơ̆r tơmam soi huch sa ăn kơ Kră Yang 'Bok Kei-Dei lu bơ̆n.

Jêphania 1:13

Mŭk tơmam lu sư đe gô tơtông iŏk, hnam lu sư jing juơ tơtŭng; lu sư pơm hnam ră mă-lei ưh kơ đei oei; pơtăm tơm hơmu ră mă-lei ưh kơ đei sa plei păng huch đak.

Malachi 1:4

Tơdah bơngai Eđôm khan thoi âu: “Lu bơ̆n đe pơrăm đĭ boih, mă-lei lu bơ̆n gô brŏk pơjing dơ̆ng dôm lu anih đêl đe pơrăm,” thoi noh Kră Yang Tih Hloh khan: “Lu sư gô pơdơ̆ng ming, mă-lei Inh gô tơlơ̆ lê̆, dĭng mah đe krao anăn lu sư dêh char kơnê̆ păng jing kon pơlei pơla mă Kră Yang hil areh ling-lang.”

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”